Эзраа 1:1 - Библи

¹ Персиин хаан Киирэй түрүүшын жэлээ хааншалжа байхада Ерэмияагаар дамжуулһан үгэнүүдэйнгөө бэелүүлэгдэхын тула Эзэн Кииртэ нүлөө үзүүлжэ, тэрэ бүхы хаан түрөөрөө бэшэмэл аргаар болон үгэнүүдээр иигэжэ тунхаглахые захирба:

Эзраа 1:1 Referencias Cruzadas

Эзраа 1:5

Иудын, Бэньямиинэй уг гарбалай аха заханар, санаартад болон левидүүд, мүн Бурханай зүрхэ сэдьхэлынь зоригжуулһан бусадшье хүнүүд Эзэнэй һүмэ барилсахаяа Иерусалим тээшэ түхеэрбэд.

Эзраа 4:3

– Манай Бурханда мантай хамта таанар Һүмэ барилсахагүйт. Персиин хаан Киирэй захирһанай ёһоор, Израилиин Бурханда бидэ өөһэдөө Һүмэ барихабди, – гэжэ Зэрубабээл, Иисүүс болон Израилиин угуудай гулбаанар арсалта хэбэ.

Эзраа 6:14

Лүндэншэд Хаггай болон Иддоогой хүбүүн Захарияагай зүгнэн хэлэһээр, иудейн аха захатан барилгаяа урагшатай түргэн ябуулжал байгаа. Тиигэжэ Израилиин Бурханай хүсэлөөр, Персиин хаашуул Киир, Даарий, Артагсээрэгс гэгшэдэй дэмжэлгээр

Эзраа 6:22

Эһээлтэгүй хилээмэнэй һайндэрые долоон хоногой туршада ехэ баяртайгаар һайндэрлэбэ, юундэб гэхэдэ, Эзэнэй, Израилиин Бурханай, һүмэ барихадань туһалхын тула Ассириин хаанай зүрхэ зөөлэрүүлһэн Эзэн тэдэниие баярлуулаа бшуу.

Эзраа 6:3

Хан шэрээдэ һууһан жэлдээ Киир хаанай Иерусалимдахи Һүмэ тухай үгэһэн захиралта: үргэл үргэхын тула Һүмэеэ һэргээг, найдамтай һуури табюулаг, үндэрынь жаран тохой, үргэниинь баһа жаран тохой байха.

Эзраа 7:27

Иерусалимай Эзэнэй гэр шэмэглэхые хаанай сэдьхэл зоригжуулһан Эзэн Бурханаймнай хүсэл һайхан, үбгэ эсэгэнэрэймнай Бурхан һайн. Хаан болон түшэмэлнүүд, хан тайжанар намайе энхэрнэ. Огторгойн Бурханай намайе орой дээрэһээм харгалзахада, омог сэдьхэлһээ израильшуудаа ороноо бусахыень хамтаруулнаб.

Һургаал 21:1

Хаанай зүрхэн Эзэнэй мутарта адхаатай байһан уһанай урасхал мэтэ. Тэрэ хүсэһэн тээшээ шэглүүлдэг.

Исай 44:28

Кииртэ иигэжэ айладхал буулганаб: «Ши Минии эльгээһэн ударидагша мүн, Минии үгэ соо хэрэг ябуулхаш. Иерусалимда һэргэн бодохыень, нангин үргөөгэйм һууриин дахин табигдахыень ши захирхаш!»

Исай 45:1

Эзэн Киирые хаан гэжэ тоһолон шэлээд, арадуудые диилэн зонхилхыень табяа. Хаашуулай эрхэ түлөөлгэнүүдые болюулхын тула Тэрэ Киирые эльгээгээ. Эзэн тэрэнэй урда хотонуудай бартаануудые нээхэл. Кииртэ Эзэн иигэжэ айладхана:

Ерэмияа 1:1

Бэньямиин обогой газар нютагта оршогшо Анатоот хотын санаартан Хилкияагай хүбүүн Ерэмияа гэгшын үгэ хүүр, үйлэ хэрэгүүд гэбэл энэ.

Ерэмияа 29:10

Эзэн «Вавилоондо танай байха далан жэлэй дүүрэхэдэнь, таанад тухай һанаагаа табихаб, Өөрын һайн үгые бэелүүлхэб – таанадые һөөргэнь гэртэтнай бусаахаб!

Эзэкээл 38:5

Персиин, Эфиопиин болон Ливиин сэрэгшэд бамбай баринхай, дуулга үмдэнхэй юумэд танай сэрэгтэй нэгэдэн ябана.

Даниил 1:21

Вавилоониие Киир хаанай диилэһэн саг хүрэтэр Даниил тэндэ байгаа бэлэй.

Даниил 2:1

Навуходоносор хаан хоёрдохи жэлээ зонхилжо байхадаа нэгэ зүүдэ хаража, амар заяагүй боложо, унтажа шадахаа болёо бэлэй.

Даниил 6:25

Энээнэй удаа Даарий хаан иигэжэ бэшэн тунхаглаба: – Дэлхэйн бүхы арадуудта, обогуудта, бүлээлингүүдтэ. Амар амгалан, баян байдал танда оршохонь болтогой!

Даниил 9:2

Түрүүшын жэлээ хааншалжа байхадань би, Даниил, Бурханай ном уншажа, Эзэнэй Ерэмияа лүндэншэндэ айладхаһан үгэнүүдһээ Иерусалим далан жэлэй туршада һандархай зандаа байха гэжэ ойлгобоб.

Иоанн 1:23

– Минии тухай лүндэншэ Исай иигэжэ бэшээ һэн: «Эзэндэ сэхэ зам гаргажа үгэгты гэжэ хэн бэ даа сүл губида хашхарба».