Эзэкээл 9:2 - Библи

² Тиихэдэнь тэрэ дары зургаан хүн нангин үргөөгэй гадаа хойто бартаануудһаа зэр зэбсэгээ баряад ерэбэ. Тэдэнэй дунда маалинга хубсаһа үмдэнхэй, бүһэдөө бэшэлгын хэрэгсэлнүүдтэй нэгэ хүн ябалсаа. Тэдэ ерэжэ, үргэлэй гуулин шэрээгэй хажууда зогсобо.

Эзэкээл 9:2 Referencias Cruzadas

4 Хаан түрэнүүд 15:35

Гэбэшье тэрэ онгон бурхадта мүргэдэг обоонуудые усадхабагүй. Тиимэһээ арад зон урдынхи мэтээр тэдэ обоонуудые тахин, үхэр мал шарууһалжа, түгэс шатаалта үргэл хэдэг байгаа. Тэрэ Эзэнэй һүмын Дээдэ хаалта үүдэ барюулба.

2 Угай бэшэг 27:3

Ётаам Эзэнэй һүмын Дээдэ хаалта үүдэ барюулба, мүн Оопэл гүбээ дээрэхи ханые заһабарилха ехэ ажал ябуулаа.

2 Угай бэшэг 4:1

Соломоон хаан үргэлэй гуулин шэрээ бүтээлгэбэ. Тэрэнэй ута-үргэниинь аб адлихан, хорин тохой, харин үндэрынь арбан тохой һэн.

Египедһээ гаралга 40:29

Уулзалгын майхан һүмын үүдэнэй хажууда түгэс шатаалта үргэлэй шэрээ табижа, Эзэнэй зааһаар, түгэс шатаалта үргэл хэбэ, хилээмэнэй үргэл хэбэ.

Ерэмияа 1:15

Юуб гэхэдэ, хойто зүгэй хаан түрэнүүдэй бүхы угсаатануудые ерэхыень Би дуудахаб. Тэдэ ерэжэ, хаан шэрээгээ Иерусалимай хаалгануудай хажууда, бүхы ханануудыень тойруулан, мүн Иудын бүхы хотонуудые тойруулан табиха.

Ерэмияа 25:9

хойто зүгэй арадуудай болон Өөрынгөө албатан, Вавилооной хаан Навуходоносорой хойноһоо эльгээжэ, танай орон нютагай, улад зонойтнай, хүршэ арадуудайтнай урдаһаа дайлахыень асархамни. Таанадые хүршэнэртэйтнай хамта бүримүһэн усадхажа, хэтэ мүнхын һандарал, аймшагтай, угаа муухай зүйл болгон үлөөхэб. Энэ болбол Би, Эзэн, айладхана мүн!

Ерэмияа 26:10

Иудын түшэмэлнүүд энээн тухай дуулахадаа, хаанай ордонһоо Эзэнэй Һүмэ руу ошожо, Шэнэ Бартаануудай хажуугаар һуурияа эзэлбэ.

Ерэмияа 4:6

Тогтонгүй гүйжэ, амияа абархыень туг үргэн, Сиондо дохёо тэмдэг үгэгты. Ушарынь гэбэл, Эзэн хойто зүгһөө гай гасалан ба агууехэ сүйд асаржа байна.

Эзэкээл 10:2

Маалинга хубсаһа үмдэһэн хүндэ Бурхан иигэжэ айладхаба: – Херүүбүүд доро байһан эрьелдэгшэ сахаригууд хоорондуур орожо, аһажа байгаа нүүрһэ гар дүүрэн адхажа абаад, хото соогуур сасан хая. Минии хараһаар байтар тэрэ хүн захиралтыень дүүргэхэеэ ошобо.

Эзэкээл 8:3

Тэрэ гарай дүрсэ мэтэ юумэеэ һарбайгаад, намайе үһэнһөөм абаба. Тиигээд Бурханай Һүлдэ намайе агаарта үргэжэ, Иерусалим руу абаашаба. Нангин үргөөгэй дотор хашаагай хойто бартаануудай хажууда табяатай Бурханда харша онгоной байгааша газар руу Тэрэ намайе асарба.

Эзэкээл 9:11

Тиигэһээр байтар маалинга хубсаһа үмдэгшэ, бүһэдөө бэшэлгын хэрэгсэл зүүгөөшэ хүн бусажа, Эзэндэ: – Танай захиралтые дүүргээб, – гэжэ дуулгаба.

Эзэкээл 9:3

Тиихэдэнь Израилиин Бурханай херүүбүүд дээрэ оршоһон алдар соло нангин үргөөгэй богоһо руу шэлжэрбэ. Эзэн Бурхан маалинга хубсаһа үмдэгшэ, бүһэдөө бэшэлгын хэрэгсэлнүүдые зүүгшэ хүниие дуудаба.

Даниил 10:5

Харахадам, улһан хубсаһа үмдэнхэй, Упаазай шэжэр алтан бүһэ бүһэлэнхэй нэгэ хүн зогсожо байба.

Даниил 12:6

Голой урасхал өөдэ байгааша, улһан хубсаһа үмдэгшэ нэгэндээ нүгөөдэнь хандажа: – Энэ гайхамшагта хэрэгүүд хэзээ дүүрэхэ гээшэб? – гэжэ асууба.

Левит 16:4

Бэеэ уһаар угаагаад, түрүүн маалинга дотор хубсаһа үмдэхэ, маалингаа бүһөөр бүһэлхэ, дээрэһээнь нангин маалинга ута самса үмдэхэ ёһотой, дээрээ маалинга кидар малгай үмдэг – эдэ бүгэдэ нангин хубсаһан болоно. Эдэ хубсаһаа үмдэхэдөө, бэеэ сэбэрээр угаагаад, үмдэхэ ёһотой.

Амоос 9:1

Эзэн Бурханиие хараа һэм. Үргэлэй шэрээ дээрэ зогсоод, Тэрэ айладаа: Богоһын доһолтор баханын дээрэһээ сохи! Зоной толгой дээрэ Һүмэ унаг лэ! Амиды үлэгшэдые һэлмээр усадхахаб, хэншье Намһаа зугадан тэрьедэжэ шадахагүй, хэншье амиды үлэхэгүй!

Гэршэлгэ 15:6

Тэндэһээ долоон гай аюултай долоон Эльгээмэлнүүд гараба. Тэдэнэр сэбэрхэн, ялагар нарин улһаар оёһон хубсаһа үмдэнхэй, сээжээрээ алтан бэһэ бэһэлэнхэй байба.