Эзэкээл 7:8 - Библи

⁸ Удахагүй таанад Минии уур хилэнгэй бүхы хүсэ өөр дээрээ мэдэрхэт. Хэһэн үйлэ хэрэгүүдэйтнай хэмээр таанадые хэһээхэб, жэгшүүритэй муухай ябадалайтнай түлөө гэм зэмые өөһэдтэтнай амасуулхаб.

Эзэкээл 7:8 Referencias Cruzadas

2 Угай бэшэг 34:21

– Ошогты, Эзэнһээ нам тухай, Израилиин, Иудын үлөөшэ арад зон тухай һурагты: Мүнөө олдогшо ном соохи бэшэлгэ бидэндэ ямар удхатайб? Юуб гэхэдэ, энэ ном соо бэшээтэй бүхы юумэ үбгэ эсэгэнэрнай сахин байгаагүй, Эзэнэй үгэ дуулаагүй, тиимэһээ Эзэн маанадта угаа ехэ уур хилэнсэгтэй байна.

Псалманууд 79:6

Та маанадые нулимсаар хооллуулжа, нулимсаар ундалуулаат.

Исай 42:25

Тиимэһээ Тэрэ Өөрын уур хилэнгэй шангые, хатуу дайе маанад дээрэ тохоо. Израиль дотор хаа-хаанагүй уур хилэнгэйнь түймэр мэтэ бушаганаашье хадань, бидэ ойлгоогүйбди, мэдэрээгүйбди».

Ерэмияа 36:31

Таанадые, уг удамыетнай, түшэмэлнүүдыетнай нүгэл шэбэлһээтнай боложо хэһээхэб. Ши өөрөө, Иерусалимай болон Иудын хан түрын улад зон минии һэргылэлтэнүүдые анхараагүй. Тиимэһээ Би гай тодхор таанадта татахам».

Ерэмияа 7:20

Тиимэһээ Би, Эзэн Бурхан, Өөрынгөө бушаганама уур хилэнгые үргөөгэй оршодог энэ газар дээрэ, хүн ба адагуусан дээрэ, талын модод ба газарай үрэ жэмэс дээрэ буулгахам. Гал дүлэн носожо, хэншье тэрэниие унтараажа шадахагүй.

Гашуудал 2:17

Шиидэһэн хэрэгээ Эзэн бүтээгээ, эртэ урдын үдэрнүүдтэ айладаһан үгөө бэелүүлээ. Тэрэ хайра гамгүй һалгаана, дайсадаар шамайе баһуулан баясуулаа, дайсадые үргэмжэлөө.

Гашуудал 2:4

Эзэн дайсандал һурша номоо татаа, дайсан мэтэ, һэлмэ гартаа баряа, нюдэндэ таатай бүхы юумэ усадхаа! Тэрэ Сионой басаганай майхан руу уур хилэнгээ гал дүлэн мэтэ адхаа!

Гашуудал 4:11

Эзэн уур сухалаар дүүрэжэ, уур сухалаа адхаба, Сиондо гал түймэр носообо, дууһан шатааба!

Эзэкээл 11:21

Харин жэгшүүритэй муухай онгонуудта мүргэдэг зониие хэһээхэб. Энэ болбол Би, Эзэн Бурхан, айладхана мүн!

Эзэкээл 14:19

Хэрбээ тэрэ орон нютаг руу үбшэ хабша Минии эльгээгээ һаа, уур сухал дундаа олон зониие, мал хюдаа хадам,

Эзэкээл 16:43

Залуу байхадаш туһалдаг дэмжэдэг тушаам мартажа, муу муухай юумэ үйлэдэжэ, Намайе ехэ сухалдуулааш. Һальхай һамуу ябадал гарган, жэгшүүритэй юумэ хэжэ байгааш. Энээниие өөрыншни толгой дээрэ буулгажа, хэһээхэб! Энэ болбол Би, Эзэн Бурхан, айладхана мүн!

Эзэкээл 16:59

Ши өөрынгөө хэлсээ, тангаригые эбдээш, тиимэһээ Би тон тиимээр шамда хандахаб.

Эзэкээл 18:30

Би, Эзэн Бурхан, таанадай хүн бүхэниие хэһэн хэмээрнь шүүхэб! Нүгэлнүүдэйтнай таанадые хосороохогүйн тула муу хэрэгүүдые хэхэеэ болигты, нүгэлөө наманшалагты.

Эзэкээл 20:13

Харин Израилиин улад зон элһэн сүл губида Намда һөөргэдэбэ. Хуули ёһонуудыем, зарлигуудыем тэдэ сахибагүй. Субботын үдэрыем ехээр бузарлаба. Тиихэдэнь Би байһан газартань, элһэн губида, тэрэ дары Израилиин арад түмэниие үгы хэхэеэ һанабаб.

Эзэкээл 20:21

Теэд үхи хүүгэдынь мүн лэ Минии урдаһаа һөөргэдэбэ. Минии хуули ёһо, захиралтануудыем дүүргэхэеэ татагалзаба, субботын үдэрые сахингүй байба. Эдэ бүгэдые хэжэ байгаа гээшэ һаа, тэдэ амиды мэндэ байха һааб даа. Зай, тиигээд Би уурлан сухалдажа, тэдэниие элһэн сүл губида хюдаха гэжэ һанаа һэм.

Эзэкээл 20:33

Шанга гараараа, бүхы хүсэ шадалаараа Би таанадые зонхилон байхаб гэжэ Би, Эзэн Бурхан Өөрөөрөө батадхан тунхагланаб. Таанад Минии уур хилэнгые одоо мэдэрхэт.

Эзэкээл 20:8

Теэд тэдэ намда һөөргэдэжэ, үгыем дуулахаяа арсаба. Жэгшүүрилтэ муухай онгонуудта, Египедэй олон бурхадта тэдэ мүргэһөөр зандаа бэлэй. Уур сухал дундаа Би тэдэниие үшөө Египедтэ байхадань хэһээлтэ амасуулхаяа һанабаб.

Эзэкээл 22:31

Тиимэһээ угаа ехээр уурлажа, Би тэдэниие хэһээхэб, үйлэ хэрэгүүдынь өөһэдынь толгой дээрэ буулгахаб. Энэ болбол Би, Эзэн Бурхан, айладхаа мүн!

Эзэкээл 24:14

Тэрэ саг ерэнэл аабза. Тиихэдэнь Би хэһээлтэеэ болюулжа гү, али Иерусалимай улад зониие хайрлажа, энэрэл үзүүлжэ байхагүйб. Хэһэн хэрэгэйнгээ хэмээр тэдэ хэһээгдэхэ ёһотой. Энэ болбол Би, Эзэн Бурхан, айладхана мүн!

Эзэкээл 30:15

Египедэй хэрэм хото болохо Сииндэ уур сухалаа үзүүлхэб, Тэбээсэй олон зониие үсөөрүүлхэб.

Эзэкээл 33:20

Израилиин улад зон Намайе буруу гэжэ тооложо байна. Хэһэн хэрэгэйнь хэмээр тэдэниие шүүбэрилхэб!

Эзэкээл 6:12

Холо байгаашань халдабарита үбшэнһөө боложо наһа бараха, дүтэ байгаашань дайнда алуулха, амиды мэндэ үлөөшэнь туража үхэхэ. Иигэжэ Минии уур хилэнгэй хүсэн бушаганахал.

Эзэкээл 7:27

Хаан гашуудан уйдан байха, тайжа айн һүрдэхэ, зон айн шэшэрэлдэхэ. Хэһэн үйлэ хэрэгүүдэйтнай хэмээр таанадые хэһээхэб, ондоо зониие яагаад шүүдэг һэмта, тон тиимээр таанадые шүүхэб. Тиигэжэ таанад Намайе Эзэн гээд ойлгохот.

Эзэкээл 7:9

Таанадые хайрлахагүйб, энэрэл үзүүлхэгүйб. Хэһэн хэрэгүүдэйтнай хэмээр хэһээхэб, жэгшүүрилтэ хэрэгүүдтнай эли болохо. Тиихэдэ Намайе Эзэн, хэһээлтэ амасуулдаг Эзэн гээд таанад ойлгохот.

Эзэкээл 9:10

Тиимэһээ Би тэдэниие хайрлахагүйб, энэрэл үзүүлхэгүйб. Хэһэн юумыень өөһэдтэнь амасуулхаб.

Эзэкээл 9:8

Алалсаан боложо байхада би гансаараа үлөөд, газарта унажа, иигэжэ хашхарбаб: – Эзэн Бурхан! Иерусалимда Та иимэ ехээр уурлаа гээшэ гүт? Израилиин бүхы зониие хюдахатнай гээшэ гү?!

Даниил 9:11

Израилиин хүн бүхэн Танай хуули ёһо дэбһэжэ, үгыетнай дуулангүй буруу хараа, тиимэһээл Бурханай үнэн зараса Моисейн хуули ёһо соо бэшээтэй тэрэ хараал шэрээл, муухай ёро манай толгой дээрэ буугаал. Бурханай урда иимэ ехэ нүгэлтэй гээшэлди.

Даниил 9:27

Тэрэ олонтой нэгэ долоон хоногой туршада хэлсээ баталха. Удаань хахад долоон хоногой һүүлээр мяхан болон талхан үргэл болюулха. Һандаргаашын эсэс болотор жэгшүүритэ муухай һандарал, хооһорол үргэлжэлхэ. Тэрэнэй эсэсынь урид тодорхойлогдоһон бэлэй.

Һошээ 12:3

Яков эхын умайда үшөө байхадаа ахаяа мэхэлээ. Тиигээд томо болоходоо, Бурханай урдаһаа тулаба.

Һошээ 5:10

Иудын ноёд Израилиин газар уһанай хилын тэмдэгүүдые хүдэлгэжэ, газар өөһэдтөө хулгайлан абана. Тэдээндэ уурлажа, уур хилэнгээ уһан мэтэ тэдээн дээрэ адхахаб.

Наум 1:6

Тэрэнэй зэбүүрхэн байхада хэн амиды мэндэ байжа шадахаб? Шатан дүрэлзэжэ байгаа уурыень хэн тэсэхэб? Уур хилэнгынь гал мэтэ дэлгэржэ, хада ууланууд урдань нуран унанал.

Гэршэлгэ 14:10

Бурханай уур сухалай аягаһаа Тэрэнэй уур сухалай холисогүй сэбэр үзэмэй дараһан архи ууха, тэдэ хүнүүдые арюун нангин Эльгээмэлнүүдэй урда, Үргэлэй Хурьганай урда асараад, гал түймэр руу, хүхэрэй хүхэ дүлэн руу хаяжа, тамалан хэһээхэ.