Эзэкээл 7:4 - Библи

⁴ Би шамайе хайрлахагүйб, энэрэл үзүүлхэгүйб, хэһэн хэрэгүүдэйшни хэмээр, жэгшүүрилтэ ябадалайшни түлөө шамайе хэһээхэб. Тиихэдэм таанад Намайе Эзэн гээд мэдэрхэт.

Эзэкээл 7:4 Referencias Cruzadas

Ерэмияа 13:14

Домбо нүгөө домбоор домбодон сохижо байһандал, Би тэдэниие хүгшэн, залуугүй бэе бэедэнь хамталан бута сохихоб. Хайра үршөөл үзүүлхэгүйб, хайрлахагүйб, энэрилхэгүйб, хюдахаб! – гэбэ.

Ерэмияа 16:18

Минии газар нютагые бузарлаһанайнь түлөө Би эгээл түрүүн тэдэнэй гэм зэмэ, нүгэлые дабхар түлүүлхэб! Һэе хүүр мэтэ амигүй, жэгшүүрилтэ шүтөөнүүдээрээ, худал хуурмаг бурхадаараа тэдэ газарыем дүүргээ.

Ерэмияа 25:14

Вавилооной зоной хэһэн юумые өөһэдтэнь хүргэхэб, олон үндэһэ яһатад, агууехэ хаашуул тэдэниие богоол болгохо.

Эзэкээл 11:21

Харин жэгшүүритэй муухай онгонуудта мүргэдэг зониие хэһээхэб. Энэ болбол Би, Эзэн Бурхан, айладхана мүн!

Эзэкээл 12:20

Олон зонтой хото һууринуудынь һандаргагдаха, орон нютагынь хооһорхо. Тиихэдэ тэдэ Намайе Эзэн гээд мэдэрхэ.

Эзэкээл 16:43

Залуу байхадаш туһалдаг дэмжэдэг тушаам мартажа, муу муухай юумэ үйлэдэжэ, Намайе ехэ сухалдуулааш. Һальхай һамуу ябадал гарган, жэгшүүритэй юумэ хэжэ байгааш. Энээниие өөрыншни толгой дээрэ буулгажа, хэһээхэб! Энэ болбол Би, Эзэн Бурхан, айладхана мүн!

Эзэкээл 22:31

Тиимэһээ угаа ехээр уурлажа, Би тэдэниие хэһээхэб, үйлэ хэрэгүүдынь өөһэдынь толгой дээрэ буулгахаб. Энэ болбол Би, Эзэн Бурхан, айладхаа мүн!

Эзэкээл 23:31

Эгэшынгээ замаар ябаһанайш түлөө тэрээндэ уулгаһан хэһээлтынгээ шүлэ мүн лэ шамда уулгахаб.

Эзэкээл 23:49

Һальхай ябадал гаргаһанайнгаа, онгонуудта мүргэһэнэйнгээ түлөө эгэшэнэр хэһээгдэхэ, тиихэдээ Намайе Эзэн Бурхан гэжэ мэдэдэг болохо.

Эзэкээл 24:14

Тэрэ саг ерэнэл аабза. Тиихэдэнь Би хэһээлтэеэ болюулжа гү, али Иерусалимай улад зониие хайрлажа, энэрэл үзүүлжэ байхагүйб. Хэһэн хэрэгэйнгээ хэмээр тэдэ хэһээгдэхэ ёһотой. Энэ болбол Би, Эзэн Бурхан, айладхана мүн!

Эзэкээл 33:29

Жэгшүүрилтэй муухай хэрэгүүдэйтнай түлөө таанадые хэһээжэ, газарыетнай амигүй хооһон элһэн сүл губи болгоходом, Намайе Эзэн гээд мэдэхэт.

Эзэкээл 5:11

Би амиды Бурхан мүн, тиимэһээ Минии ордон онгонуудаараа, муу муухай хэрэгүүдээрээ бузарлаһанайтнай түлөө Би таанадые хайра гамгүй үсөөрүүлхэб.

Эзэкээл 6:14

Иигэжэ Би тэдээн руу хүрэжэ, орон нютагыень һандаргахаб. Урда зүгэй сүл губиһаа хойто зүгтэхи Риблаа хото хүрэтэр газарые хооһон ханха зайдан болгохоб, Израилиин улад зоной ажаһуугша ямаршье газарые иимэ болгохоб. Иигэжэ хүн бүхэн Намайе Эзэн гээд ойлгон мэдэрхэ.

Эзэкээл 6:7

Хаа-хаанагүй зон алуулан алдалан унажа, амиды мэндэ үлэгшэдынь Намайе Эзэн гэжэ баталан мэдүүлхэ.

Эзэкээл 7:27

Хаан гашуудан уйдан байха, тайжа айн һүрдэхэ, зон айн шэшэрэлдэхэ. Хэһэн үйлэ хэрэгүүдэйтнай хэмээр таанадые хэһээхэб, ондоо зониие яагаад шүүдэг һэмта, тон тиимээр таанадые шүүхэб. Тиигэжэ таанад Намайе Эзэн гээд ойлгохот.

Эзэкээл 7:3

Израилиин арад түмэн, шинии хосорхо сагшни ерээ. Хэһэн хэрэгүүдыешни, жэгшүүрилтэ муу муухай ябадалайшни түлөө Би шамайе шүүхэб, тиихэдэм ши Минии уур хилэнгые мэдэрхэш.

Эзэкээл 7:9

Таанадые хайрлахагүйб, энэрэл үзүүлхэгүйб. Хэһэн хэрэгүүдэйтнай хэмээр хэһээхэб, жэгшүүрилтэ хэрэгүүдтнай эли болохо. Тиихэдэ Намайе Эзэн, хэһээлтэ амасуулдаг Эзэн гээд таанад ойлгохот.

Эзэкээл 8:18

Тиимэһээ тэдэ Минии уур хилэнгэй бүхы хүсые мэдэрхэ! Хайрлахагүйб, энэрэл үзүүлхэгүйб! Намайе гуйжа хашхаралдаашье һаань, Би тэдэниие шагнахагүйб!

Эзэкээл 9:10

Тиимэһээ Би тэдэниие хайрлахагүйб, энэрэл үзүүлхэгүйб. Хэһэн юумыень өөһэдтэнь амасуулхаб.

Һошээ 12:2

Иудын улад зониие Эзэн гэмнэжэ, зарга шүүбэридэ оруулха. Тэрэ мүн лэ Яковай үринэрые хэһэн хэрэгүүдэйнь хэмээр гэмыень амасуулха.

Һошээ 9:7

Израиль, саг ерэбэ! Хэһэн хэрэгүүдэйнгээ хэмээр харюусаха сагшни ерэбэл! Ши энээнээ мэдэрхэш. «Энэ лүндэншэ тэнэг, галзуурһан энэ ухаа муутай» гэжэ ши хэлэнэш. Шинии нүгэл шэбэл угаа ехэ байһан дээрэһээ улад зоншни намайе ехэ үзэн ядана.

Амоос 7:8

Эзэн намһаа: – Юу хаража байнаш, Амоос? – гэжэ асууба. – Хүнгэн сагаан түмэр, – гэбэб. – Өөрын арад түмэн Израилиие удахагүй хүнгэн сагаан түмэр мэтэ болгохоб! Би тэдэниие дахин хүлисэхэеэ болёоб.

Захарияа 11:6

Би тэндэ һуудаг зониие энэрхэгүйб гэжэ Эзэн тунхаглаад, «Би хүн бүхэниие хүршынь гарта, хаанай дарлалтада унагаанаб. Тэдэнэй орон газараа һандаргаажа байхадань абархагүйб» гэнэ.

Еврейнүүдтэ 10:30

«Би үһөөгөө абахаб, Би харюулхаб», баһа «Эзэн арад зоноо шүүхэ», – гэжэ хэлэгшые бидэ мэдэнэбди.