Эзэкээл 7:2 - Библи

² Тэрэ иигэбэ: – Хүнэй үри Эзэкээл! Израилиин орон нютаг бүхыдөө хосорон һалахань гэжэ Эзэн Бурхан айладхана гээд ши тунхагла.

Эзэкээл 7:2 Referencias Cruzadas

Эхин 6:13

Нойдо айладхаба: – Хүн түрэлтэн хаа-хаанагүй ёрото муу хэрэг үйлэдэнэ, тиимэһээ Би тэдэниие дууһан хюдахам.

2 Угай бэшэг 34:7

Үргэлэй шэрээнүүдые болон Ашэраа бурханай мүргэлтэй мододые Ёшияа үгы хэбэ. Хүрэгүүдые тооһон болотор тэрэ бута сохибо, уталгын бүхы шэрээнүүдые Израилиин газар дайдаар һалгааба. Тиигээд тэрэ Иерусалим руу бусаа һэн.

Исай 47:7

Хэтэ мүнхэдөө хатан байхаб гэжэ ши һанааш. Саашадаа юун болохыень һанаандаашье оруулаагүйш.

Ерэмияа 12:4

Газар нютагнай хэды болотор уйдхар гашуудалда абтажа, хүдөө талын ургаса ногоон хатажа-гандажа байха юм? «Бидэнтэй юун болохые Бурхан мэдэнэгүй» гэжэ зон хэлсэнэ. Муу муухай эдэ зонһоо боложо, амитад болон шубууд хосорно.

Ерэмияа 5:31

лүндэншэд хуурмаг абарал буулгана, тэдэнэй туһаар санаартад улад зониие ударидана. Минии арад түмэн энээндэ угаа дуратай байха юм! Харин энээнэй дүүрэжэ, хэһээлтын сагай ерэхэдэ, тэдэ яаха болоноб?

Ерэмияа 51:13

Орон нютагынь агууехэ гол мүрэнүүдтэй, үнэтэ зүйлнүүдээр баян. Гэбэшье сагынь, амидаралайнь утаһан таһараа.

Гашуудал 1:9

Хормойнь муухай юумэндэ зуурагданхай. Тэрэ ерээдүй тухайгаа бодоогүй, тиимэһээ гэнтэ доройтон унаа. Хэншье тэрэниие һатааруулхагүй! «Эзэн! Минии гай зоболон анхарыт! Дайсадай угаа баярлажа байһые!»

Гашуудал 4:18

Тэдэ алхам бүхэнииемнай отожо байгаа, гэрһээ гарахаа айнабди! Үхэл дүтэлжэ байна, үдэрнүүднай дууһаа! Үхэлнай ерээ!

Эзэкээл 11:13

Минии лүндэн табижа байха үедэ Бэнайяа гэгшын хүбүүн Пэлаатияа наһа барашаба. Би газарта нюураараа унан, иигэжэ хашхаран орилон байгаа һэм: «Халаг, Эзэн Бурхамни! Израилиин бүхы зониие дууһан хюдаха гэжэ байна гээшэ гүт?!»

Эзэкээл 12:22

– Хүнэй үри Эзэкээл! «Саг ябажал байха, харин уридшалан айладхаһан лүндэнүүд бэелүүлэгдэнэгүй» гэһэн үгэнүүдые зон юундэ дабтанаб, юундэ зүйр үгэ тэрэ болооб?

Эзэкээл 21:2

– Хүнэй үри Эзэкээл! Иерусалимай мүргэлэй газарнуудые гэмнэн буруушаан хэлэ. Израилиин улад зониие һэргылэ.

Эзэкээл 21:25

Харин ши, Израилиин эртэнһээ үхэһэн гэхэдэ болохо, муу муухай удамарша! Хэһээлтыншни һүүлшын саг ерээ.

Эзэкээл 21:4

Урда зүгһөө хойто зүг хүрэтэр бүхы амитаниие һэлмэм усадхаха.

Эзэкээл 21:7

Тэдэнэй шамһаа «Юундэ ёолонобши?» гэжэ асуухада, зүрхэ алдахуулха, гар һуларуулха, зориг мохоохо, үбдэг шэшэрүүлхэ аймшагтай юумэнэй болохоёо байһан тухай мэдээтэйб гээд хэлэ.

Эзэкээл 35:5

Эдоомой улад зон, Израилиин арад түмэнтэй үни заяанһаа хойшо дайсад бэлэйт. Тэдээнтэй гай тодхорой тохёолдоходо юушье хээгүй, миин лэ хаража байгаат.

Эзэкээл 40:2

Израилиин орон нютаг руу Тэрэ намайе абаашажа, угаа үндэр хада уула дээрэ табина хэбэртэй. Бурханай иимэ үзэгдэлнүүдые хараа бэлэйб. Урда зүг руу харахадам, олон байра байшантай хото мэтэ юумэн харагдаба.

Эзэкээл 7:1

Эзэн намда айладхал буулгаа бэлэй.

Эзэкээл 7:3

Израилиин арад түмэн, шинии хосорхо сагшни ерээ. Хэһэн хэрэгүүдыешни, жэгшүүрилтэ муу муухай ябадалайшни түлөө Би шамайе шүүхэб, тиихэдэм ши Минии уур хилэнгые мэдэрхэш.

Ёһээл 1:15

Тэрэ үдэр гасалантай! Эзэнэй үдэр ойрохон байна. Тэрэ үдэр Түгэс Хүсэтэһөө хэһээлтэ ерэхэ.

Амоос 8:10

Һайндэрнүүдыетнай – гашуудал, дуунуудыетнай хүдөөлүүлгын уйлаан болгохоб. Таар таһардаһанда бүгэдые хубсалуулхаб, хүн бүхэн толгойгоо хюһаха. Ори ганса хүбүүн тухайгаа гашуудаһантай адли ехэ гашуудал болохо, үдэр бүхэн гай гашуудалай үдэр болохо.

Амоос 8:2

Тэрэ: – Юу харанаш, Амоос? – гэжэ асууба. – Эдеэшэһэн жэмэс араг соо байна, – гэжэ харюусабаб. – Минии арад түмэн Израилиин хэһээлтэ амасаха сагынь тулаа! Би бэшэ тэдэниие хүлисэхэгүйб, – гэжэ Эзэн намда айладаа бэлэй.

Матвей 24:6

Мүн байлдаанууд тухай, дайн сэрэг тухай һураг дуулахат, теэд бү айгаарайгты. Тиимэрхүү юумэнүүд болохо ёһотой. Зүгөөр энэнь үшөөл эсэс бэшэ байха.

Хуули дабталга 32:20

Тиигээд Тэрэ иигэжэ айладхаба: «Тэдээнһээ буруу хаража, һүүлдэнь юун бологшо ааб гээд хүлеэхэмни. Тэдэ ёһоо алдаһан зон, аша харюулхаяа мартаһан үхибүүд мэтэ.

Пётрой 1-дэхи хандалга 4:7

Бүхы юумэнэй эсэс ойртожо байна. Тиимэһээ һэргэлэн байгты, бэеэ баригты, тиигэбэл зальбарха аргатай байхат.

Гэршэлгэ 20:8

Тиигээд сатана арадуудые мэхэлхэеэ ошохо, дайн сэрэг үүдхэхын тула дэлхэйн бүхы дүрбэн зүгүүдээр ябаха, гоог, магоог гэжэ арадуудта ошохо. Далайн эрьеын элһэ хайр мэтэ үй түмэн хүнүүдые сатана гулидхан суглуулха.

Гэршэлгэ 7:1

Тэрэнэй һүүлээр газар дэлхэйн дүрбэн буланда дүрбэн Эльгээмэлнүүдэй зогсожо байхые харабаб. Тэдэ Эльгээмэлнүүд газар дайда руу, уһан далай руу, ой модо руу һалхилхагүйн тула дэлхэйн дүрбэн һалхиие халхалан барижа байгаа.