Эзэкээл 3:7 - Библи

⁷ Харин Израилиин улад зон шамайе шагнаха хүсэлгүй байха. Юуб гэхэдэ, тэдэ Намайе шагнаха хүсэлгүй. Тэдэ бултадаа үсэд, үгэ дуулахагүй зон.

Эзэкээл 3:7 Referencias Cruzadas

Исай 3:9

Нюур шарайень харахада, нүгэлтэйень ойлгохоор. Тэдэ Содомой зондол адли нүгэлөө нюунагүй, һайрхан һагад хөөрэнэ. Өөһэдөөл өөһэдтөө гай тодхор татаа гээшэл.

Исай 48:4

Танай үсэдые, хоолойтнай түмэр, сохотнай гуулин мэтэ гэжэ би ойлгодог һэм.

Ерэмияа 3:3

Тиимэһээл аадар бороо һаатажа, хабарай бороошье ороогүйл. Энээнэйшье удаа ши эшэхэ-гайхахаяа мэдэрээгүйш – нюуршни янхан эхэнэрэй шарайдал адли.

Ерэмияа 44:16

– Эзэнэй нэрэһээ айладхаһан үгэнүүдыетнай шагнахаяа арсанабди.

Ерэмияа 5:3

Оо, Эзэн! Зоной Танда үнэн сэхэ байхые хүсэнэт. Танай тэдэниие сохиходо, тэдэ һэншье гэнэгүй. Танай тэдэниие хэһээхэдэ, тэдэ һургаал абахаяа татагалзана. Тэдэ үсэрхэжэ, нүгэлөө мэдэрхэһээ арсана.

Ерэмияа 6:10

Би: «Хэндэ хэлэхэбиб, хэндэ заабарилхабиб, хэн намайе дуулахаб? Тэдэ үсэд, Танай захяа дуулахаяа арсана. Айладхаһан үгэнүүдыетнай дүүргэнэгүй.

Ерэмияа 6:17

Би Эзэн бүреэгэйнь дохёо шагнахынтнай тула лүндэншэдые харуулшадаар таанад дээрэ табяаб. Гэбэшье таанад «Бидэ шагнахагүйбди» гээ һэнта.

Ерэмияа 7:27

Ерэмияа, эдэ бүхы үгэнүүдые шинии хэлээшье һааш, тэдэ шамайе шагнахагүй. Тэдэниие дуудаашье хадаш, тэдэ шамда харюусахагүй.

Эзэкээл 2:4

Үсэд, шулуун хатуу зүрхэтэй тэдээн руу шамайе Минии, Бүгэдын Эзэнэй, айладхал дуулгахыень эльгээхэм.

Эзэкээл 24:7

Хото дотор хүниие алаха ушар гаража, шуһаниинь шоройдо дарагдахаар газар руу бэшэ, хатуу шулуун дээрэ адхараа бэлэй.

Эзэкээл 3:6

Үгыень ойлгомоор бэшэ, хэсүү хэлэтэй, шинии мэдэхэгүй хэлэтэй арад түмэндэ эльгээгээшье һаам, тэдэ шамайе дуулаха бэлэйл.

Эзэкээл 3:8

Мүнөө хадаа Би шамайе тэдээндэл адли үсэд, хатуу болгохом.

Захарияа 7:11

Гэбэшье тэдэ Эзэнэй үгэдэ анхарангүй, шэхээ бүтүүлээд байгаа бэлэй.

Захарияа 7:12

Тэдэ зүрхэ сэдьхэлээ шулуун хатуу болгоһон ушарһаа Түмэн Сэрэгтэ Эзэнэй Өөрын Һүлдөөр эртын эшэ үзүүлэгшэ лүндэншэдөөр дамжуулһан хуули заабари болон үгэнүүдые дуулаагүй. Тиихэдэнь Түмэн Сэрэгтэ Эзэнэй айхабтар ехэ уур хилэнсэг хүдэлбэ.

Лука 10:16

Түлөөлэгшэдни, таанадые шагнажа байһан хүнүүд Намайешье шагнана, таанадые буруушааһан хүнүүд Намайешье буруушаана. Харин Намайе буруушааһан хүнүүд Намайе иишэ эльгээһэн Бурханиие буруушаана, – гэжэ хэлэбэ.

Лука 13:34

Ай Иерусалим, Иерусалим, шинии хүнүүд лүндэншэдые аладаг, шамда эльгээһэн Бурханай мэдээсэгшэдые шулуудадаг! Даража дэгжээһэн дальбараануудаа дали дороо суглуулдаг шубуундал адляар шинии үри хүүгэдые суглуулха гэжэ Би хэды тэгүүлээ, зүдхөө гээшэбиб. Теэд ши Намайе зүбшөөгөөгүйш.

Лука 19:14

Харин албата зониинь тэрээниие үзэн ядадаг ушарһаа: «Энэ хүниие хаанаар табиха дурагүйбди», – гэжэ хэлэхыень элшэн сайдые хойноһоонь эльгээбэ гэхэ.

1 Хаан түрэнүүд 8:7

Эзэн Самуилда: – Арад зоной шамда хэлэһэн бүхы юумэ дуула. Юуб гэхэдэ, тэдэ шамайе буруушаана бэшэ, харин тэдэниие зонхилон хаан байхыемни Намайе буруушаажа байна!