Эзэкээл 26:3 - Библи

³ Энээнэйнь түлөө Би, Эзэн Бурхан, Тиирэй урдаһаа тулахаб! Далайн долгинуудаа туун асардагтал мэтэ Би Тииртэ добтолхыень олон үндэһэ яһатадые эльгээхэб!

Эзэкээл 26:3 Referencias Cruzadas

Исай 5:30

Тэрэ үдэр тэдэ олзо дээгүүрээ далай мэтэ хүрхирхэ. Энэ орон нютагые харабал, Хаб харанхы ба уй гашуудал тэндэ үзэхэш. Гэрэл унтаржа, шэб харанхы болохо.

Ерэмияа 21:13

Иерусалим хото, Би урдаһаашни тулахаб. «Хэн маанадта хүрэжэ шадахаб? Хэн манай бэхижүүлгые сохин гаража, манай гэр байрануудта орожо ерэхэ юм?» гэлдэнэт.

Ерэмияа 25:22

Тиирэй, Сидооной, далайн саадахи олтирогуудай хаашуулда;

Ерэмияа 50:31

Вавилооной улад зон, таанад бардам зантайт. Тиимэһээ Би, Түмэн Сэрэгтэ Эзэн Бурхан, таанадай урдаһаа тулахаб. Таанадые Минии хэһээхэ саг ерэбэ.

Ерэмияа 50:42

Тэдэ һурша ном, жада гартаа адханхай, хэрзэгы хархис зантай, хайра гамгүй. Тэдэнэй хашхараан тэнгис далай мэтэ хүнхинэнэ. Вавилооной басаган, шинии урдаһаа дайлахаяа тэдэ нэгэ хүн мэтэ жагсан, морёор гүйлгэлдэн ерэжэ байна!

Ерэмияа 51:42

Тэнгис далай Вавилоон дээгүүр гаража, шааяата долгидоорнь тэрэ хушагдаа.

Ерэмияа 6:23

Тэдэ һурша ном, жада гартаа адханхай, хэрзэгы хархис зантай, хайра гамгүй. Тэдэнэй хашхараан тэнгис далай мэтэ хүнхинэнэ. Сионой басаган, шинии урдаһаа дайлахаяа тэдэ нэгэ хүн мэтэ жагсан, морёор гүйлгэлдэн ерэжэ байна!

Эзэкээл 21:3

Минии тэдэнэй урдаһаа тулахаяа, һэлмэеэ хуйһаань һугалаад, һайн, муушье зониие бултыень хюдахаяа байһан тухайм дуулга.

Эзэкээл 26:19

Би, Эзэн Бурхан, шамайе хаясаанай, орхисооной газар болгохоб. Тэнгис далайн уһан дээшээ бодожо, шамайе бүрхөөхэ.

Эзэкээл 27:26

Һэлюуршэдшни шамайе далайн дунда һэлюурдэн абаашаа, гэбэшье зүүн зүгэй шанга һалхинда сохигдон ши һандарааш.

Эзэкээл 28:22

Зондонь Минии иимэ үгэнүүдые дуулга: Би, Эзэн Бурхан, танай дайсамби! Таанадтай үйлэдэһэн хэрэгэйнгээ ашаар Би алдар солоёо элирхэйлхэб.

Эзэкээл 29:10

Тиимэһээ Би шинии болон голойш урдаһаа тулахаб! Би Египедэй газарые хойто зүгэй Мигдоол хотоһоо эхилээд, урда зүгэй Сиһээн хото хүрэтэр, юрэдөө, дууһан Эфиопиин хилэ хүрэтэр ханха зайдан хооһон тала болгохоб.

Эзэкээл 38:3

Мээшэх болон Тубаал хан түрэнүүдэй зонхилогшо Гоог! Би, Эзэн Бурхан, урдаһаашни тулахаб!

Эзэкээл 5:8

Би, Эзэн Бурхан, таанадта иигэжэ дуулганаб: Би таанадай дайсан болооб. Үндэһэ яһатадай хараһаар байтар Би таанадые шүүбэрилэн хэһээхэб.

Михей 4:11

Харин мүнөө таанад руу добтолхоор олон арадууд сугларжа, «Иерусалимай бузарлагдаад байхыень харахамнай болтогой!» – гэжэ хэлэжэ байна.

Наум 2:12

Гүлгэдөө болон эмэ арсаланаа дүүрэн садхаахын тула олзоёо таһа татан алажа, байдаг нүхэеэ тэрэ мяхаар дүүргэгшэ арсаландал адли һэн тэдэ.

Наум 3:5

– Үзөөрэй даа, Би шамайе хэһээхэб! – гэжэ Түмэн Сэрэгтэ Эзэн айладхана. Хормойеш нюур хүрэтэршни шуужа, арадуудта шинии нюсэгэн бэе, хаан түрэнүүдтэ эшхэбтэр юумыеш харуулхаб!

Захарияа 14:2

«Би Иерусалимда эсэргүүсэхын тула бүхы үндэһэтэниие суглуулхам. Тэдэ хотые эзэлжэ, гэрнүүдые тонохо, эхэнэрнүүдые хүсэрхэн, хахад зонииень сүлэлгэдэ туужа абаашаха. Үсөөхэн лэ зон хото соо үлэхэ».

Захарияа 9:4

Гэбэшье Эзэн эд баялигыень абажа, далай руу хаяжа, хотонь галда шатаагдаха.

Лука 21:25

– Тиихэдэ нара һаратай, одо мүшэдтэй ойлгогдохогүй юумэнүүд болохо, газар дэлхэй дээрэхи хүн зон эжэ эхиеэ алдаха, уһан далай оёороороо долгилжо, аймшагтай үер халиха.