Эзэкээл 26:10 - Библи

¹⁰ Һандарһан хото руу тэдэнэй ороходонь, тоо томшогүй моридойнь туруунһаа бурьялан бодоһон тооһон хотые үүлэн мэтэ хушаха, мориндо мордоһон, дайшалхы тэргэнүүдээр ябаһан сэрэгэйнь, сахаригуудайнь шууяанһаа хотын хананууд дорьёжо доһолжо байха.

Эзэкээл 26:10 Referencias Cruzadas

Ерэмияа 39:3

Вавилооной түшэмэлнүүд, тэдэнэй дунда Нэргаал-Сарээцер, Самгаар-Нэбоо, ахалагша тайган Сарсэхиим, нүгөөдэ Нэргаал-Сарээцер, Иерусалим руу орожо, Дунда Бартаануудта һуурижаба.

Ерэмияа 4:13

Харагты, дайсан хара үүлэн мэтэ дээшээ гаража байна. Тэрэнэй дайшалхы тэргэнүүд хуй һалхин мэтэ, тэрэнэй морид бүргэдһөө үлүү хурдан юм. Бидэ сүйд гасаланда орообди! Бидэ һалаабди!

Ерэмияа 47:3

Азаргануудай гүйлдэхэ түбэрөө, дайшалхы тэргэнүүдэй дүржэгэнөө, сахаригуудайнь хонгироо тэдэ дуулаха. Эсэгэнэр хүүгэдүүд руугаа эрьежэ харахагүй, юуб гэбэл, юушье хэжэ шадахагүй болоно бшуу.

Эзэкээл 23:24

Зэр зэбсэгээ морин тэргэдэ тээнхэй, дайшалхы тэргэнүүдтэй олон гэгшын сэрэг шинии урдаһаа ерэжэ, халхабша, бамбай, дуулга үмдэнхэй тэдэ шамайе тойрохо, тиихэдэнь өөрынгөө хуули ёһонуудаар шүүхыень шамайе тэдээндэ үгэхэб.

Эзэкээл 26:15

Тиир хото, шинии һандарал хуймаа, шархатаһан, алуулжа байһан зонойш ёолоо далайн эрьеэр ажаһуудаг арадууд дуулажа, шэшэрэлдэн байха.

Эзэкээл 26:7

Дэлхэй дээрэ эгээл хүсэтэй хаан гэбэл, Вавилооной хаан Навуходоносор болоно. Би тэрэниие Тииртэ добтолхыень хойто зүгһөө асархаб. Тэрэ моритой, дайшалхы морин тэргэнүүдтэй угаа ехэ сэрэгтэй ерэхэ.

Эзэкээл 26:9

Хэрэм хана сохин эбдэдэг түхеэрэлгэнүүдээ тэдэ хэрэглэхэ, самхагуудые түмэр һүхэнүүдээр сабшан унагааха.

Эзэкээл 27:28

Далайда шэнгэжэ байгааша зонойш оог хашхараае эрьеын зон шагнажа, ехэ һүрдөө бэлэй.

Нүүнэй Иисүүс 6:20

Хотодо байһан хараалда хүртэһэн бүхы юумэ – үбгэд һамгадынь, үтэлһэн залуутайнь, үхэр, хони, элжэгэнүүдынь һэлмэ жадаар усадхаа.

Нүүнэй Иисүүс 6:5

Нүүнэй хүбүүн Иисүүс Израилиин санаартаниие дуудаад, тэдээндэ хэлээ: – Хэлсээнэй ханза үргэгты; долоон шажанай албатан Эзэнэй хэлсээнэй ханзын урда долоон бүреэнүүдые үргэжэ ябаг.