Эзэкээл 21:3 - Библи

³ Минии тэдэнэй урдаһаа тулахаяа, һэлмэеэ хуйһаань һугалаад, һайн, муушье зониие бултыень хюдахаяа байһан тухайм дуулга.

Эзэкээл 21:3 Referencias Cruzadas

Иоов 9:22

Хүнэй гэмтэй гэмгүйнь үнэндөө ямар илгаатай юм бэ?

Псалманууд 17:13

Тэрэнэй урда тээхи гэгээн һаруулһаа хара үүлэн, мүндэр болон галта нүүрһэн нүүжэ байгаа.

Псалманууд 80:17

Таанадые эрхим шанартай шэниисээр хооллуулха, таанадай түлөө хабсагайһаа зүгын бала урасхуулха һэм!

Египедһээ гаралга 15:9

«Хүсэһүүб даа наанаһаашни намнажа, хайшаа намһаа зугадабаш, – гэһэн харата дайсанай бодол тэнюун, – ойронь хүрэжэ гамгүй хюдахадаа, олзодо одоол садахамни хаяа, эритэ мэсынгээ үзүүртэ оруулжа, эльгэ сэдьхэлээ ханаха сагни ерээл».

Экклезиаст 9:2

Энэнь бултанда адли байдаг. Һайн ба муу хүндэ, арюун сэбэртэ ба бузарта, тахил үргэдэг ба тахил үргэдэггүйдэ нэгэл хуби заяан байха; буян үйлэдэгшэдэ ба хилэнсэтэдэ, тангариглагшада ба тангаригһаа зайлагшада өөрэгүй адли.

Исай 10:5

Эзэн иигэжэ айладхаба: «Оо, Ассири! Сухалым хүргөөһэн зониие Ассириин гараар, ташуур мэтээр тэрэниие хэрэглэн, хэһээхэм.

Исай 34:5

Эзэнэй һэлмэ огторгойдо хэрэг бүтээгээд, мүнөө шүүбэрилхэеэ Эдоом руу буужа байна, хюдаха гэжэ Эзэнэй шиидэһэн арад зон дээрэ буухаяа байна.

Исай 57:1

Зүб шударга хүнэй наһа барахада, хэншье энэ ушар ехэ тоожо байдаггүй. Үршөөл хайратай зон наһа барана, юундэ энэ болоноб гэжэ хэншье мэдэнэгүй. Зүб шударга хүн муу юумэнһээ зайлана.

Ерэмияа 17:27

Харин Минии үгэ дуулангүй, амаралтын үдэр нангинаар сахингүй, ашаа үргэн, амаралтын үдэр Иерусалимай бартаануудаар гаража байбалтнай, Би тэдэ бартаануудые галда шатаахаб! Гал дүлэн Иерусалимай ордонгуудые дууһан залгиха, хэншье тэрэниие унтаргаажа шадахагүй!

Ерэмияа 21:13

Иерусалим хото, Би урдаһаашни тулахаб. «Хэн маанадта хүрэжэ шадахаб? Хэн манай бэхижүүлгые сохин гаража, манай гэр байрануудта орожо ерэхэ юм?» гэлдэнэт.

Ерэмияа 21:14

Теэд Би хэһэн үйлэ хэрэгэйтнай түлөө таанадые хэһээхэб. Ордонгыетнай шатаахаб, тиихэдэм бүхы оршон тойроноорнь гал дүлэн соробхилхо.

Ерэмияа 50:31

Вавилооной улад зон, таанад бардам зантайт. Тиимэһээ Би, Түмэн Сэрэгтэ Эзэн Бурхан, таанадай урдаһаа тулахаб. Таанадые Минии хэһээхэ саг ерэбэ.

Ерэмияа 51:20

Эзэн иигэжэ айладхана: Вавилоон, таанад Минии шиидам, дайнай зэбсэг гээшэт. Үндэһэ яһатаниие сохиходоо, хаан түрэнүүдые усадхахадаа, Би таанадые хэрэглэдэг һэм.

Ерэмияа 51:25

Вавилоон, ши бүхы орон дэлхэйе усадхажа байгааша хада уула мэтэш. Би, Эзэн, шинии урдаһаа тулахаб. Шамайе абажа, дээрэһээ унагаажа, шатанхай, үнэһэн тоброог болгон орхихоб.

Эзэкээл 13:8

Тиимэһээ Эзэн Бурхан иигэжэ айладхана: – Таанад худалаар хэлэнэт, үзэлтнайшье худал. Тиимэһээ Би таанадай урдаһаа тулахаб.

Эзэкээл 14:17

Хэрбээ Минии тэрэ орон нютаг руу дайн дажар эльгэжэ, аймшагта дайнай зэбсэгээр улад зониие, мал хюдажа эхилхэдэм,

Эзэкээл 14:21

Энэ хадаа Эзэн Бурханай айладхал үгэнүүд: – Эгээл хүндэ дүрбэн хэһээлтэеэ – дайн дажар, үлэн хооһон байдал, арьяатаниие, үбшэ хабша Иерусалим руу эльгээжэ, улад зониие, мал тэндэ хюдахаб.

Эзэкээл 21:19

– Хүнэй үри Эзэкээл, Вавилооной хаанай һэлмэ далайн ябаха хоёр харгы ойндоо зураглаад үзэ. Тэдэ харгынууд нэгэл орон нютагһаа гаран эхилхэ ёһотой. Харгын асатаһан газарта тэмдэг таби.

Эзэкээл 24:9

Би, Эзэн Бурхан, тэрэ шуһаар дүүрэнхэй хотые заабол хэһээхэб! Ехэ гэгшын түүдэбшэ табихаб.

Эзэкээл 26:3

Энээнэйнь түлөө Би, Эзэн Бурхан, Тиирэй урдаһаа тулахаб! Далайн долгинуудаа туун асардагтал мэтэ Би Тииртэ добтолхыень олон үндэһэ яһатадые эльгээхэб!

Эзэкээл 29:10

Тиимэһээ Би шинии болон голойш урдаһаа тулахаб! Би Египедэй газарые хойто зүгэй Мигдоол хотоһоо эхилээд, урда зүгэй Сиһээн хото хүрэтэр, юрэдөө, дууһан Эфиопиин хилэ хүрэтэр ханха зайдан хооһон тала болгохоб.

Эзэкээл 5:12

Таанадай гурбанай нэгэ хуби үбшэ хабшанһаа гү, али туража үхэхэ, нүгөөдэ хуби хотын оршон тойрондо һэлмээр сабшуулан хосорхо, үлөөшэ хуби зонииетнай дэлхэйн найман зүгөөр сасан тараажа, һэлмэ далайн, хойноһоонь мүрдэхэб.

Эзэкээл 5:8

Би, Эзэн Бурхан, таанадта иигэжэ дуулганаб: Би таанадай дайсан болооб. Үндэһэ яһатадай хараһаар байтар Би таанадые шүүбэрилэн хэһээхэб.

Левит 26:25

Хэлсээ эбдэһэнэй түлөө таанадта үһөөгэй һэлмэ эльгээхэб. Өөһэдынгөө хото соо хоргодоо һаатнай, яра шарха эльгээхэб, дайсадай гарта үгэхэб.

Левит 26:33

Таанадые буса арад зоной дунда тараахаб, хойноһоотнай һэлмэ һугалхаб. Газартнай хооһорхо, хото балгасатнай һандаргагдаха.

Амоос 5:6

Эзэндэ эрьегты, тиигэбэл, амиды мэндэ үлэхэт! Үгы һаатнай, Тэрэ гал дүлэн мэтэ Иосифой гэр бүлэдэ добтолхо, иигэжэ Бэт-Ээл шатажа һалаха, хэншье тэрэ галые унтараажа шадахагүй!

Амоос 7:4

Эзэн Бурхан намда иимэ юумэ үзүүлээ: Тэрэ гал бороо дуудана хэбэртэй. Тэнгис далай дүрэлзэбэ, хубинь шатажа дууһаба.

Наум 2:13

«Харагты даа, Би таанадые хэһээхэб! – гэжэ Түмэн Сэрэгтэ Эзэн айладана. – Дайшалхы тэргэнүүдыетнай гал дүлэндэ шатаахаб, һэлмээр сабшан, үхи хүүгэдыетнай усадхахаб, олзо оршыетнай хүрьһэтэ дэлхэйһээ үгы хэхэб. Дэлхэйн арадуудые баадхажа, занажа байдаг элшэнэрэйтнай абяа дуун бэшэ дуулдахаяа болихо».

Наум 3:5

– Үзөөрэй даа, Би шамайе хэһээхэб! – гэжэ Түмэн Сэрэгтэ Эзэн айладхана. Хормойеш нюур хүрэтэршни шуужа, арадуудта шинии нюсэгэн бэе, хаан түрэнүүдтэ эшхэбтэр юумыеш харуулхаб!

Цэпаанияа 2:12

Эзэн Эфиопиин арад зониие һэлмээр сабшан усадхаха.

Захарияа 13:7

Түмэн Сэрэгтэ Эзэн иигэжэ айладхана: Эритэ илдэ, Минии хони адуулагшада, Намда дүтын болохо хүндэ эсэргүү бодон таһа сабшыш! Хонишонииень дайража һалгаахадаш, һүрэг хонидынь тарашаха. Би мутараа хорхойдо хорогүй хурьгадта эсэргүү эрьюулхэм.