Эзэкээл 13:3 - Библи

³ Эзэн Бурхан иигэжэ айладхана: – Минии бэшэ, өөрын үгэ хэлэжэ, ямаршье үзэгдэл хараагүй аад, хараабди гэжэ тунхаглажа байгааша худал лүндэншэд гай гасалан амасаха!

Эзэкээл 13:3 Referencias Cruzadas

Һургаал 15:14

Бэрхэ хүн мэдэсэеэ ехэ болгохые эрмэлзэдэг. Тэнэгүүд тэнэг мунхагаар лэ хоол хэдэг.

Һургаал 15:2

Сэсэн хүнэй хэлэхые шагнаха дуратай зон олон. Тэнэгэй аманһаа тэнэглэл гарадаг.

Ерэмияа 23:1

Эзэнэй арад зониие хюдажа, тараажа байгааша удамаршадтай гай гасалан ушарха гээд Эзэн тунхаглана.

Ерэмияа 23:16

Түмэн Сэрэгтэ Эзэн Иерусалимай зондо иигэжэ айладхана: – Худал лүндэншэдэй хэлээшые бү шагнагты. Тэдэ таанадые хооһоор, дэмы найдуулна. Минии айладхал бэшэ өөһэдынгөө хүсэһэн, һанаһан юумэ таанадта дуулгана.

Ерэмияа 23:9

Лүндэншэд тухай. Зүрхэмни хүмэринэ, бүхы бэем һалганана. Эзэнһээ ба Тэрэнэй нангин үгэнүүдһээ боложо, би һогтуу хүн мэтэ, үзэмэй дараһан архида диилдэһэн хүн мэтэ болооб.

Ерэмияа 28:15

Энээниие би лүндэншэн Ханаанияада дуулгажа, үшөө: – Ханаанияа, шагна! Эзэн шамайе эльгээгээгүй. Зониие худал юумэндэ этигүүлжэ байнаш!

Гашуудал 2:14

Лүндэншэдшни шамда дэмы юумэ, худал хэлэжэ байгаа, шинии нүгэлнүүдые буруушаагаагүй, баряанда туугдан ошохыешни болюулаагүй. Тэдэ шамда худал хуурмаг үгэнүүдые хэлэжэ, туугдан ошохо туйлдаш хүргөө.

Эзэкээл 13:18

Эзэн Бурхан иигэжэ айладхана гээд соносхо: «Элдэб янзын һахилай зүйлнүүдые, шэдитэ бүд бугааг, толгойдоо нэмэрхэ шэдитэ нэмэргэнүүдые таанад оёжо, бусад зониие зонхилхо хүсэ засаг хэн нэгэндэ үгэнэбди гэжэ һананат. Минии арад зоной ами наһые зонхилон байхабди, өөрынгөө аша туһада энээниие хэрэглэхэбди гэжэ һананат, теэд иигэжэ шадахагүйт!

Эзэкээл 13:4

Израилиин улад зон, таанадай лүндэншэд хотын һандарал шулуунууд соо ажаһуугааша үнэгэдтэл адли ямаршье аша туһагүйл.

Эзэкээл 34:2

– Хүнэй үри Эзэкээл! Израилиин ноёд болбол муу хонишод байна. Тэдэ ноёдые шүүмжэлэн, Минии, Эзэн Бурханай, иигэжэ айладхаһые ши дуулга: Израилиин хонишод, таанадта гай гасалан тудаха! Хонид тушаа бэшэ, гансал өөһэд тушаа һанаагаа таанад табинат.

Һошээ 9:7

Израиль, саг ерэбэ! Хэһэн хэрэгүүдэйнгээ хэмээр харюусаха сагшни ерэбэл! Ши энээнээ мэдэрхэш. «Энэ лүндэншэ тэнэг, галзуурһан энэ ухаа муутай» гэжэ ши хэлэнэш. Шинии нүгэл шэбэл угаа ехэ байһан дээрэһээ улад зоншни намайе ехэ үзэн ядана.

Захарияа 11:15

Эзэн намда айладаба: – Тэнэг хонишоной хэрэгсэлые өөртөө дахин аба.

Лука 11:40

Тэнэг мунхаг амитад! Юумэнэй газаа тала бүтээһэн Бурхан дотор талыеньшье бүтээгээ бэшэ гү?

Лука 11:52

Хуули заадаг багшанар, таанад гашуудал үзэхэт! Таанад эрдэм ухаанай ордондо орохо үүдэнэй түлхюур абаһан аад, тэндэ өөһэдөөшье ороогүйт, орохо гэһэн хүнүүдтэшье һаалта хээт, – гэжэ зэмэлбэ.

Коринфынхидтэ 1-дэхи 9:16

Тиигээдшье гансал Һайн Мэдээсэлые номножо байһанаараа би омогорхохо эрхэгүйб. Энэ минии уялга мүн. Һайн Мэдээсэлые номноогүй һаа, гай оһол толгой дээрэмни буухал.

Тимофейдэ 1-дэхи 6:4

юушье мэдэхэгүй омог зантай хүн гээшэ. Тиимэ хүн арсалдаа гаргажа, үгэ буляалдажа һурашанхай. Тэдэнь атаа жүтөөн, хэрүүл ама, хорон үгэ ба хуурмаг һэжэг түрүүлдэг.

Тимофейдэ 2-дохи 3:9

Тиимэһээ тэдэ зон холо ошохогүй, хүн бүхэн тэдэнэй тэнэг байһые мэдэрхэ. Тиимэл юумэн Ианний Имбравий хоёртой болоо һэн.