Эзэкээл 11:1 - Библи

¹ Бурханай Һүлдэ намайе үргэжэ, Эзэн Бурханай нангин үргөөгэй зүүн бартаанууд руу асарба. Тэндэ хорин табан хүниие, тэдэнэй тоодо арад түмэнэй удамаршад болохо Аззуурай хүбүүн Яазаанияае, Бэнайяа гэгшын хүбүүн Пэлаатияа гэгшэдые харабаб.

Эзэкээл 11:1 Referencias Cruzadas

3 Хаан түрэнүүд 18:12

Танһаа холодон ошоболни, Эзэнэй Һүлдэ минии мэдэхэгүй газар руу таниие абаашаха. Ахаабтай тан тухай дуулгабални, тэрэ таниие олонгүй, намайе алахал. Би багаһаа хойшо Эзэнһээ түбэгшөөдэг гээшэлби.

4 Хаан түрэнүүд 2:16

иигэжэ хэлэбэд: – Танай барлагууд болохо маанадай дунда табин хүсэтэй шэрбүүһэтэй эрэшүүл байна. Эдэнэр минии эзэниие бэдэрхэеэ ошог. Магад, Эзэнэй Һүлдэ тэрэниие абаашажа, хадануудай гү, али хүндынүүдэй нэгэндэ хаяа аалам. – Хэнииешье бү эльгээгты, – гэжэ Элишаа хэлэбэ.

4 Хаан түрэнүүд 25:23

Вавилооной хаан Гэдаалияае эндэхи нютагай дарга болгожо томилбо гэжэ Нэтаанияагай хүбүүн Ишмаһээл, Карээһаагай хүбүүн Ёханаан, Нэтопааһаа уг гарбалтай Танхуумэдэй хүбүүн Сэраяа болон Яазаанияа гэгшэ маһахаа хүн дуулаад, өөһэдынгөө сэрэгүүдэй дарганартай, өөһэдынгөө хүнүүдтэй хамта тэрээнтэй уулзахаяа Мицпаа ошобод.

Исай 1:10

Иерусалим, удамаршад ба улад зонтнай Содом болон Гоморрын зондо адлил. Эзэнэй таанадта буулгаһан айладхал соносогты! Бурханайнгаа һургаал анхарагты!

Исай 1:23

Ударидагшадтнай гэмтэд, хулгайшадай нүхэд, бэлэг, эдилгэ абаашад. Тэдэ үншэдые хамгаалдаггүй, бэлбэһэн эхэнэрнүүдэй хэрэг шагнадаггүй.

Эзэкээл 10:19

Херүүбүүд далинуудаа дэбижэ, газарһаа дээшээ дэгдэн ниидэбэ. Би тэдэниие адаглан байгаа һэм. Сахаригуудшье тэдэнэй хажууда эрьелдэн ниидээ бэлэй. Тэдэ нангин үргөөгэй зүүн бартаануудай хажууда тогтобо, Израилиин Бурханай алдар соло дээгүүрнь заларан туяаран байгаа һэн.

Эзэкээл 10:22

Тэдэнэй нюурнууд Хэбаар голой хажууда минии харагша нюурнуудтал тон адли бэлэй. Амитан бүхэн хараһан тээшээ сэхэ ябаа һэн.

Эзэкээл 11:13

Минии лүндэн табижа байха үедэ Бэнайяа гэгшын хүбүүн Пэлаатияа наһа барашаба. Би газарта нюураараа унан, иигэжэ хашхаран орилон байгаа һэм: «Халаг, Эзэн Бурхамни! Израилиин бүхы зониие дууһан хюдаха гэжэ байна гээшэ гүт?!»

Эзэкээл 11:24

Тиигээд үзэгдэл соо Бурханай Һүлдэ намайе үргэжэ, Вавилоондо сүлэлгэдэ байгааша улад зондо абаашаа һэн. Удаань үзэгдэл үгы болошобо.

Эзэкээл 22:27

Ноёдынь олзоо зулгаажа байһан шононууд мэтэ. Тэдэ хүниие алажа, баяжана.

Эзэкээл 3:12

Удаань Бурханай Һүлдэ намайе өөдэнь үргэжэ, өөрын ара талада нэжэгэнэжэ байгааша иимэ абяа дуулаа һэм: «Тэнгэриһээ дээгүүр Эзэн Бурханай алдар соло үргэгдэхэнь болтогой!»

Эзэкээл 3:14

Эзэн Бурханай асари ехэ һүр һүлдэ намайе өөдэнь үргэжэ, би энээндэнь дурагүйлхэн, досоогоо сухалдаа һэм.

Эзэкээл 37:1

Эзэн намайе Өөрынгөө гараар хүрэжэ, араг яһаар дүүрэшэһэн нюруу газар руу Һүлдэнь намайе абаашаба.

Эзэкээл 40:6

Удаань тэрэ зүүн зүгтэхи хаалганууд руу шэглэжэ, табсангуудаарнь гэшхэн оробо. Хаалгануудай хоёр талаар алишье талаһаа тэгшэ нэгэ хэмжүүрэй модоной утатай тэбхэлжэн багахан таһалганууд байгаа.

Эзэкээл 41:1

Удаань хүтэлэгшэ намайе Һүмын дотоодо үргөө руу оруулба. Хаалгын хоёр таладахи гадаада хажуу ханануудай үргэниие хэмжэхэдэнь, зургаан тохой үргэнтэй гэжэ элирбэ.

Эзэкээл 8:16

Тиигээд Тэрэ намайе нангин үргөөгэй дотоодо хашаа руу оруулба. Тэндэ үүдэнэй болон үргэлэй шэрээгэй хоорондо нюргаараа Эзэнэй нангин руу, нюураараа зүүн зүг руу зогсон, мандажа байгаа наран руу мүргэжэ байгааша хорин табан хүн харагдаба.

Эзэкээл 8:3

Тэрэ гарай дүрсэ мэтэ юумэеэ һарбайгаад, намайе үһэнһөөм абаба. Тиигээд Бурханай Һүлдэ намайе агаарта үргэжэ, Иерусалим руу абаашаба. Нангин үргөөгэй дотор хашаагай хойто бартаануудай хажууда табяатай Бурханда харша онгоной байгааша газар руу Тэрэ намайе асарба.

Һошээ 5:10

Иудын ноёд Израилиин газар уһанай хилын тэмдэгүүдые хүдэлгэжэ, газар өөһэдтөө хулгайлан абана. Тэдээндэ уурлажа, уур хилэнгээ уһан мэтэ тэдээн дээрэ адхахаб.

Хэрэгүүд 8:39

Тэдэ хоёрой уһанһаа гарахадань, Эзэнэй Һүлдэ түшэмэл дээрэ тогтобо, харин Филиппые Бурханай Эльгээмэл дээшэнь дэгдээбэ. Түшэмэл тэрэниие ондоо хараагүй, гэбэшье ехэ баяртайгаар замаа саашань үргэлжэлүүлбэ.

Гэршэлгэ 1:10

Эзэнэй үдэр би Арюун Һүлдын нүлөөдэ абтабаб – ара тээмни бүдүүн дуутай бүреэ шэнги юумэнэй хүнхинэтэр дуугархые дуулабаб.