Эзэкээл 1:13 - Библи

¹³ Эдэ амитад носожо байһан нүүрһэн мэтэ ялаганажа, аһажа байһан гал хоорондуурнь ябажа байгаа мэтэ бэлэйл. Гал дүлэн дүрэлзэжэ, сахилгаан сахилжа байһан мэтэ һэн.

Эзэкээл 1:13 Referencias Cruzadas

Эхин 15:17

Наранай орожо, бүтүү харанхы болоходо, гэнтэ дүрэлзөөд ехэ гал аһаба. Галһаа үдхэн утаан бөөгнэрэн гаража, дүлэн сасаржа байба. Тэрэ гал дүлэн амитадай хахадлан сабшагдаһан бэеын хубинуудай хоорондуур гаража үнгэрбэ.

Псалманууд 104:4

Эзэниие болон хүсыень бэдэрэгты, Тэрээн руу хододоо шармайгты.

Эзэкээл 1:7

Тэдэнэй хүлнүүд сэхэ, улануудынь үхэрэй туруун мэтэ, һайса аршаһан гуулин мэтэ ялайжа байба.

Эзэкээл 10:2

Маалинга хубсаһа үмдэһэн хүндэ Бурхан иигэжэ айладхаба: – Херүүбүүд доро байһан эрьелдэгшэ сахаригууд хоорондуур орожо, аһажа байгаа нүүрһэ гар дүүрэн адхажа абаад, хото соогуур сасан хая. Минии хараһаар байтар тэрэ хүн захиралтыень дүүргэхэеэ ошобо.

Даниил 7:9

Удаань минии харахада хан шэрээнүүд табигдажа, Угаа үндэр наһатай Нэгэн шэрээ дээрэ һууба. Хубсаһаниинь саһан мэтэ сагаан, үһэниинь сэбэр нооһон мэтэ, шэрээниинь дүрэлзэжэ байһан галдал, мөөрнүүдынь – аһажа байгааша гал бэлэй.

Матвей 28:3

Тэрэнэй шэг шарайнь сахилгаандал мэтэ, хубсаһаниинь саһан шэнги сагаан байгаа.

Фессалоникиинхидтэ 2-дохи 1:7

харин зобожо байһан таанад, мүн бидэ, баясахабди. Эзэн Иисүүсэй һүр хүсэтэй Эльгээмэлнүүдтэйгээ тэнгэридэ аһажа байһан гал соо харагдахадань, Бурхан эдэ бүхэниие бэелүүлхэ. Бурханиие буруушааһан хүнүүдые, Һайн Мэдээсэлыень баримталдаггүй хүнүүдые Эзэн Иисүүс хэһээхэ.

Гэршэлгэ 10:1

Удаань үүлэ нэмэрһэн бата хүсэтэй ондоо нэгэ Эльгээмэлэй тэнгэриһээ буужа ябахые харабаб. Толгой дээгүүрнь һолонго татанхай, нюур шарайнь наран шэнги, хоёр хүлынь гал баханануудтал адли.

Гэршэлгэ 18:1

Тэрэнэй удаа иимэ юумэ харабаб: аргагүй ехэ эрхэ засагтай ондоо нэгэ Эльгээмэл тэнгэриһээ буужа байба, тиин газар дайда тэрэнэй алдар солоор гэрэлтэн толоршобо.

Гэршэлгэ 4:5

Хаан шэрээһээнь сахилгаан сахилжа, тэнгэриин дуун нэрьежэ, шанга шууяан гаража байба. Хаан шэрээгэй урда долоон зула носоно. Эдэнь Бурханай долоон Һүлдэ мүн бэлэй.