Эстээр 4:1 - Библи

¹ Мордохай энээн тушаа дуулахадаа, ехэ гашуудажа, хубсаһаа шуу татажа, гашуудалай хубсаһа үмдэжэ, толгой дээрээ үнэһэ сасажа, хотын гудамжада гаража, шангаар уйлан, гашуудан ябаба.

Эстээр 4:1 Referencias Cruzadas

Эхин 27:34

Эдэ үгэнүүдые дуулахадаа, Эсаав айхабтар гомдолтойгоор, шангаар уйлажа, эсэгэеэ гуйжа эхилбэ: – Абамни! Намайгаашье үреэн заяагыт даа!

Эхин 37:34

Хубсаһа хунараа удара татаад, ташаадаа гансал үнэгүй шэрүүн бүдэй удархай үлээгөөд, Яков олон хоногой туршада хүбүүгээ шаналан бархиржа байгаа.

2 Хаан түрэнүүд 1:11

Давид гашуудалда абтан, хубсаһаяа уриба, тэрээнтэй хамта байһан бүхы зон мүн лэ тиибэ.

2 Хаан түрэнүүд 13:19

Тамаар толгой дээрээ үнэһэ адхан, үнгэтэ хубсаһаяа урижа, нюураа гараараа бүглэн, шангаар уйлан ябаба.

Эстээр 4:2

Иигэжэ тэрэ эзэн хаанай ордоной гол хаалгын хажууда ерэбэ. Гашуудалай хубсаһа үмдэһэн хүн тиишээ орожо болохогүй байһан ушарһаа тэрэ үүдэнэй дэргэдэ ерээд зогсобо.

Эстээр 4:3

Хаанай зарлиг шагнаһан бүхы газар нютагуудай иудейнүүд угаа ехээр гашуудан уйлажа, эдеэ хоолшье эдихэ уухаа болёод, олонхинь гашуудалай удархай хубсаһа үмдэнхэй, үнэһэ тооһон соо хэбтэжэ байгаа бэлэй.

Иоов 1:20

Тиихэдэнь Иоов бодожо, гадар хубсаһаяа таһар татажа, толгойнгоо үһэ хайшалуулаад, газарта үбдэглэн мүргэжэ, Эзэндэ хэлэбэ:

Иоов 2:8

Иоов бэеэ маажаха гэжэ хатуу шабарай хэлтэрхэй абаад, үнэһэн бурма соо һууба.

Иоов 42:6

Тиимэһээ хэлэһэн үгэһөө арсажа, шорой, үнэһэн соо угаа халаглажа байнаб.

Исай 15:4

Хэшбоон болон Элэалээ хотонуудай ажаһуугшад шангаар уйлалдажа, абяаниинь Яаһац хүрэтэр дуулдана. Моһаабай сэрэг һалганана, сэдьхэлынь шэшэрнэ.

Исай 22:4

Тиимэһээ намайе гансаарым орхигты, хосорһон өөрынгөө арад зон тушаа гашуудан уйлахаб, аргадажа-һамааруулжа бү байгты.

Исай 37:1

Хэзэкияа хаан эдэ бүгэдые дууламсаараа, уйдхар гашуудалаа мэдүүлэн хубсаһаа урижа, таар үмдөөд, Эзэнэй Һүмэдэ ошобо.

Исай 37:2

Тиигээд ордоной захирагша Элиакиимые, бэшээшэ Шэбнаае ба ахамад санаартадые таар хубсаһа үмэдхүүлээд, Амооцой хүбүүн, лүндэншэ Исайда эльгээбэ.

Исай 58:5

Өөрыгөө зобоожо, толгойгоо гунхуулан, үнэһэн дээрэ хэбтэжэ, таар үмдэхэдэтнай Би сэдьхэлээ хананги байха аалби? Энээниие масаг барилга гээд нэрлэмээр гү?

Эзэкээл 21:11

Гартаа абахаяа һэлмэ хурсадхуулааб, мэлигэр болгуулааб. Зониие алахаар тэрэ бэлэн болоо.

Эзэкээл 21:6

Харин ши, хүнэй үри Эзэкээл, тэдэнэй хараһаар байтар ташаагаа шабхада, гай гасаланда абтан шангаар ёоло.

Даниил 9:3

Тиигээд масаг барин, таар үмдэжэ, үнэһэ шорой дээрээ адхан, Эзэн Бурханда үнэнхэ зүрхэнһөө зальбаран мүргэжэ, өөрынгөө нүгэл мэдэрэн, иигэжэ гуйгааб: – Агууехэ, һүрөөтэ Эзэн! Танда дуратай, ёһо гуримуудыетнай сахидаг зонтой хэлсээгээ хододоо сахин байнат.

Михей 1:8

Энээнһээ боложо, би гашуудахаб, сурхирса уйлахаб, хүл нюсэгэн, шараа нюсэгэн ябахаб, айһандаа сүүбэн шоно мэтэ улижа, айран тэмээн хяруул мэтэ хашхаран байхаб.

Цэпаанияа 1:14

Эзэнэй агууехэ үдэр ойртоо! Ойртоод, угаа хурдан ерэжэ байна. Эзэнэй үдэрэй абяан лэ! Баатар сэрэгшэшье тэндэ сурхирса уйлахал!

Матвей 11:21

– Хоразиин хотынхид, таанад уй гашуудал үзэхэт! Бэтсаидаа хотынхид, таанад баһал уй гашуудал үзэхэт! Хэрбээ танай хотонуудта бүтээһэн гайхамшагта хэрэгүүдээ Тиир Сидоон хотонуудта үзүүлһэн байбални, тэдэ хотын зон үни гэһээр Бурханда хандаха һэн. Тэдэнэр хахархай хубсаһа үмдэжэ, тархи дээрээ үнэһэ адхажа, нүгэлнүүдээ гэмшэһэнээ баталха бэлэй.

Хэрэгүүд 14:14

Барнааба Павел хоёр энээн тухай дуулахадаа, хубсаһа хунараа шуу татажа, зондо гүйжэ ошоод, тэдэниие хорин хашхаралдабад:

Нүүнэй Иисүүс 7:6

Иисүүс хубсаһаа таһа татан уряад, Эзэнэй хэлсээнэй ханзын урда нюураараа газар мүргэн унаа, үдэшэ болотор хэбтээ. Иисүүс ба Израилиин аха захатан тархидаа үнэһэн тоборог адхаа.

Гэршэлгэ 11:3

Би хоёр гэршэнэрээ эльгээхэб: тэдэмни уйдхар гашуудалай хубсаһа үмдөөд, мянга хоёр зуун жаран үдэр соо Бурханай үгэ айладхажа ябаха».