Эстээр 10:3 - Библи

³ Мордохай иудей эрхэ ямбаараа, албан тушаалаараа улас түрэ соогоо гансал Ахашвероош хаанай удаа байһан хүн болоно. Тэрэ хадаа түрэл арад зонойнгоо, уг удамайнгаа түлөө хододоо оролдожо, тэдэндээ амгалан тайбан байдал олгуулхын тула тэмсэжэ, иудейнүүдэй үндэр хүндэдэ хүртэн, зүрхэ сэдьхэлынь татажа шадаа бэлэй.

Эстээр 10:3 Referencias Cruzadas

Эхин 41:40

Энэ сагһаа хойшо минии гүрэн түрые ударидан хүтэлхэш, албатадни шинии захиралта жэншэдгүй дүүргэхэ. Гансал би хаан нэрээрээ дээрэшни байхаб.

Эхин 45:10

Та минии хажууда ерэжэ, Гоошэн гэдэг газарта ажаһуудаг болохот. Үри хүүгэдээ, аша гушанараа, мал һүрэгөө, эд зөөриеэ бултыень абаад, Египет орон ерэгты.

Эхин 45:11

Үлэсхэлэн хооһон жэл үшөө табан жэл үргэлжэлхэ. Минии хажууда ерээ һаатнай, хэрэгтэй бүхы юумээр таниие хангахаб. Үгы һаа, гэр бүлэтнай, мал һүрэгтнай доройтожо, үлэсэжэ хосорхол» гэнэ гээд дамжуулагты.

2 Угай бэшэг 28:7

Эпрааимай обогой баатар, Израилиин сэрэгшэ Зихрии Ахааз хаанай Маашэяа хүбүүе, хаанай ордоной захирагша Азрикаамые, хаанай удаа хоёрдохи хүн болохо Элканаае алаа.

Нэхэмьяа 2:10

Хороон нютагай Санбаллаат Аммоон нютагай Тобияа хоёр энээн тухай мэдээд, израильшуудай аша туһые хамгаалха хүн бии болобо гээд ехээр халаглабад.

Эстээр 2:5

Тэрэ үедэ Яһиирай Мордохай гэдэг иудей хүн ниислэл хото Сүүзэдэ ажаһуугаа. Яһиир хадаа Шимэйн, Шимэй Киишэй, уг удамаараа Бэньямиинэй обогой болохо.

Эстээр 3:2

Эзэн хаанай буулгаһан зарлигай ёһоор ордоной бүхы түшэмэлнүүд Һамааниие ёһолон хүндэлжэ, үбдэг һүгэдэн унажа байгаа. Гансал Мордохай тэрэнэй урда һүгэдэдэггүй, унажа байдаггүй һэн.

Даниил 5:16

Харин шамайе иимэ юумэ тайлбарилжа шададаг, хүрмэлдэһэн юумэ тайладаг гээд дуулаһан байнаб. Зай, энэ бэшээшые уншажа, удхыень намда ойлгуулжа шадаа гээшэ һааш, шамда улаан хубсаһа үмдэхүүлхэ, хүзүүндэш алтан зүүдхэл зүүхэ, тиигээд засагай талаар хан түрэ соо гурбадахи хүн болохош, – гэбэ ха.

Даниил 5:29

Бэлшаццаарай захиралтаар Даниилда улаан хубсаһа үмдэхүүлбэ, алтан зүүдхэл хүзүүндэнь зүүбэ, тиигээд хан түрэ соо засагай талаар гурбадахи хүн гэжэ айладхаба.

Даниил 6:3

Даниил бусад түшэмэл, ноёдто орходоо дээрэ гээд элирбэ, юуб гэхэдэ, тэрэ шанга зоригтой һэн. Тиимэһээ хаан тэрэниие бүхы хан түрэ зонхилдог байхаар табиха гэжэ һанажа байгаа.

Римэйхиндэ 10:1

Аха дүүнэр! Израилиин арад зоной абарагдахые би бүхы зүрхэ сэдьхэлээрээ хүсэнэб, тэрээн тухай Бурханда зальбарнаб.

Римэйхиндэ 14:18

Таанад тиимэ маягаар Христоосто алба хэжэ байбал, Бурханда таатай ба хүн зондо хүндэтэй байхат.

1 Хаан түрэнүүд 18:16

Харин бүхы Израиль болон Иуда Давидта дуратай һэн. Юуб гэхэдэ, тэрэ илалта туйладаг бэрхэ жанжин байгаа.

1 Хаан түрэнүүд 23:17

Тэрэ Давидта: – Бү ай. Юуб гэбэл, минии эсэгэ Саул шамайе олохогүй. Ши Израилиин хаан боложо, би шинии һүүлээр зогсохо хүн болохоб. Минии эсэгэ Саулшье энээн тухай мэдэжэ байна, – гэбэ.