Ерэмияа 9:9 - Библи

⁹ Иимэ зүйлэйнь түлөө Би тэдэниие хэһээхэгүй юм гүб?! Иимэ арад түмэнһөө үһөөгөө абахагүй юм гүб?! Энэ болбол Би, Эзэн, айладхаа мүн!

Ерэмияа 9:9 Referencias Cruzadas

Исай 1:24

Тиимэһээ Түмэн Сэрэгтэ Эзэн, Израилиин Хүсэтэ Бурхан, иигэжэ айладхана: «Одоо даа, эсэргүүшэдээ диилэхэб даа, дайсадһаа үһөөгөө абахаб даа.

Исай 10:3

Бурханай хэһээлтын үдэр таанад яахабта? Таанад дээрэ алас холоһоо гай тодхор Тэрэнэй асархада, яаха болонот? Хэнһээ туһаламжа эрин гүйхэбта? Баялигаа хаана нюухабта?

Исай 57:6

Мэлигэр шулуунуудые тэндэһээ абажа, бурхадта мэтээр тэдээндээ мүргэдэгта. Үзэмэй дараһан архи үргэжэ, талханай үргэл тэдээндэ дурадханат. Энээниие үзэжэ байхадаа Би һанаа амар байха аалби?

Ерэмияа 12:11

Энэнь зэлүүд хооһон, эзэгүй болоод, Минии урда уйлажа байна. Бүхы газар нютаг ханха зайдан болоо. Хэншье тэрэниие хайхарнагүй.

Ерэмияа 12:4

Газар нютагнай хэды болотор уйдхар гашуудалда абтажа, хүдөө талын ургаса ногоон хатажа-гандажа байха юм? «Бидэнтэй юун болохые Бурхан мэдэнэгүй» гэжэ зон хэлсэнэ. Муу муухай эдэ зонһоо боложо, амитад болон шубууд хосорно.

Ерэмияа 4:25

Обёорходом, тэндэ нэгэшье хүн үгы, тэнгэриин бүхы жэгүүртэн ниидэжэ ошолой.

Ерэмияа 5:29

Тиимэһээ Би, Эзэн, тэдэниие хэһээхэб, иимэ арад зонһоо үһөөгөө абахаб.

Ерэмияа 5:9

Энээнэйнь түлөө Би тэдэниие хэһээхэгүй аалби? Иимэ үндэһэтэнһөө Би үһөөгөө абахагүй юм гүб?

Һошээ 4:3

Энээнэй түлөө тус газар хэнэйшье амидархын аргагүй хооһон сүл губи болохо. Дээрэнь ажаһуугааша бүхы амитад – хээрын ан гүрөөл, жэгүүртэн, үнгэрхэдөө, загаһадшье бултадаа хосорхо туйлдаа хүрэхэ.

Ёһээл 1:19

Эзэн манай, Танда хандан туһа эринэм. Хээрын бэлшээри галда абтажа, талын модые дүлэн үрэбхибэ.

Амоос 5:1

Эдэ үгэнүүдые шагныта! Израильшууд, хүдөөлүүлгын дуу таанад дээрэ дуулан байнаб.

Амоос 5:2

Израилиин охин унагаагдаа, өөдөө бодожо бэшэ шадахагүй. Газар дэбисхэр дээрээ тэрэ шэдүүлээ, хэншье тэрэниие бодхоохогүй!