Ерэмияа 9:2 - Библи

² Элһэн сүл губида аяншадай хонохо газар намда байгаа гээшэ һаань, өөрын арад түмэнөө орхижо, тэдэнһээ ошохо байгааб. Тэдэ бултадаа забхайрагшад, урбагшадай үүр гээшэл!

Ерэмияа 9:2 Referencias Cruzadas

Исай 59:3

Таанад хүниие алажа, буруу шүүжэ, худалаар хэлэжэ, нүгэл хээт.

Ерэмияа 12:1

Эзэмни, минии Тантай зарга хэрэг ябуулаа һаа, Та хододоо үнэн зүб байхат. Гэбэшье Би Тантай үнэн шударгы ёһын хэрэгүүд тушаа адхаг һэжэгтэ баригдан хөөрэлдэхэ байнаб. Муу ябадалтайшуулда юундэ аза талаан туданаб, этигэлгүй, зүй буса зон юундэ хашалгүй амар байнаб?

Ерэмияа 12:6

Аха дүүнэршни, түрэл түтимшни хүрэтэрөө шамда урбаад байна. Тэдэ шам тухай муу юумэ хэлэнэ. Һайн үгэ нюурташни хэлээшье хадань, тэдээндэ бү этигэ.

Ерэмияа 13:22

Хормойшни шуугдаа, хүсөөр эдлэгдээш – эдэ бүгэдэ яагаад шамтай тохёолдоо гээшэб гэжэ асуубалшни, нүгэл шэбэлэйшни угаа олон байһанда энэ болоо гэһэн харюу үгтэхэ.

Ерэмияа 23:10

Эзэндэ үнэн сэхэ бэшэ зоноор энэ газар дүүрэшоо. Тэдэнэй зорилгонь – муу муухай үйлэ хэрэгүүд, худал хуурмагаар тэдэ засаг түлөөлгэнүүдые абана.

Ерэмияа 4:22

Эзэн иигэжэ хэлэнэ: «Арад зомни мунхаг. Тэдэ Намайе мэдэдэггүй. Тэдэ тэнэг үхибүүдтэл адли, юумэ ойлгодоггүй. Муу юумэ үйлэдэхэдөө һүрхэй, харин һайн юумэ хэхэеэ шададаггүй».

Ерэмияа 5:1

Иерусалимай үйлсэнүүдээр хойшо-урагшаа ябагты! Тиигээд харан адаглагты! Үнэн сэхэ, Эзэн Бурханда бэеэ зорюулһан нэгэшье хүниие олохо ааламта? Олоо һаатнай, Эзэн Иерусалимые хүлисэхэ һэн.

Ерэмияа 5:11

Израилиин болон Иудын улад зон Намда үнэхөөр урбаа. Энэ болбол Би, Эзэн, тунхаглана мүн!

Ерэмияа 5:2

Эзэн амиды гэжэ таанад хэды дахин хэлээшье хадаа хуурмаг тангариг үргэнэт.

Һошээ 4:2

Хараал, мэхэ гохо, алалта, хулгай ба забхай зальхай ябадал угаа дэлгэрээ. Шуһа урасхуулха ябадал хойно хойноһоо болоно.

Һошээ 5:7

Эзэндэ тэдэ урбаа, үхи хүүгэдынь өөрынь бэшэ. Тиимэһээ мүнөө тэдэ газар уһантаяа хамта һандаргаагдахань.

Һошээ 6:7

Адаамдал адли таанад хэлсээ эбдэжэ, Намда урбаат.

Һошээ 7:4

Хилээмэ баридаг хүнэй талха худхаад, тэрэнээ болгохын тула пеэшэ түлеэд, саашань түлихэеэ болиһондол, тэдэ Намда урбаха ябадалаар дүүрэшэнхэй.

Михей 6:12

Ушар юуб гэхэдэ, хотын баяшуул хүсэрхэл хаа-хаанагүй хэрэглэнэ, ажаһуугшадынь худал хэлэнэ.

Цэпаанияа 3:4

Лүндэншэдынь бодолгүй, урбагша зон; санаартадынь арюун нангин зүйл бузарлагша, һургаал хуули дэбһэгшэд.

Малаахи 2:11

Иуда эсэргүү бодол гаргажа, Израильда болон Иерусалимда жэгшүүритэ үйлэ хэгдэбэ. Тэрэ Эзэниие шүтэдэг газарые бузарлажа, хариин бурханай үхинтэй гэрлээ.

Малаахи 2:14

«Юундэ Эзэн манай үргэл абанагүйб?» гэжэ асуужа болохот. Юундэб гэхэдэ, Эзэн шинии нүгэл хэлгын гэршэ болоно. Өөрынгөө һамгые мэхэлхыеш хараһан байна. Ши залуудаа тэрэ һамга абаа һэнши. Тэрэ шинии хани халуун нүхэр байгаа, хожомынь заяата эхэнэршни болоо. Эзэн тэрээнэй гэршэ болоно.

Яковай хандалга 4:4

Бурханда урбагша зон, энэ оршолон дэлхэйдэ дуратай байхадаа таанад Бурханай дайсад болонот гэжэ мэдэнэгүй аалта? Тиин энэ оршолон дэлхэйтэй нүхэсэхэеэ һанабал, Бурханай дайсан болонот.

Ударидагшад 2:10

Тэрэнэй наһа бараһанай һүүлдэ энэ обогһоо шэнэ үенүүд гараба. Тэдэнэр Израильда хэһэн Эзэнэй агууехэ хэрэгүүдыень мэдэхэгүй байбад.