Ерэмияа 9:19 - Библи

¹⁹ Сионһоо ори дуун соностоно: «Аа, бидэнтэй сүйд болоо! Гутамшаг бузар юумэндэ орообди! Газар нютагаа орхихо баатай болообди, манай гэрнүүд һандаргагдаа».

Ерэмияа 9:19 Referencias Cruzadas

Исай 32:9

Ямаршье юумэндэ һанаагаа зобонгүй, һэли-дэлихэн хүнгэн ажаһуудаг эхэнэрнүүд, минии хэлэхые шагнагты.

Ерэмияа 15:1

Тиигээд Эзэн намда: – Моисей, Самуил гэгшэдэйшье Минии урда зогсожо байгаа һаань, Би энэ арад түмэниие хайрлахагүйб. Энэ арад зониие Минии хажууһаа зайлуула, тэдэниие ябуул!

Ерэмияа 2:14

Израиль – богоол бэшэ. Тэрэ түрэлхиин зараса байгаагүй. Теэд юундэ тэрэ бусадай олзо болоо юм?

Ерэмияа 4:13

Харагты, дайсан хара үүлэн мэтэ дээшээ гаража байна. Тэрэнэй дайшалхы тэргэнүүд хуй һалхин мэтэ, тэрэнэй морид бүргэдһөө үлүү хурдан юм. Бидэ сүйд гасаланда орообди! Бидэ һалаабди!

Ерэмияа 4:20

Гай тодхор дээрэ үшөө гай тохёолдоно, бүхы орон нютаг һандаргагдан хооһороо. Гэнтэ манай майхангууд эбдэгдээ, агшам зуур соо хүшэгэнүүднай ударагдаа.

Ерэмияа 7:15

Таанарай аха дүү болохо Эпрааимай бүхы үри һадаһадые гарган хаяһан шэгээрээ Би таанарые Өөрын хажууһаа гарган хаяхаб. Би, Эзэн, энээниие айладхана мүн!

Ерэмияа 7:19

Теэд тэдэ Намайе гомдооно гү? Үгы! Тэдэ өөһэдыгөө бузарлан, өөһэдыгөө гомдохооно.

Ерэмияа 7:29

Иерусалимай улад зон, үһэеэ тайража хаяад, нюсэгэн добо толгой дээрэ гашуудан уйлагты. Юуб гэхэдэ, Би, Эзэн, энэ үе удамда уурлан хилэнтэжэ, голожо, орхибоб.

Гашуудал 4:15

«Зайлагты! Бузартайт! Холодогты, бү хүрэгты!» гэжэ тэдээндэ зон хашхарна. «Тэнээшэд! Тэдэ бэшэ амидарахагүй!» гэжэ тэдээн тушаа үндэһэтэд хэлсэнэ.

Гашуудал 5:2

Маанадай уг залгамжалха зөөри хариин зондо, гэрнүүднай гадаадын уласта үгтэбэ.

Эзэкээл 27:2

– Хүнэй үри Эзэкээл, Тиир хото тушаа гашуудалай дуу татыш.

Левит 18:25

Тэрэ газарай бузарлагдахадань, тэрээниие нүгэл хилэнсынь түлөө хэһээгээб: тэрэ газар дээрэнь һуугшадые бөөлжөөд гаргажархибаб.

Левит 18:28

тэрэ газар тэрэниие бузарлажа эхилхэдэтнай таанадһаа урид һууһан арад зониие бөөлжэн гаргаһан мэтээр таанадыешье гаргажа болохо.

Левит 20:22

Минии ёһо гуримуудые, тогтоол хуулинуудые сахигты, дүүргэгты. Тиигэбэл, Минии таанадые хүтэлжэ абаашаха газарни таанадые абажа хаяхагүйл.

Михей 2:10

Бодожо, эндэһээ ябагты. Энэ газарта амгалан тайбан таһалдаа. Таанадай хэһэн нүгэл энэ газарые аймшагтай һандаралда хүргөө.

Михей 2:4

Тэрэ сагай ерэхэдэ, таанадтай тохёолдоһон ушарые гай тодхорой жэшээ болгон зон хөөрэлдэжэ, иимэ гашуудалтай дуу дуулахал: «Бидэ дууһан усадхагдаабди! Манай газар дайда урбагшадта үгтэбэл! Маанадта һөөргөө бусахаа болёол!»

Хуули дабталга 28:29

Тиихэдэнь һохор хүнэй тэмтэржэ ябадагтал, гэгээн сагаан үдэр дунда тэмтэрэн ябадаг болохот. Зориһон хэрэгтнай урагшагүй, үдэр бүри зон таанадые хашажа харшалжа, дээрмэшэлжэ байха, таанадые абарха хүн олдохогүй.