Ерэмияа 9:16 - Библи

¹⁶ Би тэдэниие өөһэдыньшье, үбгэ эсэгэнэрэйньшье мэдээгүй үндэһэ яһатанай дунда тараахаб. Тэдэниие дууһан хюдатараа хойноһоонь сэрэг ябуулжал байхаб.

Ерэмияа 9:16 Referencias Cruzadas

Нэхэмьяа 1:8

Гэбэшье Өөрын богоол Моисейдэ иигэжэ айладаһанаа һаныт: «Хэрбэеэ таанадай урбабал, Би таанадые арадуудай хоорондо сасан тараахаб.

Псалманууд 106:27

Тэдэ архиншадал эрьелдэн, найгалзан байгаа, бүхы сэсэн мэргэн тэдээндэ хэрэгтэй бэшэ.

Экклезиаст 12:5

Үгсүүр газарһаа зүрхэ алдажа, замда гарахаяа түбэгшөөдэг болохош. Үһэншни бүйлсэ модоной сэсэг мэтэ үнгэтэй болохо, бэешни даагдахаа болижо, голёо шэнги мүлхидэг болохош. Удаань мүнхэ гэртэ ошоходош гашуудалай орилоон гудамжада зэдэлхэ.

Ерэмияа 13:24

Тиимэһээ Эзэн таанадые хооһон талын һалхинда үлеэгдэдэг мэхиинэ шэнгеэр тарааха.

Ерэмияа 24:10

Би тэдэндэ болон үбгэ эсэгэнэртэнь үгэһэн газар нютагһаа тэдэниие үгы болготороо тэдээндэ дайн дажар, үлэсхэлэн байдал, үбшэ хабша эльгээжэл байхаб, – гэжэ айладхаба.

Ерэмияа 25:27

Тиигээд Эзэн намда иигэжэ айладхаба: – Улад зондо Минии, Түмэн Сэрэгтэ Эзэнэй, Израилиин Бурханай, захиралта дуулга. Уугты, һогтогты, бөөлжэн унагты гэжэ захирнаб. Танай урдаһаа дайн дажар эльгээхэдэм, бодожо шадахагүйт.

Ерэмияа 29:17

Түмэн Сэрэгтэ Эзэн иигэжэ айладхана: – Үзэгты, Би тэдээндэ дайн дажар, үлэсхэлэн хооһон байдал болон тахал үбшэ асархаб. Илзарһан тула эдижэ болохогүй инжиртэй адли тэдэниие болгохоб.

Ерэмияа 44:27

Таанадай һайн байха бэшэ, һандаргагдаха тухай Би оролдохоб. Египедэй орон нютагта байгааша таанад, иудейнүүд, бултадаа һалатараа дайн дажарта гү, али үбшэ хабшанһаа хосорхот.

Ерэмияа 7:29

Иерусалимай улад зон, үһэеэ тайража хаяад, нюсэгэн добо толгой дээрэ гашуудан уйлагты. Юуб гэхэдэ, Би, Эзэн, энэ үе удамда уурлан хилэнтэжэ, голожо, орхибоб.

Ерэмияа 8:19

Шагныт! Арад зоноймнай алас холын оронһоо: «Эзэн Сиондо бэшэ байхагүй гээшэ гү? Сионой Хаан тэндээ үгы юм гү?» гэжэ хашхархань дуулдана. Эзэн тэдээндэ иигэжэ харюусаа: «Шүтөөнүүдтэ мүргэжэ, аша туһагүй хариин бурхадта зальбаржа, таанад Минии уур сухал хүргөөт. Юундэ тиигээбта?»

Эзэкээл 11:17

Үшөө иигэжэ дуулгаарай: «Би, Эзэн Бурхан, таран сасааһан орон нютагуудһаа тэдэниие суглуулжа, Израилиин газар уһые үгэхэб».

Эзэкээл 12:15

Иигэжэ Минии тэдэниие үндэһэ яһатадай дундуур, ондоо улас түрэнүүдээр тараахада, тэдэ Намайе Эзэн гээд мэдэдэг болохо.

Эзэкээл 14:17

Хэрбээ Минии тэрэ орон нютаг руу дайн дажар эльгэжэ, аймшагта дайнай зэбсэгээр улад зониие, мал хюдажа эхилхэдэм,

Эзэкээл 20:23

Иигээд элһэн сүл губида ондоо шахаа тангариг үргэбэб, үндэһэ яһатадай дундуур тэдэниие тараан сасахаб гэжэ тангариглаа бэлэйб.

Эзэкээл 27:2

– Хүнэй үри Эзэкээл, Тиир хото тушаа гашуудалай дуу татыш.

Эзэкээл 5:12

Таанадай гурбанай нэгэ хуби үбшэ хабшанһаа гү, али туража үхэхэ, нүгөөдэ хуби хотын оршон тойрондо һэлмээр сабшуулан хосорхо, үлөөшэ хуби зонииетнай дэлхэйн найман зүгөөр сасан тараажа, һэлмэ далайн, хойноһоонь мүрдэхэб.

Эзэкээл 5:2

Шинии зураглажа харуулһан бүһэлэлтын дууһахада хотын дунда нэгэ хуби үһые шатаа. Нүгөө хубииень хотые тойруулан ябажа, һэлмээр сабша. Үлөөшэ хубиие һалхинда хиидхүүлэ, Би һэлмэ һугалан, Иерусалим хотынхидые дахан мүрдэхэб.

Левит 26:33

Таанадые буса арад зоной дунда тараахаб, хойноһоотнай һэлмэ һугалхаб. Газартнай хооһорхо, хото балгасатнай һандаргагдаха.

Амоос 5:16

Тиимэһээ Түмэн Сэрэгтэ Эзэн Бурхан иигэжэ айладана: Бүхы талмайнуудаар хүдөөлүүлгын гашуудал, бүхы гудамжануудаар «гай тодхор тудалдаа!» гэһэн ёолоонууд дуулдаха. Гашуудалай ёһололдо ажалшадые, хүдөөлгэндэ уйлагша эхэнэрнүүдые дуудаха!

Михей 2:4

Тэрэ сагай ерэхэдэ, таанадтай тохёолдоһон ушарые гай тодхорой жэшээ болгон зон хөөрэлдэжэ, иимэ гашуудалтай дуу дуулахал: «Бидэ дууһан усадхагдаабди! Манай газар дайда урбагшадта үгтэбэл! Маанадта һөөргөө бусахаа болёол!»

Захарияа 7:14

Тэдэниие һалхи шуургантай хамта хари зоной дунда тараан сасаахаб, харин өөһэдэйнь газар нютаг эзэгүй болон хооһоржо, хойшо урагшаа нэгэшье хүн ябахагүй. Тэдэ өөһэдөө һайхан орон нютагаа хооһон губи болгобо», – гэжэ Түмэн Сэрэгтэ Эзэн айладхаа.

Хуули дабталга 28:25

Эзэн дайсадтатнай туһалжа, таанадые диилүүлхэ. Нэгэ харгыгаар тэдэнэй урдаһаа добтолһон аад, долоон аян замаар тэдэнһээ тэрьедэн ошохот. Тиигээд дэлхэйн гүрэн түрэнүүдээр зон таанадай гай тодхор хаража, шэшэрэн һалганан байхал.

Хуули дабталга 28:36

Эзэн шамайе, хаантайшни хамта танигдаагүй, үбгэ эсэгэнэрэйтнайшье мэдэхэгүй арад зондо ябуулха. Тэндэ ши модоор болон шулуугаар хэһэн бурхадта һүгэдэн мүргэжэ эхилхэш.

Хуули дабталга 28:64

Дэлхэйн нэгэ захаһаа нүгөөдэ заха болотор ажаһуугша бүхы арадуудаар таанадые Эзэн тарааха. Өөрынгөө танихагүй, үбгэ эсэгэнэрэйнгээшье мэдэхэгүй ондоо бурхадта, модоор, мүн шулуугаар хэгдэһэн бурхадта, тэндэ һүгэдэн, мүргэн байхат.

Хуули дабталга 32:26

Би хэлээб: „Тэдэниие тараан сасахаб, үгы хэхэб, тиихэдэм тэдээн тушаа зон огтолон мартаха“.

Хуули дабталга 4:27

Эзэн таанадые бүхы арадуудаар тарааха, тиихэдэнь тэдэ арадуудайнь дунда үсөөхэн тоотой үлэхэт.

Яковай хандалга 1:1

Бүхы газар дэлхэйгээр тараһан арбан хоёр угсаата Бурханай зон, таанадые Бурханай болон Эзэн Иисүүс Христоосой Яков зараса мэндэшэлнэ.