Ерэмияа 9:11 - Библи

¹¹ Эзэн айладхана: «Иерусалимые һандарһан шулуун обоо, сүүбэн шонын үүр болгохоб. Иудын хотонуудые ажаһуугшадгүй хооһон болгохоб».

Ерэмияа 9:11 Referencias Cruzadas

Нэхэмьяа 4:2

тэрэ өөрынгөө түрэлнүүдтэ, Самариин сэрэгшэдтэ иигэжэ хэлэбэ: – Эдэ баарһад иудейнүүд тэндэ юу хэхэ болоноб? Хотые һэргээжэ, эдэнэр үргэл үргэхэ гэжэ гү? Шандаруу болоһон энэ богһоо шэнээр бодхооһон шулуун ханануудынь нэгэ доро дүүрэшэхэл.

Псалманууд 79:1

[Дуунай бүлэгэй хүтэлбэрилэгшэдэ: «Хэлсээнэй сараананууд» гэдэг аялга. Асаапай псалма.]

Исай 13:22

Байрануудтань сүүбэн шононууд улилдаха, гоё һайхан ордонгуудтань зольбо нохойнууд хусалдаха. Вавилооной һалаха саг ойртожо байна! Үдэрнүүдынь дүүрээ гэхэдэ болохо.

Исай 25:2

Хотонуудые эбдэрхэй шулуун обоо, бүхэлэлтэнүүдыень һандархай шулуун болгобот. Хариин зоной ордонгууд һандараа, хэзээдэшье һэргээгдэхэгүй.

Исай 34:13

Ордонгуудаарнь, бүхэлэгдэһэн хотонуудаарнь үүргэнэ, халаахай ургажа, сүүбэн шонын, шара шубуудай байра тэрэ болохо.

Исай 44:26

Харин Минии богоолой уридшалан таахада, түсэбүүдээ мэдүүлхэеэ элшэнэрые эльгээхэдээ, Би тэдэ түсэбөө дүүргэдэгби, уридшалан хэлээшыень бэелүүлдэгби. Иерусалимда зон дахин ажаһуудаг болохо, Иудын хан түрын хотонууд дахин һэргэн бодохо гэжэ Би мэдүүлнэб.

Ерэмияа 1:15

Юуб гэхэдэ, хойто зүгэй хаан түрэнүүдэй бүхы угсаатануудые ерэхыень Би дуудахаб. Тэдэ ерэжэ, хаан шэрээгээ Иерусалимай хаалгануудай хажууда, бүхы ханануудыень тойруулан, мүн Иудын бүхы хотонуудые тойруулан табиха.

Ерэмияа 10:22

Шагнагты! Иимэ һураг дуулдаба! Иудын хотонуудые хооһон, сүүбэн шонын үүр болгохоёо хойто зүгэй орон нютагһаа ехэ шууяатай сэрэг гаража байна.

Ерэмияа 16:10

Шинии эдэ бүхы үгэнүүдые энэ арад түмэндэ дуулгахадаш, тэдэ шамда «Ямар ушарһаа Эзэн маанадта иимэ агууехэ гай тодхор тохоо гээшэб? Бидэ ямар гэм зэмэтэйбибди? Өөһэдын Эзэн Бурханай урда ямар нүгэлтэйбибди?» – гэлдэхэ.

Ерэмияа 25:11

Энэ бүхэли орон нютаг һандаргагдан орхигдожо, аймшагтай юумэн байха, хүршэ арадууд Вавилооной хаанда далан жэлэй туршада алба хэхэ.

Ерэмияа 25:18

Иерусалимай, Иудын хан түрын бүхы хотонуудай зондо газарыень хооһон элһэн сүл губи, үзэмжэгүй муухай, зоной хараал болгохын тула хаашуул, ноёдтойнь хамта энэ аягаһаа уулгабаб. Газарынь тон тиимэ болоол даа.

Ерэмияа 26:18

– Хэзэкияа гэгшын Иудын хаан байха үедэнь лүндэншэ Морээшэдэй Михей Иудын хан түрын бүхы арадта Түмэн Сэрэгтэ Эзэнэй иимэ айладхал дуулгаа бэлэй: Сион таряалангай талмай мэтэ хахалагдаха, Иерусалим обоолоотой һандархай шулуун болохо, Һүмын мүнөө байгааша газар ой модоной ургадаг гүбээ болохо.

Ерэмияа 26:9

Энэ Һүмэ Шилоодол адли болохо, энэ хото һандаргагдаха, хэншье тэндэ ажаһуухагүй гээд юундэ Эзэнэй нэрэһээ лүндэн табижа байнабши? – гэлдэн хашхаралдаба. Тиигээд улад зон намайе тойрон сугларба.

Ерэмияа 34:22

Минии захирхада, дайсадай сэрэг һөөргөө энэ хото руу бусаха. Тэдэ добтолон орожо, хотые эзэмдээд, дууһан шатааха. Иудын хан түрын хотонуудые зэлүүд хооһон, нэгэшье амитанай ажаһуудаггүй хото болгохоб. Энэ болбол Би, Эзэн, тунхаглана мүн!

Ерэмияа 4:27

Эзэн иигэжэ тунхаглана: Бүхэли газар нютаг һандаргагдан хооһорхо, гэбэшье Би бүримүһэн усадхахагүйб.

Ерэмияа 44:2

Түмэн Сэрэгтэ Эзэн, Израилиин Бурхан иигэжэ айладхаа: – Иерусалим болон Иудын хан түрын хотонуудта Минии татаһан бүхы гай тодхорые таанад хараа-үзөө бэлэйт. Мүнөө болотороо тэдэ хооһон, һандархай, хэншье тэндэ ажаһуунагүй.

Ерэмияа 49:33

Хацоор сүүбэн шононуудай үүр болон, хэтэ мүнхэдөө зэлүүд хооһон газар болохо. Хэншье тэндэ ажаһуухагүй. Энэ болбол Би, Эзэн, айладхана мүн!

Ерэмияа 50:3

Вавилоон руу добтолжо, зэлүүд хооһон болгохо зорилготойгоор хойто зүгһөө арад түмэн ерэжэ байна. Зон болон ан амитад тэрьедэжэ, хэншье тэндэ ажаһуухагүй.

Ерэмияа 51:37

Вавилоон һандархай шулуунуудай, сүүбэн шононуудай орон нютаг, угаа үзэмжэгүй муухай болохо, хэншье тэндэ байхагүй, эдэ бүгэдые харагша хэн нэгэн ехэ һүрдэхэ.

Ерэмияа 8:22

Галаадта эм дом байгаал ааб даа. Тэндэ эмшэн байгаал бэзэ. Теэд юундэ минии арад түмэн эдэгэхэгүй байгаа гээшэб?!

Гашуудал 1:4

Сионой харгынууд шаналан байна: һайндэртэ ошохо хүн байхагүй. Иерусалимай бартаанууд хооһон, санаартадынь ёолоно, басагадынь зобон уйдана, Сион өөрөөшье зобоно.

Гашуудал 2:2

Эзэн Яковай гэр байрануудые хайра гамгүй хюдаа, уур хилэн дундаа Иудын бүхэлэлтэнүүдые усадхаа, хааниие болон түшэмэлнүүдые бузарлаа, газар руу шэдээ.

Гашуудал 3:47

Һүрдэмэ аймшаг болон нүхэн, үгытэлгэ болон һандарал – манай хуби.

Левит 26:32

Танай газар хооһолхоб. Танай байһан газарта зөөжэ ерэһэн дайсадайтнай сошотор хооһолхоб.

Михей 1:6

Эзэн иигэжэ айладхаа: «Энээнэйнь түлөө Би Самариие задагай хээрэ газарта обоолоотой һандархай шулуун, уһан үзэм һуулгаха газар болгохоб. Нюруу газар руу шулууень адхахаб, һуурииень эли гаргахаб.

Михей 3:12

Тиимэһээ таанадһаа боложо, Сион таряалангай талмай мэтэ хахалагдаха, Иерусалим обоолоотой һандархай шулуун болохо, Һүмын мүнөө байгааша газар ой модоной ургадаг гүбээ болохо!

Михей 6:16

Омрии хаанай болон Ахаабай бүлынхидэй үйлэ жэшээ даган, зүблэлөөрнь ябанаш, тиимэһээ Би шамда гай һандарал ушаруулжа, ажаһуугшадыеш шоодбори болгохоб. Арад түмэнэйм жэгшүүритэй эшхэбтэр байдал таанад дээрэл бууха».

Хуули дабталга 29:23

«Бүхы газар хүхэр ба дабһан, гал дүлэн. Үрэһэ хүрэнгэ тарихын, юумэ ургуулхын аргагүй. Содом, Гоморро, Адмаа, Цэбоһиим хотонуудые уур сухал дундаа Эзэнэй хюдаһанай һүүлээр мэтэ ямаршье ногоон тэрээн дээрэ урганагүйл».

Гэршэлгэ 18:2

Тэрэ Эльгээмэл бардаастай шангаар иигэжэ хашхарба: – Агуу ниислэл Вавилоон һалаа, һалаа! Энэ ниислэл ада шүдхэрнүүдэй шэбээлдэг газар, элдэб эсын боохолдойнуудай обооролдодог үүр, элдэб эсын бузар шубуудай суглардаг үүр, элдэб эсын бузар булай, жэрхэштэй муухай арьяатадай шэбээлдэг газар болошоо.