Ерэмияа 8:5 - Библи

⁵ Юундэ таанад, Иерусалимай улад зон, Намһаа буруу хараһан харгыгаараа саашаал дугташажа байнабта? Таанад шүтөөнүүдөө орхихо дурагүй, Намда бусахаяа арсанат.

Ерэмияа 8:5 Referencias Cruzadas

Һургаал 4:13

Эсэгын һургаалые алдангүй һанажа яба. Эсэгын һургаал хүбүүнэйнь амин гол мүн.

Исай 1:20

Харин Минии урдаһаа эсэргүүсэн бодобол, таанад һэлмээр сабшагдан хосорхот». Эзэнэй аман иигэжэ айладхана.

Исай 30:10

Тэдэ үзэлшэдтэ «үзэл бү үзэгты» гэнэ, мэдэлшэдтэ «мүн болохо юумэ бидэндэ бү харуулагты, бидэнэй дуулахаяа һанаһан юумэ хэлэгты, аятай юумэ мэргэлэгты.

Исай 44:20

Иимэ хүн тооһо намнааша мэтэ, удхагүй юумэндэ толгойгоо тэрэ төөреэ. Тэрэ ами наһаяа абаржа шадахагүй, «баруун гартам гансал худал хуурмаг!» гэжэ мэдэрэн хэлэжэ шадахагүй байна.

Ерэмияа 14:7

Арад зомни Намда хандан ори дуун болоно: «Гэм зэмымнай урдамнай байгаашье хадань, Эзэн, нэрээ хаража, найдуулһанайнгаа ёһоор бидэндэ туһалыт. Бидэ Танда оло дахин урбаабди, урдаһаатнай нүгэл үйлэдөөбди.

Ерэмияа 2:32

Залуу үхин гоёолто шэмэглэлээ, хадамлуулагдажа байгаа басаган гоёолой хубсаһаяа мартажа байха юм гү? Харин Минии улад зон Намайе тоолохын аргагүй оло дахин мартадаг байгаа.

Ерэмияа 3:5

Хододоо намда уурлажа, хэтэдээ энээниие досоогоо хадагалан байха юм аалта?» – гэнэш. Иигэжэ хэлээшье хадаа шадахысаа муу юумэ үйлэдэһөөр лэ байнаш.

Ерэмияа 5:27

Шубуудаар дүүрэн тор мэтэ тэдэнэй гэр мэхэ гохоор дүүрэн. Тиимэл ушарһаа тэдэ хүсэтэй, баян болоо.

Ерэмияа 5:3

Оо, Эзэн! Зоной Танда үнэн сэхэ байхые хүсэнэт. Танай тэдэниие сохиходо, тэдэ һэншье гэнэгүй. Танай тэдэниие хэһээхэдэ, тэдэ һургаал абахаяа татагалзана. Тэдэ үсэрхэжэ, нүгэлөө мэдэрхэһээ арсана.

Ерэмияа 5:6

Тиимэ ушарһаа ойн арсалан тэдэниие алажа, сүл губиин шоно тэдэниие хюдаха, ирбэс хотонуудайнь хажууда амадан байха, хотонуудһаа гараһан хүн бүхэн таһа татуулха. Юуб гэбэл, тэдэнэй нүгэл ехэ, Бурханһаа буруу хараха ушарынь олошороо.

Ерэмияа 6:17

Би Эзэн бүреэгэйнь дохёо шагнахынтнай тула лүндэншэдые харуулшадаар таанад дээрэ табяаб. Гэбэшье таанад «Бидэ шагнахагүйбди» гээ һэнта.

Ерэмияа 6:19

Газар дэлхэй, соносо! Мүнөө Би энэ арадай түсэблэһэн гай тодхорые өөһэдэйнь толгой дээрэ буулгахам. Юуб гэхэдэ, тэдэ Минии үгэ дуулабагүй, Минии заабари тообогүй.

Ерэмияа 9:6

Харата һанаанай оршон соо ажаһуунат. Өөһэдөөшье угаа харатайт. Арад түмэнэйнь Өөрыень буруушааһан тухай Эзэн айладхаа.

Даниил 9:11

Израилиин хүн бүхэн Танай хуули ёһо дэбһэжэ, үгыетнай дуулангүй буруу хараа, тиимэһээл Бурханай үнэн зараса Моисейн хуули ёһо соо бэшээтэй тэрэ хараал шэрээл, муухай ёро манай толгой дээрэ буугаал. Бурханай урда иимэ ехэ нүгэлтэй гээшэлди.

Һошээ 11:5

Намда бусахын орондо тэдэ Египедтэ этигэнэ, тиимэһээ мүнөө Ассири тэдэниие хааншалан байха.

Һошээ 11:7

Тэдэ Намһаа буруу хараһан зандаа. Тэдэ шангабди гээд һанана, теэд энэнь туһагүй.

Һошээ 13:2

Мүнөө тэдэ нүгэлөө бүри олошоруулба: дархашуулай гараар өөһэдын тухайлһанай ёһоор мүнгэн онгонуудые урлуулба. Тиигээд тэдэ эдэ онгонуудта тахил үргэгты гэжэ хэлэнэ.

Һошээ 4:16

Израилиин улад үсэд үнеэндэл адли болоо. Уужам бэлшээри дээрэ номхон хурьгадые харюулһандал адляар Би тэдэниие харууһалжа, адуулжа байха аалби?!

Захарияа 7:11

Гэбэшье тэдэ Эзэнэй үгэдэ анхарангүй, шэхээ бүтүүлээд байгаа бэлэй.

Иоанн 5:40

Тиибэшье Намда ерэжэ, мүнхын амидаралда хүртэхэ дурагүй байналта.

Фессалоникиинхидтэ 1-дэхи 5:21

Бүхы юумые шалгажа үзөөд, һайнииень баримталжа ябагты.

Еврейнүүдтэ 12:25

Эзэнэй айладахадань, шагнахагүйбди гэжэ бү арсаарайгты. Тэрэнэй газар дэлхэй дээрэ айладахадань, шагнангүй Өөрыень буруушааһан хүнүүд хэһээлтэһээ мултараагүй. Харин тэнгэриһээ айладахадань, арсабал, хэһээлтэһээ бүришье мултархагүйбди.

Гэршэлгэ 2:25

Теэд мүнөө таанадта бии байһан юумэеэ Минии ерэтэр баряад байгты.