Ерэмияа 8:22 - Библи

²² Галаадта эм дом байгаал ааб даа. Тэндэ эмшэн байгаал бэзэ. Теэд юундэ минии арад түмэн эдэгэхэгүй байгаа гээшэб?!

Ерэмияа 8:22 Referencias Cruzadas

Эхин 37:25

Тиигээд Рэүбээнэй үгы байха үедэ Яковай бусад хүбүүд эдеэ хоол барихаяа һуун байтараа холоһоо ерэжэ ябаһан тэмээн хамбы хараба. Энэ хадаа ишмаһээл обогой наймаашад Галаад хотоһоо Египет руу анхилма һайхан үнэртэй гүгэл болон бусад угаа үнэтэй ашаа аралжаа наймаа эрхилхэеэ абаашажа ябаба.

Эхин 43:11

– Зай, яахаб, – гэбэ Израиль. – Тиигээ һаа, иимэ юумэ хэгты: энэ газар дайдын хамагай һайн бэлэг бэлдээд, тэрэ хүндөө абаашагты. Бага-багаар янза бүриин үнэ сэнтэй гүгэлнүүдые, зүгын бала, бүйлөөһэ, миндаль һамарһаашье абалсаад ошогты.

Ерэмияа 14:19

Эзэн, Та Иудын хан түрэһөө бүримүһэн татагалзаа юм гүт? Сионой зониие үзэн ядана гээшэ гүт? Та маанадые эдэгэшэгүйгөөр юундэ дайраба гээшэбта? Амар амгаланиие хүлеэһэмнай, ямаршье һайн юумэн болоогүй. Эдэгэхэ сагаа хүлеэһэмнай, аймшагтай юумэн тохёолдоол!

Ерэмияа 22:6

Иудын хаанай ордон хадаа Намда Галаадай газартал, Ливаанай орьёлдол гоё һайхан юм. Теэд Би тэрэниие хооһон, ханха зайдан, хэнэйшье ажаһуухагүй газар болгохоб.

Ерэмияа 46:11

Египедэй улад зон, Галаад руу ошогты, эм дом бэдэрэгты. Теэд дэмы бэдэрхэш, шамайе аргалха эм үгы.

Ерэмияа 51:8

Гэнтэ тэрэ унажа, тэһэ бутаршабал! Тэрээн тушаа гашуудан байгыт! Аргалхаяа эм дом абагты, эдэгэжэ болохо аалам.

Ерэмияа 6:7

Хабсагайда сабшан бүтээгдэһэн амһарта соо уһанай хододоо шэнэлэгдэн байдагтал, хото соо шэнэ муу муухай ябадал хододоо болон байна. Хүсэрхэл болон һандарал тухай мэдээнүүд тэндэһээ дуулдана. Минии хараха юумэн гэхэдэ, гансал үбшэн болон шарханууд.

Ерэмияа 9:1

Минии толгойн уһаар дүүрэн байгаа һаань, минии нюдэдэй нулимсын булаг болоо һаань, алагдаһан улад зонойнгоо хойноһоо үдэр, һүнигүй уйлаха һэм.

Ерэмияа 9:11

Эзэн айладхана: «Иерусалимые һандарһан шулуун обоо, сүүбэн шонын үүр болгохоб. Иудын хотонуудые ажаһуугшадгүй хооһон болгохоб».

Гашуудал 2:13

Иерусалим! Шамда юу гэжэ хэлэхэбиб, юунтэй жэшээлхэбиб? Сионой басаган, шамайе юунтэй сасуулха, яажа һатааруулхабиб? Гай зоболоншни тэнгис далайдал хизааргүй. Хэн шамайе аргалжа шадахаб?

Эзэкээл 27:17

Иудын хан түрэ болон Израиль эгээл эрхим шэниисэ Минниидһээ, бообо, зүгын бала, оливын тоһо, эдеэ буйлуулдаг, үнэр оруулдаг зүйлнүүдые шинии эд бараагай түлөө түлбэри болгон үгэдэг байгаа.

Тоололго 32:1

Рэүбээнэй болон Гаадай обогуудай үхэр мал үй түмэн боложо, үхэр мал үдхэн барихада Язээрэй болон Галаадай газар дайданууд һайн гэжэ тэдэнэр хараба.

Лука 8:43

Нэгэ эхэнэр арбан хоёр жэлдэ шуһа гоожоод тогтодоггүй ушарһаа ехээр зобожо байгаа. Эмшэдтэ аргалуулжа, хамаг зөөри зөөшэеэ бараашье һаа, тэрэ эдэгээгүй ябаа.