Ерэмияа 8:17 - Библи

¹⁷ «Үзөөрэйгты, Би таанадай урдаһаа могойнуудые, ямаршье шэбшэлгээр шэбшэгдэхэгүй хорото могойнуудые эльгээхэм. Тэдэ таанадые хадхаха», – гэжэ Эзэн тунхаглажа байна.

Ерэмияа 8:17 Referencias Cruzadas

Псалманууд 58:6

Түмэн Сэрэгтэ Эзэн Бурхан, Израилиин Бурхан, бүхы үндэһэтэнүүдые шиидхэхээр бодыт! Гэм буруутай зоной нэгыньшье бү хайрлыт! [Хүгжэм]

Экклезиаст 10:11

Могойн хоро бууруулха арга биишье һаа, үрдижэ хазабалнь, бүхы шадабари хэрэггүй болохо жэшээтэй. Ямаршье хурдан хэлэтэ туһалхагүй.

Исай 14:29

Пилишт орон нютагай улад зон, таанадые сохижо байһан ташуур хухараа гэжэ бү баярлагты. Юуб гэхэдэ, нэгэ могойн үхэхэдэ, үшөө ехэ хорото могой орондонь ерэдэг гээшэл. Тэрэнэй үндэгэнһөө ниидэдэг гал могой гарахал.

Амоос 5:19

Хүнэй арсаланһаа зугадан гүйжэ байхада урдаһаань баабгай дайралдаһандал, гэр руу гүйжэ ороод, ханада гараараа хүрэхэдэнь, могой тэрэниие хадхаһандал,

Амоос 9:3

Кармээл уулын орой дээр хороошье һаань, оложо, тэдэниие барихаб. Далайн оёорто Намһаа хоргодоошье һаань, могой эльгэжэ хадхуулхаб.

Тоололго 21:6

Эзэн тэдээн руу хорото могойнуудые эльгээбэ. Могойнуудта хадхуулжа, олон израильшууд үхэбэ.

Хуули дабталга 32:24

Тиихэдэ тэдэнэр гэдэһээ үлдэн, мүн үбшэ хабшанһаа гээгдэхэ. Би урдаһаань зэрлиг арьяатанай шүдэ, могойн хоро эльгэхэб.

Гэршэлгэ 9:19

Юундэб гэбэл, моридойнь хүсэ шадал тэдэнэй амандань, һүүлнүүдтэнь байгаа. Тэдэнэй һүүлнүүдынь тархи толгойнуудтай могойнуудай түхэлтэй, тиимэ һүүлнүүдээрээ хүн зониие хорложо алана.