Ерэмияа 7:30 - Библи

³⁰ Иудын улад зон Минии хараһаар байтар муу муухай юумэ үйлэдөө. Минии нэрээр нэрлэгдэдэг үргөө соо тэдэ өөһэдынгөө шүтөөнүүдые табиба. Тиигээд тэрэ үргөө бузарлагдаа.

Ерэмияа 7:30 Referencias Cruzadas

4 Хаан түрэнүүд 21:3

Хэзэкияа эсэгынгээ һандаргаһан мүргэлэй обоонуудые дахин һэргээн бодхообо, Баалда зорюулһан үргэлэй шэрээнүүдые барюулба, Израилиин хаан Ахаабые һажаажа Ашэраагай модон сэргэнүүдые бүтээлгэбэ, тэнгэриин наран, һара болон одо мүшэдтэ мүргэдэг, тэдээндэ алба хэдэг болобо.

4 Хаан түрэнүүд 21:4

Иерусалимда Минии нэрэ алдар оршохо гэжэ Эзэнэй айладхаһан Һүмэ соо тэрэ үргэлэй шэрээнүүдые байгуулба.

4 Хаан түрэнүүд 21:7

Израилиин уг изагуурай эзэмшэдэг бүхы хото тосхонуудай дундаһаа шэлэн абаһан энэ Иерусалим хотодо, энэ Һүмэ соо Минии нэрэ алдар хэтэ мүнхэдөө алдаршан байха гэжэ Эзэнэй Давидта, Соломоон хүбүүндэнь айладхаһан эгээл тэрэ Һүмэ соо Мэнашшээ һиилэмэл хэмэл Ашэраагай дүрсэ табиба.

4 Хаан түрэнүүд 23:12

Тиигээд тэрэ Иудын хаашуулай, Ахаазай амардаг гэрэй дээдэ дабхарай оройдо бодхооһон үргэлэй шэрээнүүдые һандаргаба. Мэнашшээ тахилай тэдэ шэрээнүүдые Эзэнэй һүмын хоёр хашаа хорёо соо бүтээлгэһэн байгаа. Тэрэ тэдэниие һандарган буталжа, бутархайнуудыень тооһо шоройтойгоор хамаад, тэдэнииень Кидрооной хүндыдэ хаюулба.

2 Угай бэшэг 33:15

Хариин бурхадые болон онгониие Эзэнэй Һүмэ сооһоо тэрэ гаргаба, Эзэнэй Һүмын оршодог хада дээрэ болон Иерусалим соо түхеэрэгдэнхэй үргэлэй шэрээнүүдые хото соо тэрэ үгы болгобо.

2 Угай бэшэг 33:3

Хэзэкияа эсэгынгээ һандаргаһан мүргэлэй обоонуудые дахин һэргээн бодхообо, Баалда зорюулһан үргэлэй шэрээнүүдые барюулба, Ашэраагай модон сэргэнүүдые бүтээлгэбэ, тэнгэриин наран, һара болон одо мүшэдтэ мүргэдэг, тэдээндэ алба хэдэг болобо.

2 Угай бэшэг 33:7

«Минии захин заабарилһан, Моисейн дамжуулһан бүхы хуули ёһо, гурим, тогтоолнуудые тэдэнэй сахижа байбал, үбгэ эсэгэнэртэнь үгэһэн энэ орон нютагһаа холуур хариин газарта зайгуултажа байхыень израильшуудые дахин хэзээдэшье баалан хашахагүйб. Израилиин уг изагуурай эзэмшэдэг бүхы хото тосхонуудай дундаһаа шэлэн абаһан энэ Иерусалим хотодо, энэ Һүмэ соо Минии нэрэ алдар хэтэ мүнхэдөө алдаршан байха» гэжэ Эзэнэй Давидта, Соломоон хүбүүндэнь айладхаһан Бурханай һүмэ соо Мэнашшээ һиилэмэл хэмэл дүрсэ табиба.

Исай 66:4

Тиимэһээ Би тэдээндэ гай тодхор татахаб, айдаг юумыень өөһэд дээрэнь асархаб. Юундэб гэхэдэ, Минии дуудахада, хэншье харюусаагүй. Минии айладхахада, хэншье соносоогүй. Тэдэ Минии урда муу юумэ хэжэ, Намда таагүй юумэ шэлээ».

Ерэмияа 16:18

Минии газар нютагые бузарлаһанайнь түлөө Би эгээл түрүүн тэдэнэй гэм зэмэ, нүгэлые дабхар түлүүлхэб! Һэе хүүр мэтэ амигүй, жэгшүүрилтэ шүтөөнүүдээрээ, худал хуурмаг бурхадаараа тэдэ газарыем дүүргээ.

Ерэмияа 23:11

Эзэн айладхана: Худал хуурмаг лүндэншэд, санаартад һүзэггүй. Өөрын үргөөдэшье Би тэдэнэй хорон муу үйлэ хэрэгүүдые харааб.

Ерэмияа 32:34

Намда мүргэдэг байхаар баригдаһан Һүмэ соо тэдэ жэгшүүритэй муухай шүтөөнүүдөө хэжэ, бузарлаа.

Ерэмияа 32:35

Тэдэ хүбүүд, басагадаа Моолохто үргэн шатаахын тула Бэн-Һинноомой хүндыдэ Баалда зорюулан, үргэлэй газарнуудые байгуулаа. Энээниие үйлэдэхэ тухай Би тэдээндэ захираа бэшэб, иимэ юумэ хэхэ, Иудын хан түрын бүхы зониие нүгэлтэй болгохо гэжэ һанаандамнишье орохогүй байгаа.

Эзэкээл 7:20

Тэдэ алта, мүнгөөрөө ехэ омогорходог, бардамладаг бэлэй. Жэгшүүрилтэ онгонуудые тэрээгээр бүтээгээ. Тиимэһээ Эзэн баялигыень өөһэдтэнь таарамжагүй жэгшүүрилтэ муухай болгобо.

Эзэкээл 8:3

Тэрэ гарай дүрсэ мэтэ юумэеэ һарбайгаад, намайе үһэнһөөм абаба. Тиигээд Бурханай Һүлдэ намайе агаарта үргэжэ, Иерусалим руу абаашаба. Нангин үргөөгэй дотор хашаагай хойто бартаануудай хажууда табяатай Бурханда харша онгоной байгааша газар руу Тэрэ намайе асарба.

Даниил 11:31

нангин үргөө руу сэрэг ябуулха. Тиихэдэнь тэрэ сэрэг нангин үргөөе бузарлаха, үдэр бүриин үргэл болюулха, хооһон болгохо.

Даниил 9:27

Тэрэ олонтой нэгэ долоон хоногой туршада хэлсээ баталха. Удаань хахад долоон хоногой һүүлээр мяхан болон талхан үргэл болюулха. Һандаргаашын эсэс болотор жэгшүүритэ муухай һандарал, хооһорол үргэлжэлхэ. Тэрэнэй эсэсынь урид тодорхойлогдоһон бэлэй.