Ерэмияа 7:29 - Библи

²⁹ Иерусалимай улад зон, үһэеэ тайража хаяад, нюсэгэн добо толгой дээрэ гашуудан уйлагты. Юуб гэхэдэ, Би, Эзэн, энэ үе удамда уурлан хилэнтэжэ, голожо, орхибоб.

Ерэмияа 7:29 Referencias Cruzadas

4 Хаан түрэнүүд 17:20

Эзэн Израилиин бүхы зониие зэбүүрхэлтэйгээр буруушаажа, тэдэниие доромжолон, Өөрһөө холо болгожо, тонуул ба дээрмэдэлгэндэ үгэбэ.

Иоов 1:20

Тиихэдэнь Иоов бодожо, гадар хубсаһаяа таһар татажа, толгойнгоо үһэ хайшалуулаад, газарта үбдэглэн мүргэжэ, Эзэндэ хэлэбэ:

Исай 22:12

Түмэн Сэрэгтэ Эзэн Бурханай та бүгэдые таар нэмэрэн, үһэеэ хюһан, гашуудан уйлахые дуудаһаншье һаань,

Ерэмияа 12:7

Би Израилиие орхижо, Өөрынгөө арад түмэниие хаяаб. Дуратай арад зоноо дайсадайнь мэдэлдэ үгөөб.

Ерэмияа 14:19

Эзэн, Та Иудын хан түрэһөө бүримүһэн татагалзаа юм гүт? Сионой зониие үзэн ядана гээшэ гүт? Та маанадые эдэгэшэгүйгөөр юундэ дайраба гээшэбта? Амар амгаланиие хүлеэһэмнай, ямаршье һайн юумэн болоогүй. Эдэгэхэ сагаа хүлеэһэмнай, аймшагтай юумэн тохёолдоол!

Ерэмияа 16:6

Баян бардамшье, үгытэй ядуу зоншье энэ орон нютагта наһа бараха. Тэдэ хүдөөлүүлэгдэхэгүй, хойноһоонь хэншье уйлан гашуудахагүй. Уйдан зобожо байһанаа гэршэлжэ хэншье бэеэ отолжо, толгойн үһэеэ хюһажа байхагүй.

Ерэмияа 3:2

Хадын нюсэгэн оройнууд руу харыш. Шинии һальхай ябадал гаргаагүй газар бии юм аал? Элһэн сүл губида амадажа байһан Арааб шэнги ши харгы замай хажуугаар янхан амарагуудаа хүлеэн һуужа, энэ газарые янхан ябадалаараа бузарлааш.

Ерэмияа 3:21

Хадын нюсэгэн оройнууд дээрэһээ абяан дуулдана: энэ хадаа Израилиин улад зоной гуйха болон уйлахань соностоно. Ушарынь гэбэл, тэдэ нүгэл хэжэ, Эзэниие, өөрынгөө Бурханиие, мартаа.

Ерэмияа 47:5

Гааза гэгшэдэ ехэ гай гашуудал буужа ерээ, Ашхэлооной зон һалаба, Пилишт орон нютагай бусад зон хэр удаан гашуудан байхаб?

Ерэмияа 48:37

Тэдэ бултадаа толгойгоо хюһанхай, һахалаа абанхай. Гашуудан-зобон, гараа элдэбээр отолоо, хүн бүхэниинь таар үмдэнхэй.

Ерэмияа 6:30

Тэдэниие голосооной, хаясаанай зүйл гээд нэрлэхэ. Юуб гэхэдэ, Би, Эзэн, тэдэниие голооб, – гэжэ айладхал буулгаба.

Ерэмияа 9:10

Уула тухай уйлажа, ори дуун болохоб. Үргэн талын бэлшээринүүд тухай гашуудан бархирхаб. Тэдэ зэлүүд хооһон болоо, тэрээгүүр хэншье гарахагүй. Үхэр һүрэгэй мөөрэхэнь дуулданагүй, огторгойн шубууд, бүхы ан арьяатан зугадан тэрьедээ.

Ерэмияа 9:16

Би тэдэниие өөһэдыньшье, үбгэ эсэгэнэрэйньшье мэдээгүй үндэһэ яһатанай дунда тараахаб. Тэдэниие дууһан хюдатараа хойноһоонь сэрэг ябуулжал байхаб.

Гашуудал 5:22

Али Та маанадһаа эсэслэн татагалзажа, маанадта хэмгүй ехээр уурлаа гээшэ гүт?!

Эзэкээл 19:1

Эзэн намда иигэжэ айладхаа:

Эзэкээл 28:12

– Хүнэй үри Эзэкээл, Тиир хотын хаанда гашуудалта дуу дуулажа, Минии, Эзэн Бурханай, иимэ айладхал тэрээндэ дуулга: хэзээ нэгэтэ ши дүрбэн тэгшэ түгэс, сэсэн мэргэн ухаатай, гоё һайхан байгаа бэлэйш.

Амоос 5:1

Эдэ үгэнүүдые шагныта! Израильшууд, хүдөөлүүлгын дуу таанад дээрэ дуулан байнаб.

Михей 1:16

Иудын улад зон, баяр баясхалантнай болохо хүбүүд тухайгаа гашуудан үһөө тайрагты, хөөбэрлэжэ байгаа бүргэд мэтэ халзан өөһэдыгөө болгогты, юуб гэбэл, хүүгэдтнай таанадһаа таһаран, сүлэлгэ руу туугдаха.

Матвей 12:39

Тиихэдэнь Иисүүс тэдэндэ харюусаба: – Харата муухай, забхай оршон үеын зон, гайхамшагта дүлгэ тэмдэг харахаяа һанаба гүт? Теэд Иона лүндэншэтэй ушарһан гайхамшагта дүлгэ тэмдэгһээ ондоо дүлгэ тэмдэг таанадта үгтэхэгүй.

Матвей 16:4

Харата муухай, забхай оршон үеын зон, гайхамшагта дүлгэ тэмдэг харахаяа һанаба гүт? Теэд Иона лүндэншэтэй ушарһан гайхамшагта дүлгэ тэмдэгһээ ондоо дүлгэ тэмдэг таанадта үгтэхэгүй. Тиигээд Иисүүс тэдэнһээ холодобо.

Матвей 23:36

Эдэ бүхы алагдаһан хүнүүдэй түлөө хэһээлтэ энэ үе сагай хүнүүд дээрэ бууха гэжэ таанарта үнэниие хэлэнэб.

Матвей 3:7

Уһанда арюудхуулхаяа олон фарисейнүүдэй, саддукейнэрэй ерэжэ ябахые хараад, Иоанн тэдээндэ иигэжэ хэлэбэ: – Хорото могойн таһардаһад! Бурханай буулгаха хэһээлтэһээ иигээд хулжахыетнай таанарта хэн заагааб?

Хэрэгүүд 2:40

Мүн ондоошье олон үгэнүүдээр Пётр тэдэниие һэргылэн идхаба: – Энэ забхай ябадалтан дээрэ бууха Бурханай хэһээлтэһээ яажа бэеэ абархаяа бодогты.

Хуули дабталга 32:5

Тэрэнэй арад зон гэжэ нэрлүүлхэ һэшхэлтнай хаанаб? Нүгэл шэбэлтнай угаа ехэ, таанад – мэхэшэд ба хара худалшад гээшэт!