Ерэмияа 7:20 - Библи

²⁰ Тиимэһээ Би, Эзэн Бурхан, Өөрынгөө бушаганама уур хилэнгые үргөөгэй оршодог энэ газар дээрэ, хүн ба адагуусан дээрэ, талын модод ба газарай үрэ жэмэс дээрэ буулгахам. Гал дүлэн носожо, хэншье тэрэниие унтараажа шадахагүй.

Ерэмияа 7:20 Referencias Cruzadas

4 Хаан түрэнүүд 22:17

Юундэб гэхэдэ, тэдэ Намайе орхижо, ондоо бурхадта уталгануудые ууюулдаг байгаа. Иигэжэ тэдэнэй хэһэн хэрэгүүд Минии сухал хүргэбэ. Энэ газарта Минии уур хилэн бушаганажа, унтархагүй».

Исай 10:17

Израилиин Гэрэл Бурхан гал дүлэн болохо. Израилиин арюун Бурхан гал дүлэн боложо, нэгэ үдэр тэдэниие – үүргэнэ, халаахайе шатааха!

Исай 42:25

Тиимэһээ Тэрэ Өөрын уур хилэнгэй шангые, хатуу дайе маанад дээрэ тохоо. Израиль дотор хаа-хаанагүй уур хилэнгэйнь түймэр мэтэ бушаганаашье хадань, бидэ ойлгоогүйбди, мэдэрээгүйбди».

Исай 66:24

Гэртээ харихаяа гаража байхадаа тэдэ Минии урдаһаа эсэргүүсэһэн зоной хүүрнүүдые хараха. Тэдэниие эдигшэ хорхойнууд хэзээдэшье үхэхэгүй, тэдэниие шатаагша гал дүлэн хэзээдэшье унтархагүй. Бүхы зон жэрхэн, эдээниие харан байха».

Ерэмияа 11:16

Үзэсхэлэн һайхан, жэмэстэй, ногооржо байһан чидун модон гэжэ Би шамайе нэрлээ һэм. Харин мүнөө ехэ аадарай дуу-шуугаар Би шам руу гал эльгээн носообоб. Тиигээд мүшэрнүүдшни шатан һалаба.

Ерэмияа 12:4

Газар нютагнай хэды болотор уйдхар гашуудалда абтажа, хүдөө талын ургаса ногоон хатажа-гандажа байха юм? «Бидэнтэй юун болохые Бурхан мэдэнэгүй» гэжэ зон хэлсэнэ. Муу муухай эдэ зонһоо боложо, амитад болон шубууд хосорно.

Ерэмияа 14:16

Тэдэнэй буулгаһан абарал шагнаһан улад зон туража үхэхэ, байлдаануудта алуулха, тиигээд Иерусалимай үйлсэнүүдээр хаяатай хэбтэхэ. Тэдэниие, һамгадыень, үхи хүүгэдыень хүдөөлүүлхэ хэншье байхагүй. Хорон мууень өөһэдтэнь лэ буулгахаб! – гэбэ.

Ерэмияа 17:27

Харин Минии үгэ дуулангүй, амаралтын үдэр нангинаар сахингүй, ашаа үргэн, амаралтын үдэр Иерусалимай бартаануудаар гаража байбалтнай, Би тэдэ бартаануудые галда шатаахаб! Гал дүлэн Иерусалимай ордонгуудые дууһан залгиха, хэншье тэрэниие унтаргаажа шадахагүй!

Ерэмияа 17:4

Минии үршөөһэн газар нютагые таанад өөрынгөө мууһаа боложо гээхэт. Мэдэхэ-танихагүй нютагтатнай Би таанадые дайсадтатнай богоол болгон үгэхэб. Юуб гэхэдэ, таанад Намайе угаа сухалдуулаат, уур хилэмни гал мэтэ бушаганаа, хэтэ мүнхэдөө тэрэ носохол!

Ерэмияа 18:23

Теэд Та, Эзэн, намайе алахаяа һанаһыень мэдэнэт. Гэм бурууень бү хүлисыт, нүгэлыень бү мартыт. Тэдэ Танай урда хүмэрин унаха болтогой. Уурлан хилэнтэһэн сагтаа тэдээнтэй юушье хэхэ – Танай дуран.

Ерэмияа 42:18

Израилиин Түмэн Сэрэгтэ Эзэн Бурхан иигэжэ айладхана: «Иерусалимай улад зондо Минии уур хилэнгэй адхарһандал адляар таанад дээрэ, Египет ошоо һаатнай, тиимэ Минии уур сухал таанад дээрэ адхарха. Та бүгэдэ үзэмжэгүй муухай юумэн ябахат, зон таанадые наада барижа, нэрыетнай хараалай орондо хэлэдэг болохо. Таанад энэ орон нютагаа бэшэ харахагүйт».

Ерэмияа 44:6

Тиимэһээ Би Иудын хан түрын хотонуудта болон Иерусалимай үйлсэнүүдтэ уур хилэнгээ адхажа, тэдэниие шатаагааб. Тэдэ һандарал болон эзэгүй хооһон болоо, мүнөөшье болотор тиимэ байһаар.

Ерэмияа 6:11

Эзэмни, тэдэнэй урдаһаа Танай уур хилэнгээр би мүн лэ халинхайб, досоогоо энээниие багтаажа ядажа байнаб». Тиихэдэм Эзэн намда иигэжэ хэлээ: – Уур хилэнгыем үйлсэдэхи үхибүүд болон сугларһан залуушуул дээрэ адха. Үбгэд, һамгад баряанда абтаха, үндэр наһатай үбгэдшье баряанда туугдан абтахал.

Ерэмияа 6:12

Тэдэнэй гэрнүүд, таряалангууд болон һамгадынь ондоо зондо үгтэхэ. Юуб гэхэдэ, Би энэ орон нютагай ажаһуугшадые хэһээхэ һанаатайб.

Ерэмияа 8:13

Тэдэнэй ургасые үгы хэхэб. Үзэм жэмэсэй эшэ дээрэ нэгэшье үзэм үлэхэгүй, инжирэй модон дээрэ инжир бултадаа үгы болохо, набша хагдарха. Минии тэдэндэ үгэһэн газар нютагшье тэдэнэй бэшэ болохо.

Гашуудал 4:11

Эзэн уур сухалаар дүүрэжэ, уур сухалаа адхаба, Сиондо гал түймэр носообо, дууһан шатааба!

Эзэкээл 22:22

Зууха соо мүнгэнэй хайладагтал, тэдэ хайлажа, Минии, Эзэнэй, уур хилэн дундаа өөһэдыень хэһээһые ойлгохо.

Эзэкээл 7:12

Тэрэ саг ерэхэнь! Худалдажа абааша, худалдаашашье дэмы оролдолго гаргана, юуб гэхэдэ, Бурханай уур хилэн хүн бүхэн дээрэ бууха.

Эзэкээл 7:14

Бүреэгэй абяан дуулдаха, хүн бүхэн бэеэ зэһэхэ. Харин хэншье дайн дажарта мордохогүй, юуб гэхэдэ, Бурханай уур хилэн хүн бүхэниие дайраха.

Даниил 9:11

Израилиин хүн бүхэн Танай хуули ёһо дэбһэжэ, үгыетнай дуулангүй буруу хараа, тиимэһээл Бурханай үнэн зараса Моисейн хуули ёһо соо бэшээтэй тэрэ хараал шэрээл, муухай ёро манай толгой дээрэ буугаал. Бурханай урда иимэ ехэ нүгэлтэй гээшэлди.

Левит 26:28

Би сухал дундаа танда эсэргүүсэн орохоб, нүгэлэйтнай түлөө таанадые долоо дахин хэһээхэб.

Наум 1:6

Тэрэнэй зэбүүрхэн байхада хэн амиды мэндэ байжа шадахаб? Шатан дүрэлзэжэ байгаа уурыень хэн тэсэхэб? Уур хилэнгынь гал мэтэ дэлгэржэ, хада ууланууд урдань нуран унанал.

Цэпаанияа 1:2

Эзэн иигэжэ айладаа: – Энэ хүрьһэтэ дэлхэй дээрэһээ бүхы юумэ дууһан усадхахаб.

Цэпаанияа 1:3

Улад зониие, мал, огторгойн жэгүүртэниие, далайн загаһадые усадхахаб. Газарай хүрьһэн дээрэһээ зониие үгы хэхэдэм, муу муухай зон бүдэрдэг зүйлнүүдтэеэ хамта һалаха. Энэ болбол Би, Эзэн, айладхаа мүн!

Захарияа 7:12

Тэдэ зүрхэ сэдьхэлээ шулуун хатуу болгоһон ушарһаа Түмэн Сэрэгтэ Эзэнэй Өөрын Һүлдөөр эртын эшэ үзүүлэгшэ лүндэншэдөөр дамжуулһан хуули заабари болон үгэнүүдые дуулаагүй. Тиихэдэнь Түмэн Сэрэгтэ Эзэнэй айхабтар ехэ уур хилэнсэг хүдэлбэ.

Малаахи 4:1

«Харагты, хэрэг шүүлгын үдэр ерэхэнь гээшэ, тэрэ халааһан зууха шэнги халуун байха. Омог бардам хүнүүд хуу хэһээгдэхэ, муу үйлэ хэгшэд һолоомон шэнги шатаха. Тэдэнһээ мүшэршье, үндэһэншье үлэхэгүй», – гэжэ Түмэн Сэрэгтэ Эзэн айладажа байна.

Матвей 3:12

Тэрэ таряагаа сэбэрлэхээр хүрзэеэ гартаа адхаад байна: таряагаа суглуулжа амбаартаа хадагалха, харин мэхиинэ һолоомыень залиршагүй галда шатааха.

Гэршэлгэ 14:10

Бурханай уур сухалай аягаһаа Тэрэнэй уур сухалай холисогүй сэбэр үзэмэй дараһан архи ууха, тэдэ хүнүүдые арюун нангин Эльгээмэлнүүдэй урда, Үргэлэй Хурьганай урда асараад, гал түймэр руу, хүхэрэй хүхэ дүлэн руу хаяжа, тамалан хэһээхэ.