Ерэмияа 7:19 - Библи

¹⁹ Теэд тэдэ Намайе гомдооно гү? Үгы! Тэдэ өөһэдыгөө бузарлан, өөһэдыгөө гомдохооно.

Ерэмияа 7:19 Referencias Cruzadas

Эзраа 9:7

Эсэгэнэрэйнгээ үеһөө мүнөө болотор гэмэ зэмэмнай таһарнагүй, хуули буса ябадалайнгаа түлөө бидэ, хаашуулнай, санаартаднай хари газарай хаашуулай гар доро, һэлмэ доронь орожо, туулгажа, тонуулжа, мүнөө болотор доромжолуулжа ябанабди.

Иоов 35:6

Энээндэл гэмтэ амидаралтнай Бурханда хүрэшэгүй холо. Тооложо барашагүй нүгэл хээшье һаа, Тэрэниие хохироожо шадахагүй.

Исай 1:20

Харин Минии урдаһаа эсэргүүсэн бодобол, таанад һэлмээр сабшагдан хосорхот». Эзэнэй аман иигэжэ айладхана.

Исай 1:24

Тиимэһээ Түмэн Сэрэгтэ Эзэн, Израилиин Хүсэтэ Бурхан, иигэжэ айладхана: «Одоо даа, эсэргүүшэдээ диилэхэб даа, дайсадһаа үһөөгөө абахаб даа.

Исай 45:16

Шүтөөнүүдые дархалагшад бултадаа эшхэбтэр байдалда орохо, бултадаа нэрээ хухалха.

Ерэмияа 15:9

Долоон хүбүү түрэһэн эхэ мэдээгээ алдан унашоо, арай-шамай амяа абана. Эрьехэ нарагүй, наадаха түрэгүй тэрэ болоо. Наадалмаар зүйл боложо, тэрэ баһуулагдаа. Амиды үлэһэн зонииетнай дайсадта алахыень үгэхэб. Энэ болбол Би, Эзэн, айладхана мүн!

Ерэмияа 2:17

Израиль, энээниие таанад өөһэдөө үүдхээт! Минии, Эзэн Бурханайтнай, таанадые дахуулан ябаха үедэ Намайе орхёот.

Ерэмияа 2:19

Таанадай бузар булай ябадал өөһэдыетнай хэһээхэ, Намһаа буруу хараһантнай өөһэдыетнай дайраха. Намайе, Эзэн Бурханаа, орхихо гээшэ, Намһаа түбэгшөөхэгүй, Намайе хүндэлхэгүй гээшэ таанадта гашуун һургаал болохол! Энээн тушаа мэдэжэ, ойлгожо байгты. Энэ болбол Би, Хүсэн Түгэлдэр Эзэн, Түмэн Сэрэгтэ Бурхан, айладхана мүн!

Ерэмияа 20:11

Теэд Та, Эзэмни, хүсэн түгэс баатартал, намтай хамта байнат. Тиимэһээ намайе мүрдэгшэд бүдэржэ, намайе диилэжэ шадахагүй, нэрээ хухарха, зориһоноо бэелүүлжэ шадахагүй. Нэрээ гутааһаниинь хэтэ мүнхэдөө мартагдахагүй!

Ерэмияа 22:22

Танай бүхы удамаршад һалхяар туугдан хамагдаха. Танай тала баримталагша нүхэдтнай баряанда абтаха. Бүхы муу муухай хэрэгүүдһээтнай боложо, хототнай баһуулан, доромжолуулагдаха.

Ерэмияа 25:7

Теэд Эзэнэй айладхаһаар, таанад Тэрэнэй үгэ дуулахаһаа арсаат. Өөһэдынгөө бүтээһэн шүтөөнүүдөөр Тэрэнэй уур сухал хүргөөт, өөһэдтөө гай тодхор татаат.

Ерэмияа 3:25

Эшхэбтэр муу байдалда орожо, доромжолуулан һалаха ёһотойбди. Бидэ болон элинсэг хулинсагнай саг үргэлжэ Эзэн Бурханайнгаа урдаһаа нүгэл үйлэдэжэ байгаабди, Тэрэнэй үгэ дуулаагүйбди.

Ерэмияа 44:3

Ямар ушар шалтагаанһааб гэхэдэ, тэдэ зон муу юумэ хээ – элинсэг хулинсагайнгаашье, өөһэдөөшье, үхи хүүгэдэйнгээшье мэдэхэгүй ондоо бурхадта үргэл үргэдэг байгаа.

Ерэмияа 8:19

Шагныт! Арад зоноймнай алас холын оронһоо: «Эзэн Сиондо бэшэ байхагүй гээшэ гү? Сионой Хаан тэндээ үгы юм гү?» гэжэ хашхархань дуулдана. Эзэн тэдээндэ иигэжэ харюусаа: «Шүтөөнүүдтэ мүргэжэ, аша туһагүй хариин бурхадта зальбаржа, таанад Минии уур сухал хүргөөт. Юундэ тиигээбта?»

Ерэмияа 9:19

Сионһоо ори дуун соностоно: «Аа, бидэнтэй сүйд болоо! Гутамшаг бузар юумэндэ орообди! Газар нютагаа орхихо баатай болообди, манай гэрнүүд һандаргагдаа».

Эзэкээл 16:26

Намайе сухалдуулхын тула ши Египет ороной ташаяангы хүршэнэртөө өөрыгөө дурадхан унтажа байгааш.

Коринфынхидтэ 1-дэхи 10:22

Али бидэ Эзэнэй уур сухал хүргэхэмнай гү? Өөһэдыгөө Тэрээнһээ хүсэтэйбди гэжэ тоолоно гүбди?

Хуули дабталга 32:16

Эгээлэ бурхадта тэдэнэр мүргэжэ, Эзэнэй уур хүдэлгөө. Жэгшүүрилтэ муухай юумэ тэдэнэр хэжэ, Тэрэниие сухалдуулаа.