Ерэмияа 7:13 - Библи

¹³ Би таанадта оло дахин хэлээ һэм, теэд таанад дуулаагүйт, Би таанадые дуудаа һэм, теэд харюусаагүйт. Мүнөө хадаа эдэ бүхы үйлэ хэрэгүүдэйтнай түлөө

Ерэмияа 7:13 Referencias Cruzadas

Һургаал 1:24

Минии дуудахада, таанар буруу хараат, гараа һарбайхадам, хэншье анхараагүй.

Исай 50:2

Минии абархаяа ерэхэдэ, арад түмэмни юундэ байгаагүйб? Минии дуудахада, юундэ хэншье харюусаагүйб? Иихэдээ Минии гарые богони, Намда абарха хүсэн үгы гэжэ тэдэ һанаба гү?! Хараад үзөөрэйгты, захирхадам, далай шэргэхэ, гол мүрэнүүдые сүл губи болгоходом, загаһад уһагүйһөө боложо хосорхол.

Исай 65:12

һэлмээр сабшагдан үхэхэ үхэл бэлдэнхэйб. Таанадые үбдэглүүлээд сабшаха! Минии дуудахада, харюусаагүйт, айладахадамни, дуулаагүйт. Таанад муу хэрэг үйлэдэн, Намда таарамжагүй юумэ шэлэһэн байнат.

Исай 66:4

Тиимэһээ Би тэдээндэ гай тодхор татахаб, айдаг юумыень өөһэд дээрэнь асархаб. Юундэб гэхэдэ, Минии дуудахада, хэншье харюусаагүй. Минии айладхахада, хэншье соносоогүй. Тэдэ Минии урда муу юумэ хэжэ, Намда таагүй юумэ шэлээ».

Ерэмияа 11:7

Египедэй орон нютагһаа гаргаһан тэрэ үдэрһөө хойшо мүнөө хүрэтэр Би таанадай үбгэ эсэгэнэрые Минии үгэ дуулаха тухайнь захиржа, һэргылжэ, оло дахин һануулаа һэм.

Ерэмияа 11:8

Гэбэшье тэдэ үгыем дуулабагүй, анхаралаа хандуулбагүй, хүн бүхэн үсэд, муу зантай байһан зандаал байгаа бэлэй. Хэлсээ сахин дүүргэжэ байха тухай тэдээндэ захяа һэм, теэд тэдэ дүүргэжэ байгаагүй. Ушар тиимэһээнь Би хэлсээн соо хэлэгдэһэн бүхы хэһээлтэнүүдые тэдээндэ шэглүүлээ һэм, – гэжэ айладхаба.

Ерэмияа 13:10

Энэ муу арад зон Минии үгэ дууланагүй. Тэдэ үсэд зантай, ондоо бурхадта шүтэн мүргэнэ, ондоо бурхадые хүндэлнэ, урдань һүгэдэн унана. Тиимэһээ тэдэ болбол энэ ямаршье хэрэггүй бүһэдэл адли болохо.

Ерэмияа 13:11

Хүнэй бэлхүүһэндэ бүһын няалдадаг шэнгеэр, Би Израилиин болон Иудын хан түрын улад зониие Өөртөө дүтэ няалдуулан байлгахаа һанаа һэм. Минии нэрые хүндэлхэ, магтаал, алдар соло түхөөхэ арад болгохоо һанаа һэм. Теэд тэдэ Минии үгэ дуулаагүй.

Ерэмияа 25:3

– Хорин гурбан жэлэй туршада Аммооной хүбүүн Ёшияагай арбан гурбадахи жэлээ Иудын хан түрые зонхилжо байхаһаань хойшо, мүнөөшье болотор Эзэн намда айладхал буулгажа байгаа. Би таанадта дахин-дахин хэлэжэл байгааб, теэд таанад анхараагүйт.

Ерэмияа 26:5

Минии танда ходо эльгээжэ байһан албатан лүндэншэдэй үгэнүүдые дуулаха ёһотойт. Теэд таанад тэдэнэй үгэ дууланагүйт.

Ерэмияа 29:19

Минии тэдээндэ Өөрын зарасанараа – лүндэншэдээ хэдэн дахин эльгээжэ байбашье, тэдэ Минии үгэ дуулахаяа арсаа.

Ерэмияа 32:33

Тэдэ Намһаа буруу хараа. Һургаал заабари айладхаашье һаам, тэдэ шагнаха, һураха дурагүй һэн.

Ерэмияа 35:14

Рэхаабай хүбүүн Ёнадаабай үри һадаһад үбгэ эсэгынгээ үгэ дуулажа, үзэмэй дараһан архи уунагүй. Минии таанадта хэлэхэдэ, та бүгэдэн үгыем дууланагүйт.

Ерэмияа 35:15

Мүн Би таанадта албатан лүндэншэдээ хэдэн дахин эльгээгээб, танай муу замаа орхижо, зүбөөр ажаһуудаг болохо тухай тэдэ хэлээ. Таанадта болон үбгэ эсэгэнэртэтнай үгэһэн газар дайдадам та бүгэдын саг үргэлжэ ажаһуухын тула ондоо бурхадта мүргэхэгүй, зальбархагүй тухай тэдэ таанадта хэлэн һэргылээ. Теэд таанад үгыень дуулаагүйт, Намайе анхараагүйт.

Ерэмияа 35:17

Тиимэһээ Би, Түмэн Сэрэгтэ Эзэн, Израилиин Бурхан, Иуда дээрэ, Иерусалим хотынхид дээрэ айладхаһан гай тодхороо буулгахам. Минии үгэ дуулаагүй, дуудахадамни, харюусаагүй байһанайтнай түлөө эдэ бүгэдые таанадта үйлэдэхэб.

Ерэмияа 44:23

Энэ гай тодхор танай гэм зэмэһээ болоо: таанад хариин бурхадта үргэл үргэжэ эхилээт, Эзэнэй үгэ дуулаагүйт, нүгэл урдань хээт.

Ерэмияа 44:4

Минии үзэн ядадаг иимэ жэгшүүритэй мухай юумэ хэхэһээ хоридог Өөрын албатан лүндэншэдые эльгээжэл таанадта байгааб.

Ерэмияа 5:21

Шагныта, тэнэг, ухаагүй зон! Таанад нюдэтэй байбашье, харадаггүйт, шэхэтэй байбашье, дууладаггүйт.

Ерэмияа 6:10

Би: «Хэндэ хэлэхэбиб, хэндэ заабарилхабиб, хэн намайе дуулахаб? Тэдэ үсэд, Танай захяа дуулахаяа арсана. Айладхаһан үгэнүүдыетнай дүүргэнэгүй.

Ерэмияа 7:25

Таанадай үбгэ эсэгэнэрэй Египедэй орон нютагһаа гараһан тэрэ үдэрһөө хойшо мүнөө хүрэтэр Би таанадта бүхы зарасанараа – лүндэншэдөө дахин-дахин эльгээжэл байгааб.

Һошээ 11:2

Теэд Минии дуудаха бүри тэрэ Намһаа буруу хаража байгаа. Минии арад түмэн Баалнуудта үргэл үргэжэ, онгонуудта уталга ууюулжа байгаа бэлэй.

Һошээ 11:7

Тэдэ Намһаа буруу хараһан зандаа. Тэдэ шангабди гээд һанана, теэд энэнь туһагүй.

Һошээ 9:17

Минии Бурхан тэдээнһээ буруу хараха, юуб гэхэдэ, тэдэ үгыень дуулаагүй. Тиигээд тэдэ ондоо арадуудай дунда тэнэжэ-түгэншэлжэ ябаха.

Захарияа 7:13

«Минии дуудахада, тэдэ дуулаагүй һэн. Тэрээн шэнги харюудань тэдэнэй дуудахада, Би дуулахагүйб.

Матвей 23:37

– Ай Иерусалим, Иерусалим, шинии хүнүүд лүндэншэдые аладаг, шамда эльгээһэн Бурханай мэдээсэгшэдые шулуудадаг! Даража дэгжээһэн дальбараануудаа дали дороо суглуулдаг шубуундал адляар шинии үри хүүгэдые суглуулха гэжэ Би хэды һэдээ зүдхөө гээшэбиб. Теэд ши Намайе зүбшөөгөөгүйш!