Ерэмияа 6:26 - Библи

²⁶ Эзэн: – Минии арад зон! Гашуудалай хубсаһа үмдэжэ, үнэһэн соо хүльбэрэгты. Ори ганса үхибүүгээ гээһэн мэтэ угаа гашуунаар уйлагты, юуб гэхэдэ, таанадые усадхахаяа ерэжэ байгаашад гэнтэ добтолон орохо.

Ерэмияа 6:26 Referencias Cruzadas

Эхин 21:16

харбаһан годлиин хүрэхэ зайда өөрөө ошожо һуугаад, «хүбүүнэйнгээ үхэхые хараха аргамгүй» гээд сурхирса уйлаба.

Иоов 15:21

Хуряажа суглуулһан зөөринь дээрмэшэнэй гарта гэнтэ ороно.

Иоов 2:8

Иоов бэеэ маажаха гэжэ хатуу шабарай хэлтэрхэй абаад, үнэһэн бурма соо һууба.

Исай 22:12

Түмэн Сэрэгтэ Эзэн Бурханай та бүгэдые таар нэмэрэн, үһэеэ хюһан, гашуудан уйлахые дуудаһаншье һаань,

Исай 22:4

Тиимэһээ намайе гансаарым орхигты, хосорһон өөрынгөө арад зон тушаа гашуудан уйлахаб, аргадажа-һамааруулжа бү байгты.

Исай 3:24

Хотын эрэшүүлые һэлмэ жада хороохо, баатарнууд дайнда алдалан унаха.

Исай 30:13

Энэ нүгэл хадаа үндэр ханада бии болоһон хэмхэрэл, гэнтэ, хараа байса хамхаран унаха ханын нүхэн мэтэ таанадта болохо.

Исай 32:11

Таанад ехэ хүнгэн, сүлөөхэн ажаһуугаат, харин мүнөө айн шэшэрыта! Хубсаһаа тайлан нюсэгэлжэ, бэлхүүһээрээ таар орёогты.

Ерэмияа 12:12

Сүл губиин нюсэгэн добо толгойгоор һүйд хэгшэд ябажа байна. Бүхы орон нютаг хюдахаяа дайн дажар үүсхэхэб. Ямаршье амитанда амгалан байдал таһалдаха.

Ерэмияа 13:17

Харин энээниие анхараагүй һаатнай, танай бардам занһаа боложо, минии зүрхэ сэдьхэл бүтүү уйлахал. Эзэнэй арад зоной һүрэг мэтээр баряанда туугдаһанһаа боложо, нюдэдэйнгөө шэргэтэр би сурхирса уйлахаб.

Ерэмияа 14:17

Өөрынгөө гай зоболон тухай улад зондо дуулгахыемни намда Эзэн захирба. Тэрэ иигэжэ хэлэхыемни айладхаа: Минии нюдэнһөө һүни, үдэргүй нулимса урдан байг. Уйлахаяа оройдоошье болихогүйб, улад зомни аргагүй ехэ сохилтодо дайрагдаба, угаа хүндөөр шархатаа.

Ерэмияа 15:8

Газар нютагтатнай бэлбэһэн эхэнэрнүүд далайн эрьеын элһэнһээ үлүү олон болоо. Сүйд хэгшые эльгээжэ, залуу хүбүүдыетнай алааб. Энээнһээ боложо, эхэнүүдынь зобоно, гасалан, айдаһаа хүрэхэ зүйл гэнтэ тэдэнтэй ушараа.

Ерэмияа 18:22

Гэр байрыень дээрмэдүүлхэеэ гэнтэ зониие эльгээгыт, һүрдэн, оог хашхараан тэдэ болог лэ. Минии унахын тула тэдэ нүхэ малтаа, хүлыем тушахын тула урьха табин нюугаа.

Ерэмияа 30:5

Угаа һүрдэһэн дуу Би дууланаб, амгалан тайбанай бэшэ, айһанай абяа дуу.

Ерэмияа 4:11

Элһэн сүл губиин нюсэгэн добо толгойһоо бүгшэм халуун һалхин һалхилжа эхилээ гэжэ Иерусалимай улад зондо хэлэхэ саг тиихэдэ ерэхэ. Энэ хадаа орооһо хальһанһаань сэбэрлэн һэбшээлдэг һулахан һалхин бэшэ,

Ерэмияа 4:20

Гай тодхор дээрэ үшөө гай тохёолдоно, бүхы орон нютаг һандаргагдан хооһороо. Гэнтэ манай майхангууд эбдэгдээ, агшам зуур соо хүшэгэнүүднай ударагдаа.

Ерэмияа 4:8

Тиимэһээ гашуудалай хубсаһа үмдэжэ, гашуудан шангаар уйлагты. Юуб гэбэл, Эзэнэй шэрүүн уур хилэн таанадһаа эрьен-зайлан байхагүй.

Ерэмияа 6:14

Арадаймни хүндэ шархануудай багахан шулгархай байһан мэтэ тэдэ хайша хэрэгээр тэрэнииень эмшэлнэ. «Бүхы юумэн һайн» гээд тэдэ хэлэнэ. Теэд һайн юумэн үгы!

Ерэмияа 8:19

Шагныт! Арад зоноймнай алас холын оронһоо: «Эзэн Сиондо бэшэ байхагүй гээшэ гү? Сионой Хаан тэндээ үгы юм гү?» гэжэ хашхархань дуулдана. Эзэн тэдээндэ иигэжэ харюусаа: «Шүтөөнүүдтэ мүргэжэ, аша туһагүй хариин бурхадта зальбаржа, таанад Минии уур сухал хүргөөт. Юундэ тиигээбта?»

Ерэмияа 8:21

Арад зонойнгоо зобоходо, зүрхэ сэдьхэлни зобоно. Уйдхартай барагар байнаб, угаа һүрдэнхэй ябанаб.

Ерэмияа 9:1

Минии толгойн уһаар дүүрэн байгаа һаань, минии нюдэдэй нулимсын булаг болоо һаань, алагдаһан улад зонойнгоо хойноһоо үдэр, һүнигүй уйлаха һэм.

Ерэмияа 9:10

Уула тухай уйлажа, ори дуун болохоб. Үргэн талын бэлшээринүүд тухай гашуудан бархирхаб. Тэдэ зэлүүд хооһон болоо, тэрээгүүр хэншье гарахагүй. Үхэр һүрэгэй мөөрэхэнь дуулданагүй, огторгойн шубууд, бүхы ан арьяатан зугадан тэрьедээ.

Гашуудал 1:16

Эдэ бүгэдэ тухай би уйланаб, нюдэмни уһан болонхой. Амиды мэндэ байлгадаг, һатааруулдаг нэгэн намһаа холо. Дайсанай хүсэндөө ороһон ушарһаа үхи хүүгэдни хооһон хосорно.

Гашуудал 1:2

Бүхэли һүниндөө тэрэ сурхирса уйлана, нёлбоһод хасар дээгүүрнь урдана. Дуратай байһан зонойнь дунда тэрэниие һаатуулха хүн үгы, нүхэдынь тэрээндэ урбажа, дайсадынь болонхой.

Гашуудал 2:11

Нёлбоһодһоо боложо һохор болонхойб, доторни хабданхай, арад түмэнэйнгөө хосоржо байхада, бага хүүгэдэй үлдэжэ-хооһоржо, хотын үйлсэнүүдтэ үхэжэ байхада зүрхэмни хахаран байна.

Гашуудал 3:16

Шүдыем шулуугаар түүрүүлээ, амыем үнэһөөр дүүргээ.

Гашуудал 3:48

Нюдэнһөөм нёлбоһод горхон мэтэ урдана – арад түмэнэйм басаган хосоржо байна!

Гашуудал 4:10

Зөөлэн зантай эхэнүүд эдихэеэ хүүгэдээ шанажа байна, үхибүүдынь эдеэ хоолынь болоо, – арад түмэмни хосоржо байна!

Гашуудал 4:3

Сүүбэн шононуудшье хүрэтэрөө хүхөө үгэжэ, бэлтэргэнүүдээ тэжээдэг. Харин минии арад түмэнэй басаган сүл губидахи тэмээн хяруул мэтэ хархис болобо.

Гашуудал 4:6

Минии арад түмэн! Шинии хэһээлтэ Содомой хэһээлтэһээ хүндэ. Содом агшам зуура саг соо хүмэреэ бэлэй, хүнэй гарһаа бэшэ.

Амоос 8:10

Һайндэрнүүдыетнай – гашуудал, дуунуудыетнай хүдөөлүүлгын уйлаан болгохоб. Таар таһардаһанда бүгэдые хубсалуулхаб, хүн бүхэн толгойгоо хюһаха. Ори ганса хүбүүн тухайгаа гашуудаһантай адли ехэ гашуудал болохо, үдэр бүхэн гай гашуудалай үдэр болохо.

Иона 3:6

Энэ хэрэг Нинэвээгэй хаанда дуулдаба, тэрэ өөрынгөө хан шэрээһээ бодобо, үмдэжэ ябаһан хубсаһаяа тайлаад, гашуудалай шэрүүн бүд хубсаһа үмдөөд, шандаруу дээрээ һууба.

Захарияа 12:10

Давидай гэр, Иерусалимай зон сэдьхэл даруу номгон болохо, гэмээ наманшалан, нигүүлсэлтэ бодолоор хамаг зондо хандаха гэжэ оролдохо. Өөһэдөө жадаараа сүм хадхаһан хүнөө, Намайе тэдэ хараха, ууган хүбүүнэйнгөө түлөө гашуудажа байһан мэтэ гашуудаха.

Лука 7:12

Хотын хаалгада хүрэхэдэнь, олон зон наһа бараһан хүниие хүдөөлүүлжэ ябаба. Тэрэнь бэлбэһэн эхын ори ганса хүбүүн байгаа.

Яковай хандалга 4:9

Гашуудагты, бархирагты, гэгэн уйлагты. Энеэлдэхэеэ болёод, уйлалдагты. Баярлахын орондо гашуудажа байгты.

Яковай хандалга 5:1

Баяшуул, мүнөө таанад намайе шагнагты! Таанад орилон бархирагты, гэгэн уйлагты, тархи дээрэтнай гай гасалан буухаяа байна.