Ерэмияа 6:22 - Библи

²² Эзэн иигэжэ айладхана: – Харагты, хойто зүгэй орон нютагһаа сэрэгэй зон ерэжэ байна. Агууехэ үндэһэтэн газар дэлхэйн хизаартахи һууриһаа хүдэлжэ эхилээ.

Ерэмияа 6:22 Referencias Cruzadas

Нэхэмьяа 1:9

Хэрбэеэ таанад Намда хандажа, Минии зарлиг наринаар сахин бэелүүлжэ эхилбэлтнай, тэнгэриин захадашье байбалтнай, би таанарые шэлэһэн газартаа асархаб, Минии нэрэ тэндэ мэдээжэ болохо».

Ерэмияа 10:22

Шагнагты! Иимэ һураг дуулдаба! Иудын хотонуудые хооһон, сүүбэн шонын үүр болгохоёо хойто зүгэй орон нютагһаа ехэ шууяатай сэрэг гаража байна.

Ерэмияа 13:20

Иерусалим, харыш! Хойто зүгһөө дайсад ерэжэ байна. Шамда даалгагдаһан улад зоншни, омогорходог хүнүүдшни хаанаб?

Ерэмияа 25:32

Израилиин Бурхан, Түмэн Сэрэгтэ Эзэн иигэжэ айладана: Гай тодхор нэгэ үндэһэ яһатанһаа нүгөөдэ үндэһэ яһатан хүрэтэр дамжан ябана, газар дэлхэйн аласһаа агууехэ шуурган хүдэлжэ эхилээ.

Ерэмияа 25:9

хойто зүгэй арадуудай болон Өөрынгөө албатан, Вавилооной хаан Навуходоносорой хойноһоо эльгээжэ, танай орон нютагай, улад зонойтнай, хүршэ арадуудайтнай урдаһаа дайлахыень асархамни. Таанадые хүршэнэртэйтнай хамта бүримүһэн усадхажа, хэтэ мүнхын һандарал, аймшагтай, угаа муухай зүйл болгон үлөөхэб. Энэ болбол Би, Эзэн, айладхана мүн!

Ерэмияа 30:5

Угаа һүрдэһэн дуу Би дууланаб, амгалан тайбанай бэшэ, айһанай абяа дуу.

Ерэмияа 4:16

Алас холын оронуудһаа дайсад ерэжэ ябана, шангаар хашхаралдан, Иудын хотонуудые бүһэлхэеэ байна гэжэ арад зониие һэргылхын, Иерусалимда дуулгахын тула тэдэ хүрэжэ ерээл.

Ерэмияа 4:6

Тогтонгүй гүйжэ, амияа абархыень туг үргэн, Сиондо дохёо тэмдэг үгэгты. Ушарынь гэбэл, Эзэн хойто зүгһөө гай гасалан ба агууехэ сүйд асаржа байна.

Ерэмияа 47:2

Тэрэ иигэжэ айладхаа: Харыт! Хойто зүгтэ уһан бодожо, үер мэтэ урдахань. Тэрэ газар дайдые, дээрэнь байгааша бүхы юумэ – хото һууринуудые, ажаһуугшадые хушан бүрхөөхэнь. Зон туһа эрихэ, орон нютагай улад гашуунар уйлаха даа.

Ерэмияа 5:15

Израилиин улад зон, үзөөрэйгты, Эзэн алас холоһоо танда добтолхыень нэгэ үндэһэ яһатаниие асаржа байна. Тэрэ хадаа тэсэмгэй шэрхи ба эртэ урдын үндэһэ яһатан. Тэдэнэй хэлэ мэдэхэгүйт, юу хэлэжэ байһыень ойлгохогүйт.

Ерэмияа 5:16

Тэдэнэй харбаашадынь бултадаа хүсэтэй, хайра гамгүй аладаг зон.

Ерэмияа 6:1

Бэньямиинэй үри һадаһад, ами наһаяа абархаяа Иерусалимай хотонуудһаа тэрьедэн ошогты! Гай гасалан, агууехэ сүйд хойто зүгһөө болохоёо байна гэжэ Тэкооһада бүреэ үлеэжэ, Бэт-Һахээрэмдэ һэргылэмжын тугуудые үргэгты.

Эзэкээл 21:31

Уур хилэнгэй гал түймэрөөр хайран, зэбүүрхэһэнээ таанадта мэдүүлхэб. Тиигээд алахадаа бэрхэ, хэрзэгы зоной гарта таанадые дамжуулхаб.

Эзэкээл 23:22

Эзэн Бурхан иигэжэ айладхана: «Оһолибаа, амарагуудтаяа хамта байхаяа шинии арсажа эхилээшье хадаш Би тэдэниие урдаһааш эрьюулэн, дайсад мэтээр бүхы зүгһөө асархаб.

Аввакуум 1:6

Өөрын бэшэ газар уһа эзэмдэхэеэ дэлхэйн энгээр ябааша Вавилооной хэрзэгы, дошхон арадые Би бодхоохоб.

Хуули дабталга 28:49

Хэлыеньшье танай мэдэхэгүй арад түмэниие дэлхэйн захаһаа Эзэн таанадта эльгээхэ. Бүргэдтэл адли, тэдэ таанадта добтолон орохо.