Ерэмияа 6:21 - Библи

²¹ «Тиимэһээ Би энэ арадта ехэ бэрхэшээлнүүдые эльгээхэб. Бэрхэшээлнүүд шулуун мэтэ зониие бүдэрүүлхэ. Эсэгэнэр үхи хүүгэдтэеэ хамта, хүршэнэр нүхэдтэеэ хамта унажа, үхэхэ!» – гэжэ тунхаглаба.

Ерэмияа 6:21 Referencias Cruzadas

2 Угай бэшэг 36:17

Иигэжэ Эзэн тэдээндэ добтолхыень Вавилооной хааниие эльгээбэ. Вавилооной хаан Эзэнэй Һүмэ соо залуу хүбүүдые һэлмээр сабшан усадхаба. Тэрэ хэнииешье – эрэ, эмыешье, залуу, хүгшэншье зониие хайрлабагүй. Бурхан тэрэнэй мэдэлдэ бүхы зониие үгэһэн байба.

Исай 8:14

Би зониие арюудханаб, Иудын, Израилиин хан түрэнүүдтэ бүдэрдэг шулуун, торожо унадаг шулуун мэтэ байхаб. Иерусалимай улад зониие бариха урьха занга мэтэб.

Исай 8:15

Олохон зон бүдэржэ унаха, тэһэ бута унаха. Тэдэ урьха зангада орожо баригдаха.

Ерэмияа 13:14

Домбо нүгөө домбоор домбодон сохижо байһандал, Би тэдэниие хүгшэн, залуугүй бэе бэедэнь хамталан бута сохихоб. Хайра үршөөл үзүүлхэгүйб, хайрлахагүйб, энэрилхэгүйб, хюдахаб! – гэбэ.

Ерэмияа 13:16

Харанхы болгохынь урда тээ, бүрэнхы хада ууланууд дээгүүр хүлэйнгөө торохын урда тээ үрдижэ, найдаһан гэгээн гэрэлыетнай Тэрэнэй гүн харанхы, үнэгэнэй төөримэ шэб харанхы болгохынь урда тээ үрдижэ, Эзэндэ, өөрынгөө Бурханда, магтаал соло дуудагты!

Ерэмияа 18:21

Теэд мүнөө үхи хүүгэдыень туража үхүүлыт, дайн дажарта усадхыт, эхэнэрнүүдынь бэлбэһэн болог, үри хүүгэдээ гээг, эрэшүүлынь үхэл хаталда дайрагдаг, залуушуулынь байлдаанда алуулаг лэ!

Ерэмияа 18:23

Теэд Та, Эзэн, намайе алахаяа һанаһыень мэдэнэт. Гэм бурууень бү хүлисыт, нүгэлыень бү мартыт. Тэдэ Танай урда хүмэрин унаха болтогой. Уурлан хилэнтэһэн сагтаа тэдээнтэй юушье хэхэ – Танай дуран.

Ерэмияа 21:7

Тэрэнэй удаа Иудын хаан Цэдэкиия, шамайе, түшэмэлнүүдыеш болон дайн дажарай, үлэсхэлэн хооһон байдалай, зуд тахалай һүүлээр үлөөшэ зониие Вавилооной хаан Навуходоносороор, таанадые алахаяа һанаһан дайсадаартнай, баряанда абхуулхаб. Навуходоносор таанадые һэлмээр сабшан алаха. Тэрэ хэнииешье амиды мэндэ үлөөхэгүй, хайрлахагүй, энэрэл үзүүлхэгүй. Энэ болбол Би, Эзэн, айладхана мүн!» гээшые нам руу ерэһэн зондо дамжуулан хэлэбэб.

Ерэмияа 8:12

Арад зомни, өөһэдынгөө үйлэдэһэн жэгшүүритэй юумэнһээ таанад эшэнэ гээшэ гүт? Үгы! Таанад оройдоошье эшэнэгүйт. Яажа улайдагыешье мэдэхэгүй байнат. Тиимэһээ бусад арадтай адли унан һалахат. Шүүбэрилхэ сагтам таанад һалгаагдахат! Энэ болбол Би, Эзэн, тунхаглана мүн!

Эзэкээл 3:20

Үнэн зүб хэрэгүүдые эрхилдэг хэн нэгэн гэм хэжэ, Минии тэрэниие хэһээхэдэм, хосорхо, урид үйлэдэһэн һайн хэрэгүүдыньшье хараада абтахагүй. Ши тэрэниие һэргылээгүй һаа, тэрэ үйлэдэһэн нүгэлэйнгөө түлөө үхэхэ, тиин үхэлэйнь түлөө шишье зэмэтэй болохош.

Эзэкээл 5:10

Тиигэжэ Иерусалим соо эсэгэнэр хүүгэдээ эдихэ, хүүгэдынь гэртэхинээ эдихэ. Би таанадые хэһээжэ, амиды үлөөшэ зонииетнай найман зүгөөр тараан сасахаб.

Левит 26:37

Хүнэй намнаагүй байхада, һэлмэһээ тэрьедэһэндэл, тэдэ бэе бэеһээ торожо байжа гүйлдэхэ. Дайсантай тэмсэхэ хүсэншье танда байхагүй.

Римэйхиндэ 11:9

«Эдеэнэй шэрээнь тэдэндэ занга, урьха болог, бүдэржэ унагааг, хэһээлтэдэ оруулаг!

Римэйхиндэ 9:33

Бурхан Нангин Бэшэг соо тон тиигэжэ хэлэнэ: «Хара даа! Би Сион дээрэ хүнүүдэй бүдэрдэг шулуун, хүнүүдэй торожо унадаг шулуун табинаб. Харин Тэрээндэ һүзэглэһэн хүн хэзээдэшье урмаа хухархагүй».

Пётрой 1-дэхи хандалга 2:8

хүнүүдэй бүдэрдэг шулуун, хүнүүдэй торожо унадаг шулуун болоо. Һайн Мэдээсэлдэ этигэдэггүйл хадаа тэдэнэр бүдэржэ байна. Тэдэнэр тиимэ табилантай.