Ерэмияа 6:19 - Библи

¹⁹ Газар дэлхэй, соносо! Мүнөө Би энэ арадай түсэблэһэн гай тодхорые өөһэдэйнь толгой дээрэ буулгахам. Юуб гэхэдэ, тэдэ Минии үгэ дуулабагүй, Минии заабари тообогүй.

Ерэмияа 6:19 Referencias Cruzadas

Һургаал 15:26

Хорото үүсхэл Эзэн үзэн ядадаг, зүб үгэ Тэрээндэ таатай.

Һургаал 28:9

Эзэнэй Хуули тоодоггүй хүнэй зальбаралшье зэбүүрхэмээр.

Исай 1:2

Огторгой, соносо, газар дэлхэй, шагна! Эзэн иигэжэ айладана: «Тэжээн үндылгэһэн хүүгэдни урдаһаамни эсэргүүсэн бодобол.

Исай 5:24

Тиимэһээ тэдэнэй үндэһэн һолоомын болон хатаһан үбһэнэй гал дүлэндэ шатаһандал адли хосорхо, тэдэнэй сэсэг хатажа, хумхаа тооһон болохо, юундэб гэхэдэ, тэдэ Түмэн Сэрэгтэ Эзэнэй Хуули буруушаагаа, Израилиин арюун Бурханай үгэнүүдые тоогоогүй.

Исай 59:7

Гүйдэлөөрөө муу муухай хэрэгүүдые хэнэт, ямаршье зэмэгүй зониие аланат. Һанаан бодолтнай хилэнсэгтэ, харгы замтнай – сүйд, эбдэрэл.

Исай 66:18

Би тэдэнэй һанаа бодол, хэрэгүүдынь мэдэхэб. Бүхы үндэһэ яһатадые суглуулха гэжэ ерэжэ байнаб. Тэдэ ерэжэ, Минии солые харахал.

Ерэмияа 11:11

Тиимэһээ Би, Эзэн, тэдэнэй зугадажа шадахын аргагүй гай тодхор тэдээн руу шэглүүлхэб гэжэ соносхоноб. Намһаа туһа эрин тэдэнэй хашхаралдахада, Би дуулахагүйб!

Ерэмияа 15:6

Намайе орхижо, буруу харабат. Тиимэһээ Би таанадые усадхааб. Тэсэбэрим һалаа!

Ерэмияа 17:10

Бил, Эзэн, зоной һанаа бодол нэбтэ хаража, зүрхэ сэдьхэлыень туршадагби! Ажаһуудаг заяг заршамайнь ёһоор, үйлэ хэрэгүүдэйнь лэ ёһоор тэдээндэ хандадагби!

Ерэмияа 19:15

Израилиин Бурхан, Түмэн Сэрэгтэ Эзэн иигэжэ айладана: «Үзөөрэйгты, Минии үгэ дуулахагүй гэжэ үсэрхэһэнэйтнай түлөө Би тунхаглаһан бүхы гай тодхороо энэ хотодо болон оршон тойронхи һууринуудтань шэглүүлхэмни», – гээшые дуулгаа һэм.

Ерэмияа 19:3

Эзэн намда иигэжэ хэлэхыем захирба: – Иудын хаашуул, Иерусалимай ажаһуугшад, Израилиин Бурханай, Түмэн Сэрэгтэ Эзэнэй, айладхал шагнагты! Энэ газар нютагта Би гай тодхор татахамни, тэрээн тушаа дуулаһан хүн бүхэн угаа ехээр бахардаха.

Ерэмияа 21:14

Теэд Би хэһэн үйлэ хэрэгэйтнай түлөө таанадые хэһээхэб. Ордонгыетнай шатаахаб, тиихэдэм бүхы оршон тойроноорнь гал дүлэн соробхилхо.

Ерэмияа 22:29

Оо, Иудын газар нютаг! Эзэнэй айладхал соносыш:

Ерэмияа 29:19

Минии тэдээндэ Өөрын зарасанараа – лүндэншэдээ хэдэн дахин эльгээжэ байбашье, тэдэ Минии үгэ дуулахаяа арсаа.

Ерэмияа 4:14

Иерусалим, абарагдахын тула муу муухайе зүрхэ сэдьхэлһээ зайсуулагты. Хэды болотор хорон муу бодолоо бодохо юмта?

Ерэмияа 4:16

Алас холын оронуудһаа дайсад ерэжэ ябана, шангаар хашхаралдан, Иудын хотонуудые бүһэлхэеэ байна гэжэ арад зониие һэргылхын, Иерусалимда дуулгахын тула тэдэ хүрэжэ ерээл.

Ерэмияа 4:4

Минии арад түмэн бологты, зүрхэ сэдьхэлээ хубилгагты. Иудын ба Иерусалимай улад зон, тиигээгүй һаатнай, таанарай үйлэдэһэн муу муухай хэрэгүүдһээ боложо, Минии уур хилэн гал дүлэн мэтэ бушаганаха. Хэншье тэрэниие унтаргаажа шадахагүй.

Ерэмияа 49:37

Элаамай улад зониие дайсадһаа айдаг болгохоб. Уур сухал дундаа тэдээндэ гай тодхор ушаруулжа, бултыень һалгаатараа сэрэг тэдээндэ эльгээжэл байхаб.

Ерэмияа 6:10

Би: «Хэндэ хэлэхэбиб, хэндэ заабарилхабиб, хэн намайе дуулахаб? Тэдэ үсэд, Танай захяа дуулахаяа арсана. Айладхаһан үгэнүүдыетнай дүүргэнэгүй.

Ерэмияа 6:18

Тиимэһээ Эзэн: – Соносогты, үндэһэ яһатад! Тэрэ арадтай юун болохыень мэдэжэ абагты!

Ерэмияа 8:5

Юундэ таанад, Иерусалимай улад зон, Намһаа буруу хараһан харгыгаараа саашаал дугташажа байнабта? Таанад шүтөөнүүдөө орхихо дурагүй, Намда бусахаяа арсанат.

Ерэмияа 8:9

Сэсэн мэргэн тэдэ зон нэрээ хухараа, мэгдэшоо, баригдаа, Эзэнэй үгэ тэдэ буруушааба – тиихэдээ тэдэ мэргэн ухаатай болоно гү? Үгы.

Даниил 9:11

Израилиин хүн бүхэн Танай хуули ёһо дэбһэжэ, үгыетнай дуулангүй буруу хараа, тиимэһээл Бурханай үнэн зараса Моисейн хуули ёһо соо бэшээтэй тэрэ хараал шэрээл, муухай ёро манай толгой дээрэ буугаал. Бурханай урда иимэ ехэ нүгэлтэй гээшэлди.

Һошээ 10:13

Таанад муу муухайе ургуулан байгаат, үнэн шударга бэшые хуряажа абанат. Худал хуурмагаар ургуулагша эдеэгээ эдин байнат. Юуб гэбэл, таанад дайшалхы тэргэнүүдтээ, олон сэрэгшэдтээ найдаһан байгаат.

Һошээ 4:6

Намайе мэдэрхэеэ татагалзаа хадаа арад түмэмни усадхагдаха. Таанад, санаартад, Намайе мэдэрхэеэ арсажа, һургаалым мартан хэрэгсээгээгүй бэлэйт. Тиимэһээ Би таанадые хэрэгсээхэгүйб, хүбүүдыеш санаартадни гэжэ тоохогүйб, мартахаб.

Амоос 2:4

Эзэн иигэжэ айладхаа: Иудын улад зон гэмээ нэмээһээр. Шиидхэһэнээ Би болюулхагүйб. Һургаалыем буруушаажа, хуули ёһонуудыем сахяагүйнь түлөө, эсэгэнэрэйнь дагадаг онгонуудай замһаань тэдэниие хадууруулһанай түлөө

Михей 1:2

Бүхы арадууд, шагныта! Дэлхэй дээрэ байгаашад, бултадаа анхарыт! Таанадай урдаһаа Эзэн гэршэ болохонь! Тэрэ огторгойдохи Өөрын нангин ордонһоо таанадые гэмнэхэнь!

Михей 6:2

Хада ууланууд, дэлхэйн хатуу үндэһэ һуури, Эзэнэй зарга шүүбэри хэхые шагныта! Эзэн арад түмэнөө шүүбэрилнэ, Израильтай Тэрэ тэмсэжэ байна.

Иоанн 12:48

Намайе буруушааһан, Минии үгэ дуулаха дурагүй хүндэ заргаша бии, тэрэ хүниие Минии хэлэһэн үгэ һүүлшын Үдэртэ буруушаан гэмнэхэ!

Хэрэгүүд 8:22

Иимэ нүгэл хэхэеэ болижо, һанал бодолыешни хүлисэхыень Эзэниие гуй.

Хуули дабталга 30:19

Мүнөө гэршэ болохыень огторгой газар хоёрые дууданаб: ами наһан ба үхэл хаталай, юрөөл ба хараал шэрээлэй нэгыень шэлэхые би мүнөөдэр таанадта дурадханаб. Өөһэдын болон үри һадаһадайнгаа амиды мэндэ ажаһуухын тула ами наһа шэлыт!

Хуули дабталга 32:1

Огторгой, анхара, би хэлэхэмни, газар, шагна минии үгэнүүдые.

Хуули дабталга 4:26

Иордан гол гаталан эзэмдэхэеэ ошожо ябаһан газараа алдахат гэжэ огторгой, орон дэлхэйе гэршэ болгон, та бүгэдэндэ мүнөө тунхагланаб. Удаан сагта тэндэ байхагүйт, алуулхат!

1 Хаан түрэнүүд 15:23

Юуб гэхэдэ, тэршэлхэ гээшэ эди шэдиин нүгэлтэй адли. Һөөргэдэхэ гээшэ онгондо мүргэхэтэй адли. Эзэнэй үгэһөө шинии татагасаһан тула Эзэн мүн лэ шамайе хаан байлгахаһаа татагасаа, – гэжэ үгүүлбэ.

1 Хаан түрэнүүд 15:26

Гэбэшье Самуил Саулда: – Би шамтай хамта бусахагүйб. Юуб гэхэдэ, ши Эзэнэй үгэһөө татагасааш, мүн Эзэншье шамайе Израилиин хаан байлгахаһаа татагасаа, – гэбэ.