Ерэмияа 6:16 - Библи

¹⁶ Эзэн өөрын арад зондо иигэжэ айладхаба: «Харгы замууд дээрэ тогтожо харагты. Урданай һайн харгынууд тушаа – Моисейн һургаал тухай һурагшалагты. Тэрэ һайн замаар зорибол, ажана амгалан ажаһуухат». Теэд тэдэ: «Үгы, зорихогүйбди», – гэлдэбэ.

Ерэмияа 6:16 Referencias Cruzadas

3 Хаан түрэнүүд 8:36

Та огторгойн уудамһаа Израилиин арад түмэниие, Өөрын зарасанарые дуулажа, нүгэлыень хүлисыт, ябаха арюун харгы замыень заажа үгыт, тиигээд үе дамжан эзэлхэ гэжэ Танай үгэһэн газар дайдадань бороо хура эльгээгыт!

2 Угай бэшэг 19:11

Ахамад санаартан Амарияа шажан мүргэлэй хэрэгые эсэслэн шиидхэхэ эрхэтэй. Ишмаһээлэй хүбүүн, Иудын обогой ахалагша Зэбаадьяа бусад хэрэгүүдые эсэслэн шиидхэхэ. Левидүүд таанадта туһалха. Шанга байгты, хэрэгүүдые эрхилэгты, Эзэн таанадта зүбөөр хэрэг эрхилхэдэ туһалха.

Исай 2:5

Яковай үри һадаһад, ерэгты, Эзэнэй гэрэл туяа соо алхалан ябая!

Исай 28:12

Та бүгэдэндэ амархые Тэрэ дурадхаа бэлэй, харин таанад үгыень дуулахаяа арсаат.

Исай 30:21

Харгы замһаа баруун, зүүн зүгүүд руу хадууран байбал, таанад ара тээһээ Тэрэнэй иимэ абяа дуулахат: «Харгы – тэндэ. Тэрээгүүр ябагты!»

Исай 46:9

Үни эртын, урданай зүйл һанагты. Минии ори ганса Бурхан байһые баталан дэмжэгты, Намтай адли хэншье байхагүй.

Исай 57:2

Һайнаар наһаа үнгэргэһэн зон нүгшэхэдөө амар амгалан боложо амардаг.

Исай 8:20

Эзэнэй һургаал болон гэршэлэлгэдэ хандагты. Тэдэниие сахин дүүргээгүй һаа, худал хуурмаг үгэнүүдтэ хүрмэгдэхэт. Теэд тэдэ үгэнүүд хооһон, аша туһагүйл.

Ерэмияа 12:16

Хэрбээ тэдэ Минии арад зоной шажан мүргэл даган абажа, Баалай урда Минии зониие тангариглажа һургаһандал, Минии нэрээр «Бурхан үзэг!» гэжэ тангариглажа байгаа һаа, тэдэ Минии арад зоной нэгэ хуби болохо.

Ерэмияа 18:12

Теэд тэдэ: «Үгы даа! Бидэ һанаһаараа юумэ үйлэдэхэбди, үсэд, муу байһаараал байхабди», – гэжэ хэлэхэл.

Ерэмияа 18:15

Харин Минии арад зон Нам тухай мартаа. Тэдэ шүтөөнүүдтэ санзай ууюулна, харгы замаа төөрижэ, урданай һайн замуудаа – Моисейн Хуули орхибо. Тэдэ зүргэ мэтэ муу харгыгаар ябана.

Ерэмияа 2:25

Израиль, ши шүтөөнүүдэй хойноһоо ябахаяа боли! Хоолойнгоо ангатар тэдэниие хүсэхэшни хүрөө! Харин ши: «Үгы! Би һөөргөө бусахагүйб, хариин бурхадта дуратайб, тэдэниие дахан ябахаб», – гээ бэлэйш.

Ерэмияа 22:21

Амжалтатай, дэбжэн байха үедэтнай Эзэнэй таанадта хандабашье, таанад үгыень дуулахаһаа арсаат. Бүхы наһаараа иигэжэ ябаат, үгыень дуулаагүйт.

Ерэмияа 31:21

Өөртөө зорюулан, замай тэмдэгүүдые табижа, дохёо тэмдэгүүдые бүхэлэ. Өөрын оюун бодолые ябаһан зам руугаа, ехэ зам руу шэглүүлэ. Эрьен ерыт, Израилиин улад зон, өөрын орхин ошоһон хото руу эрьен ерэгты.

Ерэмияа 42:3

Эзэн Бурхамнай манай дабшаха харгы зам харуулаг лэ, юу хэхыемнай заажа үгэг лэ.

Ерэмияа 44:16

– Эзэнэй нэрэһээ айладхаһан үгэнүүдыетнай шагнахаяа арсанабди.

Ерэмияа 50:5

Тэдэ Сион руу харгы зам һурагшалаад, тэрэ зүг шэгээр ошохо. Намтай тэдэ хэтэ мүнхын хэлсээ баталха, хэзээдэшье тэрэниие эбдэхэгүй.

Ерэмияа 7:23

Гансал Минии үгэ дуулажа, Би тэдэнэй Бурхан, тэдэ Минии арад түмэн болохыень, тэдээндэ һайн байхын тула Минии захиһаар ажаһуухыень айладхан захираа һэм.

Ерэмияа 7:24

Гэбэшье тэдэ Минии үгэ дуулаагүй, анхаралаа хандуулаагүй, харин үсэд, муу сэдьхэлэйнгээ табисуураар ажаһуужа, өөһэдыгөө хойшо татаба.

Малаахи 4:4

«Минии зараса Моисейн Һургаал һанагты. Хорээб хада дээрэ Минии тэрээндэ тушааһан тогтоол, зарлигуудые һанагты. Энэ хадаа бүхы Израильда хэгдэһэн хэрээ захяа гээшэ.

Лука 16:29

Тиихэдэнь: «Дүүнэртэшни Моисейн болон лүндэншэдэй һэргылэмжэ бии ха юм: тэдэнэйнгээ хэлэһые дүүнэршни дуулажа байг лэ», – гэжэ Абраһаам хэлэбэ.

Иоанн 12:35

Иисүүс тэдээндэ иигэбэ: – Гэрэл туяагай таанартай хамта байха саг бага үлөө. Шэг балай харанхы таанадые хушаагүйдэ, гэрэл туяагай байһан дээрэнь ябажа ябыт даа. Харанхы соогуур ябадаг хүн хайшаашье ошохоёо мэдэдэггүй бшуу.

Иоанн 13:17

Энэ мэдэжэ абаһан юумэеэ бэелүүлээ һаа, таанар аза жаргалтай байхат.

Иоанн 5:39

Мүнхын амидарал олохобди гэжэ этигэн, таанар Нангин Бэшэгые оролдосотойгоор шудалнат. Теэд Нангин Бэшэгтэшье Нам тухай гэршэлэн хэлэгдэнэ!

Хэрэгүүд 17:11

Энэ хотын зон Фессалоникиинхидтэ орходоо Бурханай үгэ үлүү ехээр шагнаха дуратай байжа, номнол анхаралтайгаар хүлеэн абаад, Павел Сила хоёрой хэлэһэниинь үнэн гү гэжэ мэдэхын тула Нангин Бэшэгые үдэр бүхэн шудалжа байба.

Римэйхиндэ 4:12

Тэрэнэй отолуулхынгаа урда тээ Бурханда һүзэглэдэгтэйнь адляар һүзэглэдэг отолуулһаншье хүн бүхэнэй эсэгэнь болоо.

Хуули дабталга 32:7

Эртэ урдын саг һанаад үзэгты, үни заяанда үнгэрһэн он жэлнүүд тушаа бодомжолоод туршагты. Эсэгэнэрһээ асуун һурагты, тэдэ танда ойлгуулха, үбгэдһөө асуугаарайгты, тэдэ танда хэлэхэ.

Колоссынхидтэ 2:6

Христоос Иисүүсые Эзэн гэжэ тооложо байһандаал адли Тэрээнтэй хамта ажамидаржа байгты.

Еврейнүүдтэ 11:2

Һүзэг этигэлээрээ манай үбгэ эсэгэнэр Бурханай һайшаалда хүртөө.

Еврейнүүдтэ 6:12

Таанадые залхуурангүй, һүзэг этигэлтэй, тэсэбэритэй байгаад, Бурханай найдуулһан юумые хүлеэжэ абадаг хүнүүдтэл адли байхыетнай хүсэнэбди.

Ударидагшад 2:17

Гэбэшье арад зон ударидагшадайнгаа үгыень дуулабагүй. Израильшууд үбгэ эсэгэнэрэйнгээ шүтэжэ ябаһан Эзэнһээ урбажа, эндэхи бусад ондоо арадуудай хуурмаг бурхадта шүтэдэг, мүн мүргэдэг болобо.