Ерэмияа 6:15 - Библи

¹⁵ Тэдэ өөһэдынгөө үйлэдэһэн бузар муу муухайһаа эшэнэ гү? Үгы, огто эшэнэгүй. Улайхаяашье тэдэ мэдэхэгүй ха. Тиимэһээ бултандал адли тэдэ хэһээгдэхэ. Улад зониие шүүбэрилхэеэ ерэхэдээ, Би тэдэниие газар руу шабхадан унагаахаб! Энэ болбол Би, Эзэн, айладхана мүн!

Ерэмияа 6:15 Referencias Cruzadas

Эхин 19:34

Үглөөдэр эгэшэнь дүүдээ хэлэбэ: – Үнгэрэгшэ һүни би эсэгэтэеэ унтааб. Энэ һүни эсэгэеэ дахин үзэмэй дараһан архи уулгажа һогтоое, ши ерэжэ, тэрээнтэй унтахаш. Тиигэбэл, бидэ эсэгынгээ уг удамые үргэлжэлүүлхэбди.

Египедһээ гаралга 32:34

Минии зааһан газарта зоноо ошожо асара. Минии Эльгээмэл урдашни ябаха. Хэһээлтын үдэрэй ерэхэдэ, нүгэлынь амсуулхаб.

Һургаал 29:1

Хүжүүндээ найраад, зэмэлэл шагнадаггүй хүн нэгэ үдэр гэнтэ бусалтагүй унана.

Исай 10:4

Алуулхат, үгышье һаа, баряанда абтахат. Энээнэйшье удаа Эзэнэй уур хилэн буурахагүй, хэһээхэ гэжэ гарынь һунгаатай зандаа байха.

Исай 3:9

Нюур шарайень харахада, нүгэлтэйень ойлгохоор. Тэдэ Содомой зондол адли нүгэлөө нюунагүй, һайрхан һагад хөөрэнэ. Өөһэдөөл өөһэдтөө гай тодхор татаа гээшэл.

Ерэмияа 14:15

Тиимэһээ Би, Эзэн, Минии эльгээгээгүй, гэбэшье Минии нэрэһээ абарал буулгажа байгааша лүндэншэдтэй юу хэхэ байһанаа дуулгахамни. Тэдэ «Дайн дажар, үлэсхэлэн хооһон байдал энэ газар нютагта болохогүй» гэжэ хэлээ бэлэй. Харин Би тэдэниие дайн дажарта болон үлэнхэ хооһон байдалда оруулан хюдахаб!

Ерэмияа 18:23

Теэд Та, Эзэн, намайе алахаяа һанаһыень мэдэнэт. Гэм бурууень бү хүлисыт, нүгэлыень бү мартыт. Тэдэ Танай урда хүмэрин унаха болтогой. Уурлан хилэнтэһэн сагтаа тэдээнтэй юушье хэхэ – Танай дуран.

Ерэмияа 23:12

Тэдэнэй харгы замынь халтирхай, харанхы болохо. Тэдэниие түлхихэдэнь, унашаха. Тэдээндэ гай тодхор ушаруулхаб, хэһээлтын сагынь дүтэлөө. Энэ болбол Би, Эзэн, айладхана мүн!

Ерэмияа 3:3

Тиимэһээл аадар бороо һаатажа, хабарай бороошье ороогүйл. Энээнэйшье удаа ши эшэхэ-гайхахаяа мэдэрээгүйш – нюуршни янхан эхэнэрэй шарайдал адли.

Ерэмияа 44:10

Тэдэ мүнөөшье болотор тиигэһээр. Минии та бүгэдэндэ болон үбгэ эсэгэнэртэтнай үгэһэн хуулинуудые сахинагүй, Намһаа айнагүй.

Ерэмияа 5:29

Тиимэһээ Би, Эзэн, тэдэниие хэһээхэб, иимэ арад зонһоо үһөөгөө абахаб.

Ерэмияа 5:9

Энээнэйнь түлөө Би тэдэниие хэһээхэгүй аалби? Иимэ үндэһэтэнһөө Би үһөөгөө абахагүй юм гүб?

Ерэмияа 8:12

Арад зомни, өөһэдынгөө үйлэдэһэн жэгшүүритэй юумэнһээ таанад эшэнэ гээшэ гүт? Үгы! Таанад оройдоошье эшэнэгүйт. Яажа улайдагыешье мэдэхэгүй байнат. Тиимэһээ бусад арадтай адли унан һалахат. Шүүбэрилхэ сагтам таанад һалгаагдахат! Энэ болбол Би, Эзэн, тунхаглана мүн!

Ерэмияа 8:9

Сэсэн мэргэн тэдэ зон нэрээ хухараа, мэгдэшоо, баригдаа, Эзэнэй үгэ тэдэ буруушааба – тиихэдээ тэдэ мэргэн ухаатай болоно гү? Үгы.

Эзэкээл 13:14

Таанадай будаһан ханые унагаахаб, тиихэдэмни байрань харагдаха. Тэрээнтэй хамта таанадшье хосорхот. Тиихэдээ Намайе Эзэн гэжэ мэдэхэт.

Эзэкээл 2:4

Үсэд, шулуун хатуу зүрхэтэй тэдээн руу шамайе Минии, Бүгэдын Эзэнэй, айладхал дуулгахыень эльгээхэм.

Эзэкээл 24:7

Хото дотор хүниие алаха ушар гаража, шуһаниинь шоройдо дарагдахаар газар руу бэшэ, хатуу шулуун дээрэ адхараа бэлэй.

Һошээ 4:5

Ши болон лүндэншэд үдэр, һүнигүй бүдэржэ, унан алдахат. Абяа аниргүй болгон эхыеш усадхахаб!

Һошээ 9:7

Израиль, саг ерэбэ! Хэһэн хэрэгүүдэйнгээ хэмээр харюусаха сагшни ерэбэл! Ши энээнээ мэдэрхэш. «Энэ лүндэншэ тэнэг, галзуурһан энэ ухаа муутай» гэжэ ши хэлэнэш. Шинии нүгэл шэбэл угаа ехэ байһан дээрэһээ улад зоншни намайе ехэ үзэн ядана.

Михей 3:6

– Таанадта һүниин харанхы бууха, лүндэн табижа шадахагүйт, Таанадые шэб харанхы тойрохо, абарал буулгажа шадахагүйт. Лүндэншэд дээрэхи наран хорон орохо, тэдэнэй оршожо байһан үдэр бүрхэхэ.

Михей 7:4

Тэдэнэй эгээл эрхимынь болон зүб шударгань адаалхай һөөг мэтэ хэндэшье хэрэггүй. Лүндэншэдөөр дамжуулан һэргылһэн тэрэ үдэр – Эзэнэй заларан, арад зониие хэһээхэ үдэр болохонь. Тиимэһээ мүнөө тэдэ зон хүл алдан үймэжэ байна.

Цэпаанияа 2:1

Өөрыгөө хаража үзыт, бэеэ барижа шадахагүй улад зон, өөһэдыгөө шэмхэжэ абыта!

Цэпаанияа 3:5

Эзэн хотын дотор зүб шударга хэрэг эрхилнэ, буруу юумэ хэдэггүй, үүр сайхада, үглөө бүри Тэрэ заабол зарга шүүбэри үйлэдэнэ. Теэд шударга бэшэ зон эшэхэ гээшые мэдэдэггүй.

Захарияа 13:4

Мүн тэрэ үдэр лүндэншэд өөһэдын үзэл үзэлгэһөө эшэжэ, мэхэлхын тула үмдэдэг шэрүүн нэмэргэеэ үмдэхэгүй,

Матвей 15:14

Тэдэн тухай һанаагаа огто бү зобогты. Тэдэнэр һохор хүнүүдэй һохор ударидагшад мүн; теэд һохор хүн һохорые хүтэлжэ ябабал, хоюулаа нүхэ руу унаха юм.

Филиппынхидтэ 3:19

Бэе махабадайнь хүсэлэнгүүд тэдэнэй бурханиинь юм. Тэдэ эшэжэ байха ёһотой юумээрээ бахархана, энэл дэлхэйн юумэнүүд тухай тэдэ бододог. Тиимэһээ тэдэ тамада орожо хосорхол!