Ерэмияа 6:12 - Библи

¹² Тэдэнэй гэрнүүд, таряалангууд болон һамгадынь ондоо зондо үгтэхэ. Юуб гэхэдэ, Би энэ орон нютагай ажаһуугшадые хэһээхэ һанаатайб.

Ерэмияа 6:12 Referencias Cruzadas

1 Угай бэшэг 21:16

Давидай нюдөө нээн харахадань, газар тэнгэри хоёрой хоорондо Иерусалим руу һэлмэ далайһан Эзэнэй Эльгээмэлые хараба; гашуудалай хубсаһа үмдэһэн Давид болон тэрэнэй аха захатан һүгэдэн мүргэбэд.

Исай 10:4

Алуулхат, үгышье һаа, баряанда абтахат. Энээнэйшье удаа Эзэнэй уур хилэн буурахагүй, хэһээхэ гэжэ гарынь һунгаатай зандаа байха.

Исай 5:25

Эзэн Өөрын арад түмэндэ уур сухал боложо, гараа тэдээн руу һунгажа, сохихо! Хада ууланууд доһолжо, үхэһэн зоной хүүрнүүд бог шорой мэтэ үйлсэнүүдээр хэбтэхэ. Энээнэй удаашье Тэрэнэй уур хилэн унтархагүй, гарынь һунгаатай зандаа байха!

Исай 9:12

Зүүн зүгһөө Араам, баруун зүгһөө Пилишт гүрэнүүд Израилиие залгиха гэжэ амаа ангайлгаба. Энээнэй удаашье Эзэнэй уур хилэн бууранагүй. Тэрэ хэһээхэ гэжэ гараа һунгаһан зандаа байна.

Исай 9:17

Тиимэ ушарһаа Эзэн өөрын арад түмэнэй залуу зон тушаашье һанаагаа табихагүй, үншэн хүүгэдые, бэлбэһэн эхэнэрнүүдыешье хайрлахагүй. Юуб гэбэл, тэдэ бултадаа Бурхангүй ба муу хэрэг үйлэдэгшэд, муу юумэ амалжал байгшад. Энээнэй удаашье Эзэнэй уур хилэн буурахагүй, зониие хэһээхэ гэжэ гарынь һунгаатай зандаал байха.

Исай 9:21

Мэнашшээ обогой зон Эпрааимай обогто добтолхо, хамтаран, тэдэ Иудын хан түрэдэ добтолхо. Энээнэйшье удаа Эзэнэй уур хилэн буурахагүй, хэһээхэ гэжэ гарынь һунгаатай зандаа байхал.

Ерэмияа 15:6

Намайе орхижо, буруу харабат. Тиимэһээ Би таанадые усадхааб. Тэсэбэрим һалаа!

Ерэмияа 21:5

Таанадта уурлан, хилгэнтэн, угаа ехээр дурагүйдэн, бии хүсэ шадалаараа урдаһаатнай туласалдахаб.

Ерэмияа 38:22

Тэрэ үзэгдэл соогоо би Иудын хаанай ордон соо орхигдоһон эхэнэрнүүдые хараа һэм. Тэдэ эхэнэрнүүд Вавилооной сэрэгэй ахамадуудта абаашагдаха. Тэдэ эхэнэрнүүд хаанай нүхэд өөрыень мэхэлбэ, тэдэ хааниие буруушаана. Хүлэйнь шабар шабхада ороходо, нүхэдынь

Ерэмияа 38:23

бүхы эхэнэрнүүдтнай болон үхи хүүгэдтнай Вавилооной зоной мэдэлдэ орохо, та өөрөө Вавилооной хаанай баряанда орохот. Энэ хото дууһан галдагдаха.

Ерэмияа 7:20

Тиимэһээ Би, Эзэн Бурхан, Өөрынгөө бушаганама уур хилэнгые үргөөгэй оршодог энэ газар дээрэ, хүн ба адагуусан дээрэ, талын модод ба газарай үрэ жэмэс дээрэ буулгахам. Гал дүлэн носожо, хэншье тэрэниие унтараажа шадахагүй.

Ерэмияа 8:10

Тиимэһээ Би һамгадыень бусад зондо, тэдэнэй таряалангуудые шэнэ эзэдтэ үгэхэб. Юуб гэбэл, тэдэ бултадаа, бага, ехэгүй, ашаг олзо олохо гэжэ шунанхай. Лүндэншэнһөө эхилээд, санаартан хүрэтэр зониие мэхэлнэ.

Гашуудал 2:8

Эзэн Сионой ханануудые һандаргааха гэжэ шиидээ, газартай адли болгоно, эсэхэ сусахаяа мэдэхэгүй һалгаана. Бүхэлэлтэ болон хананууд гашуудана, гай гасаланда нэрбэгдээ.

Гашуудал 3:3

Иигээд Тэрэ намайе дахин дахин, үдэр бүри сохино.

Гашуудал 5:11

Сиондо эхэнэрнүүд, Иудын хотонуудта басагад хүсөөр эдлүүлэгдэнэ.

Гашуудал 5:2

Маанадай уг залгамжалха зөөри хариин зондо, гэрнүүднай гадаадын уласта үгтэбэ.

Гашуудал 5:3

Бидэ үншэн болообди, эсэгээ алдаабди, эхэнүүднай – бэлбэһэн эхэнэрнүүд.

Эзэкээл 35:3

Тэдээндэ Минии иигэжэ айладхаһые хэлэ: Би, Эзэн Бурхан, урдаһаатнай тулахаб! Орон нютагыетнай хубхай хооһон тала болгохоб!

Эзэкээл 7:24

Эгээл муу муухай үндэһэ арадуудые иишэнь асархаб, гэр байрануудыетнай эзэмдүүлхэб. Мүргэдэг нангин газарнуудыетнай тэдэ арадууд бузарлаха, тиихэдэ эгээл шанга зонтнай бардамлахаяа болихо.

Михей 2:4

Тэрэ сагай ерэхэдэ, таанадтай тохёолдоһон ушарые гай тодхорой жэшээ болгон зон хөөрэлдэжэ, иимэ гашуудалтай дуу дуулахал: «Бидэ дууһан усадхагдаабди! Манай газар дайда урбагшадта үгтэбэл! Маанадта һөөргөө бусахаа болёол!»

Цэпаанияа 1:13

Тиигээд тэдэнэй баялиг дайсанай олзо болохо, гэр байшангуудынь эзэгүйрэн хооһорхо. Гэр баряашье һаа, тэдэ тэндэ ажаһуухагүй, үзэмэй модоной сэсэрлиг һуулгаашье һаа, үзэмэй дараһан архи тэдэ уухагүй.

Цэпаанияа 1:4

Иудын болон Иерусалимай бүхы ажаһуугшадые усадхахаяа гараа һунгахаб. Баалда мүргэдэг зүйлнүүдэй бүхы үлдөөсые энэ газарһаа үгы хэхэб, шүтээнэй санаартад тушаа һануулха юушье үлөөхэгүйб.