Ерэмияа 6:11 - Библи

¹¹ Эзэмни, тэдэнэй урдаһаа Танай уур хилэнгээр би мүн лэ халинхайб, досоогоо энээниие багтаажа ядажа байнаб». Тиихэдэм Эзэн намда иигэжэ хэлээ: – Уур хилэнгыем үйлсэдэхи үхибүүд болон сугларһан залуушуул дээрэ адха. Үбгэд, һамгад баряанда абтаха, үндэр наһатай үбгэдшье баряанда туугдан абтахал.

Ерэмияа 6:11 Referencias Cruzadas

Исай 40:30

Залуушье хүн ядаран һуларжа, эдир хүбүүдшье бүдэрэн унадаг.

Ерэмияа 15:17

Нэрьесэ энеэлдэгшэдэй дунда би һуужа байгаагүйб, сэнгэжэшье байгаагүйб. Танай захиралта дүүргэхэ гэжэ би гансаараал һуунаб, уур хилэнгээр халинхайб.

Ерэмияа 15:6

Намайе орхижо, буруу харабат. Тиимэһээ Би таанадые усадхааб. Тэсэбэрим һалаа!

Ерэмияа 18:21

Теэд мүнөө үхи хүүгэдыень туража үхүүлыт, дайн дажарта усадхыт, эхэнэрнүүдынь бэлбэһэн болог, үри хүүгэдээ гээг, эрэшүүлынь үхэл хаталда дайрагдаг, залуушуулынь байлдаанда алуулаг лэ!

Ерэмияа 20:9

Теэд минии: «Эзэн тухай бэшэ һануулхагүйб, Тэрэнэй нэрэһээ бэшэ айладхахагүйб» гэжэ хэлэхэдэ, зүрхэ сэдьхэлдэмни гал шатажа байһандал, яһаарни дамжан гараһандал болоно. Тэрэниие досоогоо барижа туршааб, теэд шаданагүйб.

Ерэмияа 5:9

Энээнэйнь түлөө Би тэдэниие хэһээхэгүй аалби? Иимэ үндэһэтэнһөө Би үһөөгөө абахагүй юм гүб?

Ерэмияа 7:20

Тиимэһээ Би, Эзэн Бурхан, Өөрынгөө бушаганама уур хилэнгые үргөөгэй оршодог энэ газар дээрэ, хүн ба адагуусан дээрэ, талын модод ба газарай үрэ жэмэс дээрэ буулгахам. Гал дүлэн носожо, хэншье тэрэниие унтараажа шадахагүй.

Ерэмияа 9:20

Би, Ерэмияа, хэлээ һэм: «Эхэнэрнүүд, Эзэнэй үгые шагнагты! Тэрэнэй айладхал анхарагты! Басагадаа шаналан гашуудаха ёһололдо, хүн бүхэнөө – гашуудалай дуунда һургагты.

Ерэмияа 9:21

Үхэл сонхоорнай дамжан ороно. Үйлсэнүүдһээ үхи хүүгэдые, хотын талмайнуудһаа эдир хүбүүдые усадхахын тула үхэл хатал ордонгууд руумнай орожо байна.

Гашуудал 1:15

Минии бүхы хүсэтэйшүүлые Эзэн доошонь унагаагаа, залуу хүбүүдым хюдахын тула дайсадые һайндэртэ мэтэ уряа. Иерусалим тортоггүй сэбэрхэн залуу басаган мэтэ бэлэйл, теэд тэрэниие даран шахадаг түхеэрэлгэдэ жэмэс дарадагтал Эзэн няса гэшхэбэ!

Гашуудал 2:21

Хүүгэд, хүгшэд газарта, харгын захаар хэбтэнэ! Залуу хүбүүд, басагадни һэлмээр сабшуулан алуулаа! Хилэнтэ үдэртөө Та тэдэниие алаат, хайра гамгүй усадхаат!

Эзэкээл 24:21

Таанарай хүсэ шадалай бахархал, нюдэнэйтнай хужар, сэдьхэлэйтнай сэсэг болохо нангин үргөөе Тэрэ үгы хэхэеэ байна. Иерусалимда үлөөшэ үхи хүүгэдтнай һэлмээр усадхагдаха.

Эзэкээл 3:14

Эзэн Бурханай асари ехэ һүр һүлдэ намайе өөдэнь үргэжэ, би энээндэнь дурагүйлхэн, досоогоо сухалдаа һэм.

Эзэкээл 3:3

Эзэн намда иигэжэ айладхаба: – Хүнэй үри Эзэкээл, зай, Минии үгэжэ байгааша хуйламал ном эди. Өөрынгөө гэдэһэ энээгээр дүүргэ. Би тэрэнииень эдижэ, тэрэ аман соом зүгын бала мэтэ амтатай байгаа бэлэй.

Эзэкээл 9:6

Хүгшэн зониие, залуушуулые, эхэнүүдые, хүүгэдыешье алагты. Харин магнай дээрээ тэмдэгтэй зондо гар бү хүрэгты. Нангин үргөөһөөм эхилэгты. Тиигэжэ нангин үргөө соо байгааша ахамадуудһаа тэдэ эхилбэ.

Михей 3:8

Харин намда Эзэн хүсэ шадал болон һүр һүлдэ дүүрэн үршөөгөө. Тиимэһээ шударга ёһо, эрэ зоригтой би Яковай удамда гэм зэмэ үйлэдэһэн тухайнь, Израилиин улад зондо нүгэл тухайнь сэхэ хэлэхэб!

Лука 17:34

Тэрэ үдэр нэгэ орон дээрэ унтаһан хоёр хүнэй нэгыень абарха, нүгөөдыень орхихо.

Хэрэгүүд 17:16

Павел тэрэ хоёроо Афиныдэ хүлеэжэ байхадаа, хотоор дүүрэн бодхоогдоһон онгонуудые хаража гашуудаба.

Хэрэгүүд 18:5

Сила Тимофей хоёрой Македониһоо ерэхэдэнь, Павел Һайн Мэдээсэл номнолгодо өөрыгөө бүрин зорюулжа, Иисүүс гээшэмнай Бурханай табисуурта гэжэ еврейнүүдтэ баталан гэршэлжэ байгаа.

Хэрэгүүд 4:20

Бидэ хараһан дуулаһан юумэн тухайгаа хөөрэнгүй байжа шадахагүйбди, – гэжэ харюусаба.

Гэршэлгэ 16:1

Удаань долоон Эльгээмэлнүүдтэ хандан, Һүмэ доторһоо шангаар иигэжэ хэлэхые дуулааб: «Эндэһээ ошожо, Бурханай уур сухалай долоон аяга соохиие газарта адхагты!»