Ерэмияа 6:1 - Библи

¹ Бэньямиинэй үри һадаһад, ами наһаяа абархаяа Иерусалимай хотонуудһаа тэрьедэн ошогты! Гай гасалан, агууехэ сүйд хойто зүгһөө болохоёо байна гэжэ Тэкооһада бүреэ үлеэжэ, Бэт-Һахээрэмдэ һэргылэмжын тугуудые үргэгты.

Ерэмияа 6:1 Referencias Cruzadas

2 Хаан түрэнүүд 14:2

Тиигээд Ёһааб Тэкооһа руу хүниие ябуулжа, тэндэһээ ухаатай сэсэн эхэнэрые асаруулжа, тэрээндэ иигэжэ захиба: – Ши уйлан гашуудажа байһан хүнэй хэбэр үзүүлжэ, гай гашуудалай үедэ үмдэдэг хубсаһа үмдэ. Бэедээ тоһо түрхингүй, наһа бараһан хүнэй хойноһоо олон үдэр гашуудажа байһан эхэнэр шэнги хэбэр үзүүлэ.

2 Угай бэшэг 11:6

Тэрэ Бэтлэһээм, Этаам, Тэкооһа,

Нэхэмьяа 3:14

Шэбхэ шоройн үүдые Бэт-Һахээрэм гэжэ нютагые толгойлогшо, Рэхаабай хүбүүн Малхияа заһабарилба. Тэрэ үүдэ заһабарилжа, хаабаринуудыень, шэбхэ, хүшэлгэнүүдыень үлгэбэ.

Нэхэмьяа 3:5

Саашадахи ханые Тэкооһагай ажаһуугшад шэнэлбэд. Зүгөөр Тэкооһагай мэдээжэ хүнүүд өөрынгөө Эзэнэй туһада хүдэлхэ дурагүй байба.

Ерэмияа 10:22

Шагнагты! Иимэ һураг дуулдаба! Иудын хотонуудые хооһон, сүүбэн шонын үүр болгохоёо хойто зүгэй орон нютагһаа ехэ шууяатай сэрэг гаража байна.

Ерэмияа 25:9

хойто зүгэй арадуудай болон Өөрынгөө албатан, Вавилооной хаан Навуходоносорой хойноһоо эльгээжэ, танай орон нютагай, улад зонойтнай, хүршэ арадуудайтнай урдаһаа дайлахыень асархамни. Таанадые хүршэнэртэйтнай хамта бүримүһэн усадхажа, хэтэ мүнхын һандарал, аймшагтай, угаа муухай зүйл болгон үлөөхэб. Энэ болбол Би, Эзэн, айладхана мүн!

Ерэмияа 4:29

Мориндо мордоһон зоной ба харбаашадай дуу шууяанһаа хотын зон бултадаа тэрьедэхэ. Зариман ой шугы руу гүйхэ, нүгөөдүүл хада руу абирха. Хото бүхэн орхигдожо, тэндэ нэгэшье хүн үлэхэгүй.

Ерэмияа 6:22

Эзэн иигэжэ айладхана: – Харагты, хойто зүгэй орон нютагһаа сэрэгэй зон ерэжэ байна. Агууехэ үндэһэтэн газар дэлхэйн хизаартахи һууриһаа хүдэлжэ эхилээ.

Амоос 1:1

Тэкооһада хони үүсхэбэрилэгшэ Амоосой үгэнүүд гэбэл, энэ. Газарай хүдэлхын хоёр жэлэй урда тээ, Уззияагай Иудын хаан, Ехоһаашай хүбүүн Еробоһаамай Израилиин хаан байха үе сагта Эзэн тэрээндэ Израиль тушаа үзэгдэл харуулһан юм.

Амоос 3:6

Хото соо бүреэ үлеэхэдэ, зон шэшэрэлдэхэгүй юм гү?! Хото соо гай тодхор тохёолдобол, тэрэниие Эзэн хэһэн бэшэ юм гү?!

Захарияа 6:6

Хара морид хойто зүг руу шэглэнхэй, хойноһоонь сагаан морид ябана, алаг морид үдын наранай орон тээшэ ошохо, – гэжэ Эльгээмэл харюусаба.

Нүүнэй Иисүүс 15:63

Зүгөөр Иерусалимда һууһан евүүс зониие Иудын хүбүүд үлдэжэ шадаагүй, тиимэһээ евүүсүүд мүнөөш хүрэтэр Иудын хүбүүдтэй хамта Иерусалимда һуудаг.

Ударидагшад 1:21

Бэньямиинэй уг удамууд Иерусалимда ажаһуудаг евүүсүүдые орон нютагһаань намнан үлдэжэ шадабагүй. Тиимэһээ тэндэ евүүсүүд мүнөө болотор Бэньямиинэй уг удамуудай дунда ажаһуудаг юм.