Ерэмияа 51:57 - Библи

⁵⁷ Түшэмэлнүүдыень, сэсэн мэргэшүүлыень, удамаршадыень, сэрэгшэдыень һогтоохоб. Тэдэ унтажа, хэтэ мүнхын нойроор нойрсохо, һэрихэгүй. Энэ хадаа Би, хаан, Би, Түмэн Сэрэгтэ Эзэн, айладхана мүн!

Ерэмияа 51:57 Referencias Cruzadas

Исай 37:36

Тэрэ һүни Эзэнэй Эльгээмэл бии боложо, Ассириин сэрэгэй хүреэндэ зуун наян таба мянган сэрэгшые алаба. Үглөөдэрынь үүр сайхада харахада, оршон тойрон үхэһэн хүнүүдэй бэенүүд хэбтэбэ.

Исай 44:25

Би худал лүндэншэдые илгажа тодоруулдагби, үзэлшэдэй үгэнүүдэй үнэн бэшые харуулдагби, сэсэн мэргэшүүлэй үгэнүүдые буруушаадагби, эрдэм мэдэсэнь удхагүй тэнэг гэжэ элирхэйлдэгби.

Исай 6:5

Тиихэдэнь би иигэжэ хэлэбэб: – Ай даа! Һалахамнил! Хэлэһэн үгэ бүхэмни нүгэл шэбэлтэй, нүгэл шэбэл дуугардаг зоной дунда ажаһуунаб. Тиимэ аад, Түмэн Сэрэгтэ Эзэн Хааниие хараалби.

Ерэмияа 13:13

ши тэдээндэ Минии, Эзэнэй, энэ орон нютагай бүхы ажаһуугшадые – хан шэрээдэ һуугша Давидай уг удамыень, санаартадые, лүндэншэдые, Иерусалимай бүхы улад зониие – һогтоторнь архяар дүүргэхэеэ байһан тухай дуулга.

Ерэмияа 25:27

Тиигээд Эзэн намда иигэжэ айладхаба: – Улад зондо Минии, Түмэн Сэрэгтэ Эзэнэй, Израилиин Бурханай, захиралта дуулга. Уугты, һогтогты, бөөлжэн унагты гэжэ захирнаб. Танай урдаһаа дайн дажар эльгээхэдэм, бодожо шадахагүйт.

Ерэмияа 46:18

Би, Түмэн Сэрэгтэ Эзэн, хаан гээшэб. Би амиды Бурхан гээшэб. Табоорой уулануудай дунда эгээл үндэр байһандал, Кармээл уулын далайһаа дээгүүр ербыһэндэл, тон тиимэ агууехэ хүсэтэй нэгэн таанадта добтолон орохо.

Ерэмияа 48:15

Моһааб болон хотонуудынь һандаргагдаа, эгээл бэрхэ залуу зониинь алуулагдаа. Энэ болбол Би, Түмэн Сэрэгтэ Эзэн, хаан, айладхана мүн!

Ерэмияа 50:30

Тиимэһээ бүхы залуу зониинь хотын үйлсэнүүд дээрэ алуулагдаха, бүхы сэрэгшэдынь тэрэ үдэр усадхагдаха. Энэ болбол Би, Эзэн, айладхана мүн!

Ерэмияа 51:39

Хэр ухаагүй хаб? Тэдэнэй халахадань, Би найр хэжэ, баярлуулан хөөрүүлжэ һогтоохоб. Тэдэ нойрсохо, хэзээдэшье һэрихэгүй.

Эзэкээл 20:33

Шанга гараараа, бүхы хүсэ шадалаараа Би таанадые зонхилон байхаб гэжэ Би, Эзэн Бурхан Өөрөөрөө батадхан тунхагланаб. Таанад Минии уур хилэнгые одоо мэдэрхэт.

Наум 1:10

Орёосолдоһон адаалхай һөөг ба хуурай һолоомо мэтэ таанар архиншадтал шатан үхэхэт!

Наум 3:18

Ассириин хаан! Түшэмэл, удамаршадшни мүнхэ нойроор нойрсонхой. Арад түмэншни хада уулаар таранхай, тэдэниие суглуулха хүн байхагүй.

Малаахи 1:14

Хонин һүрэгтэнь һайн хусын байхада, тэрэниие үргэхэб гэжэ тангариглаһан аад, Эзэндэ асархадаа, үбшэн малаар андалдаад үргэлдэ асардаг хуурмаг зон хараалда хүртэг. Ушарынь хадаа Би агууехэ Хаанби, арад үндэһэтэд Минии нэрэһээ һүрдэдэг! Иигэжэ Түмэн Сэрэгтэ Эзэн айладана.

Гэршэлгэ 18:9

Тэрэ ниислэлэй шатахада гараһан гал түймэрэй утаа уняар харахадаа, зальхайралга, баялиг соогуур дураараа хүльбэрэлдэжэ ябаһан газар дайдын хаашуул тэрэ ниислэлые шаналжа уйлаха гашуудаха.