Ерэмияа 51:41 - Библи

⁴¹ Эзэн Вавилоон тушаа иигэжэ айладхал буулгана: – Бүхы дэлхэйн магтаал мэтэ Шэшаах хото олзологдоо! Үндэһэ яһатанда Вавилоон ямар ехэ айха зүйл болоо гээшэб!

Ерэмияа 51:41 Referencias Cruzadas

2 Угай бэшэг 7:21

Энэ мүнөө байгааша Һүмэ тухай хажуугаарнь һүүлдэнь гарагша хүн бүхэн: «Энэ газар дайдые болон энэ Һүмые Эзэн юунэйнь түлөө хэһээгээ гээшэб?» – гэжэ һүрдэн, эшхэрэн байха.

Исай 13:19

Содом болон Гоморрые һалгааһандал, Бурхан хаан түрэнүүдэй шэмэг, халдейшүүдэй омогорхол Вавилоониие унагаан һандаргаха.

Исай 14:4

Тэрэнэй эдэ бүгэдые гүйсэдхэхэдэнь, зон Вавилооной хааниие наадалжа, иигэжэ дууладаг болохо: «Дарлагшын эсэс ерээ! Уур хилэнгынь түгэсөө!

Ерэмияа 25:26

хоорондоо бага, ехэшье зайтай ажаһуудаг хойто зүгэй хаашуулда. Юрэдөө, дэлхэй дээрэ байгааша бүхы хан түрэнүүдэй улад зондо уулгабаб. Харин Шэшаахай хаан бултанай һүүлдэ ууха.

Ерэмияа 49:25

Жаргалтай байһан энэ мэдээжэ хото орхигдонхой.

Ерэмияа 50:23

Вавилоон – бүхы дэлхэйе мунсадажа байһан алха, өөрөө бутаран һалаба! Тэрэ бүхы үндэһэ яһатанай айха зүйл болобо.

Ерэмияа 50:46

«Вавилоон абтаа!» гэһэн оог хашхараанһаа газар доһолон хүдэлхэ, бусад үндэһэ яһатан хашхараа, шууяа дуулаха.

Ерэмияа 51:37

Вавилоон һандархай шулуунуудай, сүүбэн шононуудай орон нютаг, угаа үзэмжэгүй муухай болохо, хэншье тэндэ байхагүй, эдэ бүгэдые харагша хэн нэгэн ехэ һүрдэхэ.

Эзэкээл 27:35

Далайн эрьеэр бүхы зон гай тодхорыеш хаража һүрдөө, хаашуулынь ехэ айжа, шэг шарайнь сухиигаа.

Даниил 2:38

Хүн түрэлтэниие, хаанашье байг, ан арьяатаниие, жэгүүртэ шубуудые танай мэдэлдэ Тэрэ үгөө. Тэрэ хүрэгэй алтан толгой гэбэл, та болонот.

Даниил 4:22

Зоной дунда бэшэ, хээрын ан гүрөөлэй дунда амидархат. Малдал адли үбһэ ногоогоор хооллохот, шүүдэр дээрэтнай унан байха. Иигэжэ долоон жэл үнгэржэ, Дээдэ Бурхан лэ хүн түрэлтэнэй хан түрэнүүдые зонхилдог, һанаһан хүндөө тэдэниие үгэдэг гэжэ ойлгохот.

Даниил 4:30

Эдэ бүгэдэ тэрэ дары Навуходоносор хаантай тохёолдожо, тэрэ зоной дунда байхаяа болибо, малдал адли үбһэ ногоогоор хооллодог, бэень шүүдэртэ угаагдадаг болобо. Бүргэдэй үдэ һодондол адляар үһэниинь ургажа, шубуунай һабартал хюмһаниинь болобо.

Хуули дабталга 28:37

Эзэнэй эльгээһэн тэрэ арадуудта ши шоо үзүүлжэ, ябаган зугаадань орожо, наада бариха, баһаха зүйлынь болоод байхаш.