Ерэмияа 50:9 - Библи

⁹ Би хойто зүгһөө агууехэ үндэһэ яһатадай бүлэг Вавилоон руу асархаб. Тэдэ добтолжо, илаха, хото олзологдохо, Тэдэнэй годлинууд бэрхэ харбаашанай табиһан годлидол сэхэ, дэмы, миин табигдахагүй.

Ерэмияа 50:9 Referencias Cruzadas

2 Хаан түрэнүүд 1:22

Ёнатаанай һурша ном тодо мэргэн, Саулай һэлмэ хайра гамгүй байгаа, шархатаһан дайсадай шуһа һородог, сэрэгшэдэй өөхэ отолдог бэлэйл.

Дуунай дуун 3:8

Һэлмэ зүүһэн тэрэ эрэшүүл дайн дажарта һурамгай. Эритэ һэлмээ ташаадаа зүүбэл, хара һүниһөөшье далдирхагүй.

Исай 21:2

Аймшагтай үзэгдэл намда харагдаа: урбагша урбана, дээрмэшэн дээрмэдэнэ! «Элаам, добтоло! Миди, бүһэлэ! Бүхы ёолохо ушарнуудые Би болюулхаб».

Исай 41:25

Хойто зүгтэ байдаг хүниие шэлээб, зүүн зүгһөө тэрэ Минии нэрэ дуудаа! Шабар мэтээр тэрэ удамаршадые гэшхэнэ, вааршанай шабар гэшхэдэг мэтээр.

Ерэмияа 15:14

Арад зоноо ажал хэхыень танихагүй орон нютаг руу, дайсад руу эльгээхэб. Юуб гэбэл, тэдэнэй урдаһаа Минии уур хилэн гал мэтэ бушаганажа байна, – гэжэ айладхаба.

Ерэмияа 25:14

Вавилооной зоной хэһэн юумые өөһэдтэнь хүргэхэб, олон үндэһэ яһатад, агууехэ хаашуул тэдэниие богоол болгохо.

Ерэмияа 25:26

хоорондоо бага, ехэшье зайтай ажаһуудаг хойто зүгэй хаашуулда. Юрэдөө, дэлхэй дээрэ байгааша бүхы хан түрэнүүдэй улад зондо уулгабаб. Харин Шэшаахай хаан бултанай һүүлдэ ууха.

Ерэмияа 50:14

Харбагшад, Вавилооной урдаһаа тулалдахаяа нэгэн жэгдэ жэрылдэгты. Тэрээн руу харбагты. Тэрэниие бү хайрлагты, юуб гэхэдэ, тэдэ Минии, Эзэнэй, урдаһаа нүгэл үйлэдөө.

Ерэмияа 50:21

Эзэн иигэжэ айладхана: – Мэратааһим болон Пэкоодой улад зондо добтологты. Алагты, үгы хэгты тэдэниие! Таанадта захирһыем гүйсэд бэелүүлэгты! Энэ болбол Би, Эзэн, айладхана мүн!

Ерэмияа 50:26

Бүхы талаһаа тэрээндэ добтолон орогты, талха таряа нөөсэтэй амбаарнуудыень сэлигты! Дээрмэдэһэнээ таряанай обоо мэтээр обоологты! Орон нютагые үгы хэгты! Юушье бү үлөөгты!

Ерэмияа 50:29

Вавилооной урдаһаа харбагшадые дуудагты. Хотые тойрон, хэнииешье тэндэһээ амиды мэндэ табингүй тэдэ зогсог лэ! Үйлэдэһыень өөртэнь бусаагты! Ондоо арадуудта ямараар хандаа һэм, тон тиимээр өөртэнь хандагты! Юуб гэбэл, Вавилоон Минии, Израилиин Нангинай, урдаһаа бардамлан үндыгөөл.

Ерэмияа 50:3

Вавилоон руу добтолжо, зэлүүд хооһон болгохо зорилготойгоор хойто зүгһөө арад түмэн ерэжэ байна. Зон болон ан амитад тэрьедэжэ, хэншье тэндэ ажаһуухагүй.

Ерэмияа 51:11

Эзэн Мидиин хаашуулые дуудаа, юуб гэхэдэ, тэрэ Вавилооной орон нютагые усадхаха гэһэн түсэбтэй. Иимэл аргаар Тэрэ Һүмынгөө түлөө үһөөгөө абаха. Сэрэгэй ноёд захирба: «Годлинуудаа хурсадагты! Һаадагуудаа дүүргэгты!