Ерэмияа 5:22 - Библи

²² Би – Эзэмби. Юундэ Намһаа айнагүйбта? Минии урда юундэ шэшэрнэгүйбта? Би элһэ тэнгис далайда хилэ болгон табяаб. Хэтэ мүнхын тэрэ хизаарые далай гаталхагүй. Долгидынь хэды мушхарбашье, тэрэниие дабажа шадахагүй. Тэдэ хэды шааябашье, хүндэлэн гаража шадахагүй.

Ерэмияа 5:22 Referencias Cruzadas

Эхин 1:9

Бурхан: – Тэнгэри дорохи уһан нэгэ газарта суглараг, хуурай газар үзэгдэг! – гэжэ айладхаба. Айладхалайнь ёһоор энэ бүтэбэ.

3 Хаан түрэнүүд 13:28

Үбгэн лүндэншэ харгыда гаража, аян зам дээрэ хэбтэһэн бэе хүүрыень олобо. Бэеын хажууда элжэгэн ба арсалан зогсожо байгаа. Арсалан бэе хүүрые эдеэгүй, элжэгэндэ хүрөөгүй байба.

Иоов 26:10

Гэрэл болон харанхын хилые далайн нюруу дээрэ тогтоогоо.

Иоов 37:24

Тиимэ дээрэһээнь хүнүүд Тэрэниие үргэмжэлэн хүндэлдэг. Хэршье ухаатай һаа, Тэрэнэй урда юуншье бэшэбди.

Иоов 38:8

Гүн далайн газар дороһоо нэбтэрэн гарахадань хэн үүдыень хаажа хизаарлаһан байнаб?

Псалманууд 104:9

Энэ хадаа Абраһаамтай баталһан хэлсээниинь, Исаагта үгэһэн тангаригынь юм.

Псалманууд 33:7

Ядуу хүнэй дуудахада Эзэн дууладаг, бүхы аюулһаа тэрэниие абардаг. ח Хээт

Псалманууд 46:3

Юуб гэбэл, Дээдэ Эзэн аймшагтай, бүхы дэлхэйн агууехэ Хаан юм.

Псалманууд 99:1

[Һайе хүргэһэн псалма.] Бүхы дэлхэй, Эзэндэ баясан хашхарыт!

Һургаал 8:29

Тэрэнэй зааһанһаа уһанай дээшэ болохогүйн тула тэнгис далайда хилэ хизаарыень тогтоожо үгэхэдэ, газарай үндэһэ һуури тэмдэглэн тогтоохо үедэ би тэндэ байгаа һэм.

Исай 50:2

Минии абархаяа ерэхэдэ, арад түмэмни юундэ байгаагүйб? Минии дуудахада, юундэ хэншье харюусаагүйб? Иихэдээ Минии гарые богони, Намда абарха хүсэн үгы гэжэ тэдэ һанаба гү?! Хараад үзөөрэйгты, захирхадам, далай шэргэхэ, гол мүрэнүүдые сүл губи болгоходом, загаһад уһагүйһөө боложо хосорхол.

Исай 64:2

Бургааһанай гал дүлэндэ абтадагтал, уһанай гүсэ соо бусалдагтал, үндэһэ яһатад Танай ерэхэдэ доһолхо, шэшэрхэл! Өөрынгөө хүсэ шадал дайсадтаа харуулыт! Үндэһэ яһатадые шэшэрүүлыт!

Исай 66:5

Эзэнһээ айдаг, үгыень дууладаг зон, Тэрэнэй иимэ үгэ шагнагты: «Намда этигэдэг байһандатнай танай арад зоной заримашуул таанадые үзэн ядажа, харшална. Эзэн Өөрынгөө хүсэ шадал харуулаг лэ, таанадые манай хараһаар байтар абараг лэ, баярлахыетнай харахабди гэжэ тэдэ хэлэнэ. Тэдэ эшхэбтэр байдалда орохо!

Ерэмияа 10:7

Бүхы зон Таниие, үндэһэ яһатадай Хааниие, хүндэлхэ ёһотой. Үнэхөөр энэ Танда зохистой. Үндэһэтэдэй бүхы сэсэн мэргэн зоной дунда, хаашуулайнь дунда Тантай адли хэншье үгы.

Ерэмияа 2:19

Таанадай бузар булай ябадал өөһэдыетнай хэһээхэ, Намһаа буруу хараһантнай өөһэдыетнай дайраха. Намайе, Эзэн Бурханаа, орхихо гээшэ, Намһаа түбэгшөөхэгүй, Намайе хүндэлхэгүй гээшэ таанадта гашуун һургаал болохол! Энээн тушаа мэдэжэ, ойлгожо байгты. Энэ болбол Би, Хүсэн Түгэлдэр Эзэн, Түмэн Сэрэгтэ Бурхан, айладхана мүн!

Ерэмияа 31:35

Үдэрэй гэрэлтэ нарые, һүниин һара болон одо мүшэдые Эзэн үршөөгөө, долгидойнь шааятар далайе доһолгоогоо. Тэрэнэй нэрэ болбол Түмэн Сэрэгтэ Эзэн мүн.

Даниил 6:26

Минии зарлиг иимэ: хан түрымни алишье газар нютагай улад зон Даниилай Бурханһаа айн-шэшэрэн байг лэ. Тэрэ болбол амиды мэндэ, диилдэхэгүй Бурхан мүн, хааншалалгань хэтэ мүнхэ, зонхилолгонь заха хизааргүй.

Амоос 4:12

Тиимэһээ, Израиль, Би шамда нэгэ юумэ эдюулхэб даа! Тиимэһээ Минии шамда иимээр хандаха байһанда, Израиль, бэлдэн бай, өөрын Бурханиие угтаарай!

Амоос 9:6

Огторгой руу гэшхүүр байгуулааша, газар дэлхэйдэ Өөрын үргөө бата һуурижуулагша далайн уһа дууһан суглуулжа, газар дайдаар адхан тараагша Нэгэнэй нэрэ – Эзэн!

Иона 1:16

Тэдэ хүнүүд Эзэнһээ угаа ехээр һүрдэн айжа, Эзэндэ үргэл үргэбэд, тангаригаа үгэбэд.

Наум 1:4

Тэрэнэй зэмэлхэдэнь, далай хатадаг, бүхы голнууд шэргэдэг. Башаан болон Кармээл хатажа эхилдэг, Ливаанай набша намаа ганхадаг.

Матвей 10:28

Хүнэй бэе һүнөөгөөд, һүнэһыень һүнөөхэ хүсэ шадалгүй хүнүүдһээ бү айгты, зүгөөр хүнэй һүнэһыеньшье, бэеыеньшье гал тамада хаяжа һүнөөхэ аргатай Бурханһаал айжа һүрдэжэ ябагты.

Марк 4:39

Иисүүс бодоод, һалхи саража, долгинуудта захирба: – Аалин бологты, намдагты! – гэжэ захирба. Тэрэ дороо һалхин намдажа, далай долгилхоёо болижо, оршон тойрон огто аалин намдуу болошобо.

Лука 12:5

Зүгөөр хэнһээ айжа байхыетнай таанадтаа заажа үгэһүү: хүнэй ами һүнөөгөөд, һүнэһыень гал тамада хаяха эрхэ засагтай Бурханһаал айгты. Үнэхөөрөө, гансал Бурханһаа айжа байха ёһотойт!

Хуули дабталга 28:58

Энэ ном соо бэшэгдэһэн һургаалай бүхы үгэнүүдые сахин дүүргэхэеэ оролдоогүй, Эзэн Бурханайнгаа алдар солото, һүрөөтэ нэрые хүндэлөөгүй гээшэ һаатнай,

Гэршэлгэ 15:4

Хэн Танһаа айхагүйб даа, Эзэн Бурхан, Танай нэрэ солые хэн алдаршуулан магтахагүйб даа?! Гансал Та нангин гэгээнта! Бүхы арадууд Танай урда һүгэдэн унажа мүргэхэл. Юундэб гэбэл, Танай үнэн зүб хэрэгые бултадаа үзөө хараа.