Ерэмияа 5:17 - Библи

¹⁷ Тэдэ ургасыетнай болон хүнэһэ хоолыетнай залгиха, хүбүүд, басагадыетнай алаха, мал адууһыетнай үүсэлхэ, үзэм болон инжирыетнай эдихэ. Танай найдадаг хэрэмүүдыетнай тэдэ дайлан һандаргааха.

Ерэмияа 5:17 Referencias Cruzadas

Исай 62:8

Эзэн иимэ шанга шахаа тангариг үргөө бэлэй: «Шинии таряа талхан бэшэ хэзээдэшье дайсадайш хоол хүнэһэн болохогүй, хариин зон шинии үзэмэй дараһан архи уухагүй.

Исай 62:9

Харин таанад, орооһо таряа тарин хуряагшад, өөһэдөө хилээмэеэ эдижэ, Намайе, Эзэниие, магтан байхат. Үзэмэй жэмэс суглуулагшад, таанад Минии нангин үргөөгэй хашаа дотор өөһэдөө үзэмэй дараһан архи уухат».

Исай 65:22

Ондоо хүн тэрэ бариһан гэрнүүдтэнь ажаһуухагүй, ондоо зон тариһан мододһоонь эдижэ байхагүй. Мододтол адли, зомни удаан ажаһууха, ажалайнгаа үрэ шэмэ өөһэдөө эдлэхэ.

Ерэмияа 1:15

Юуб гэхэдэ, хойто зүгэй хаан түрэнүүдэй бүхы угсаатануудые ерэхыень Би дуудахаб. Тэдэ ерэжэ, хаан шэрээгээ Иерусалимай хаалгануудай хажууда, бүхы ханануудыень тойруулан, мүн Иудын бүхы хотонуудые тойруулан табиха.

Ерэмияа 4:26

Обёорходом, үрэжэлтэ-жэмэстэ газар элһэн сүл губи болошоод байгаа. Бүхы хотонуудынь һандаргагданхай. Эзэнэй уур хилэн энээнэй шалтагаан болоно.

Ерэмияа 4:7

Нюуса газарһаа гаража байһан арсаландал, үндэһэн арадуудые усадхагша хүдэлэн гаража эхилээ. Иудын хан түрые үгы хэхэеэ тэрэ өөрын газарһаа гараба. Хотонуудтнай һандаргаагдаха, тэндэ хэншье ажаһуухагүй.

Ерэмияа 5:18

Эзэн иигэжэ тунхаглана: – Тэдэ үдэрнүүдтэшье Би улад зоноо бүримүһэн усадхахагүйб.

Ерэмияа 50:17

Эзэн иигэжэ айладхана: – Израилиин улад зон арсалангуудта намнуулжа тараагдаһан һүрэг мэтэ. Урид тэдээндэ Ассириин хаан добтолон орожо мүлжэдэг һэн, удаань Вавилооной хаан Навуходоносор яһа уһыень хухалаа.

Ерэмияа 50:7

Тэдэниие ологшо хэн нэгэн залгиха һанаатай бэлэй. Дайсадынь иигэжэ хэлэнэ: – Бидэ буруу бэшэбди, тэдэ Эзэнэй урда нүгэл хээ. Элинсэг хулинсагынь Эзэндэ найдадаг бэлэй, тиимэһээ тэдэ өөһэдөө Тэрээндэ үнэн сэхэ байха ёһотой байгаа.

Ерэмияа 8:13

Тэдэнэй ургасые үгы хэхэб. Үзэм жэмэсэй эшэ дээрэ нэгэшье үзэм үлэхэгүй, инжирэй модон дээрэ инжир бултадаа үгы болохо, набша хагдарха. Минии тэдэндэ үгэһэн газар нютагшье тэдэнэй бэшэ болохо.

Ерэмияа 8:16

Дайсаднай – Даанай хотонуудта! Моридойнь турьяхые дуулаабди. Адуунайнь инсагаалха абяанһаа бүхы газар доһолно. Дайсад ерэжэ, орон нютаг, тэндэ байгааша бүхы юумэ, хото болон ажаһуугшадыень залгин һалгаахань.

Гашуудал 2:12

«Эдихэ эдеэ, ууха унда үгыт!» гэжэ тэдэ эхэнүүдээ гуйна, хотын үйлсэнүүдтэ согсо мэтэ амяа табижа хэбтэнэ, эхэнүүдэйнгээ гар дээрэ аалихан үнгэржэ байна!

Гашуудал 2:2

Эзэн Яковай гэр байрануудые хайра гамгүй хюдаа, уур хилэн дундаа Иудын бүхэлэлтэнүүдые усадхаа, хааниие болон түшэмэлнүүдые бузарлаа, газар руу шэдээ.

Эзэкээл 36:4

Тойроод байгааша арадуудай олзо, наадалха зүйлынь бологшо хада ууланууд, гүбээнүүд, урасхалнууд, гол нюруунууд, һандарһан газарнууд, хооһорһон хотонууд, Минии, Эзэн Бурханай, айладхал шагнагты.

Һошээ 2:12

«Амарагуудайм бэлэглэһэн зүйл» гэжэ тэрэнэй харуулжа хэлэдэг үзэмэй модоной болон инжирын мүшэрнүүдые хооһолхоб. Ан арьяатан тэдэниие һандааха.

Һошээ 8:14

Израилиин арад түмэн, Би таанадые байгуулааб, харин таанад Намайе мартаат. Иудын улад зон, таанар олон ордон байшангуудые, бүхэлэгдэһэн олон хотонуудые баряат. Теэд Би хотонууд руутнай гал түймэр эльгээхэб, тиихэдэм байшангуудтнай дууһан шатаха.

Ёһээл 2:3

Тэдэ хойноо шатаһан газар үлөөнэ. Ерэхэһээнь урид Эдээмэй сэсэрлиг шэнги байгаа һаа, арадань хооһон губи болодог. Тэдээнһээ тэрьелхэ арга огто үгы.

Левит 26:16

Би таанадта иигэжэ орохоб: таанадта аймшагтай юумэ, хаталга, халуун үбшэ эльгээхэб, тэдэнһээ боложо, нюдэнтнай шэргэхэ, зүрхэнтнай үбдэхэ. Үрэһэ дэмы тарихат, тэдэниие дайсантнай эдихэ.

Цэпаанияа 3:6

Эзэн иигэжэ айладхана: – Арадуудые усадхааб, буланта самхагуудыень дууһан һандаргааб. Гудамжануудаарнь хэншье ябанагүй: иигэжэ Би хооһолооб! Хотонуудынь хооһороо: нэгэшье хүн тэндэ ажаһуунагүй.

Малаахи 1:4

«Бидэ сохигдоошье һаа, бусажа ерээд хото балгааһануудаа һэргээн бодхоохобди» гэжэ эдоомуудай хэлэхэдэ, Түмэн Сэрэгтэ Эзэн иигэжэ айладана. «Бодхоохо һаа, бодхоожо байг, харин Би тэрээнииень һандаргахаб. Эдоом гээшэ ёро муута орон нютаг, Эзэнэй зэбүүрхэл хэтэдээ шэнгээһэн арад түмэн гэжэ тэрэниие нэрлэхэ».

Хуули дабталга 28:33

Хариин улад зон газарайшни хэшэг, ажалайшни бүхы үрэ дүн эдижэ хэрэглэжэ байха. Харин ши наһаараа хашагдажа, үйлөө үзэжэ байхаш.