Ерэмияа 5:15 - Библи

¹⁵ Израилиин улад зон, үзөөрэйгты, Эзэн алас холоһоо танда добтолхыень нэгэ үндэһэ яһатаниие асаржа байна. Тэрэ хадаа тэсэмгэй шэрхи ба эртэ урдын үндэһэ яһатан. Тэдэнэй хэлэ мэдэхэгүйт, юу хэлэжэ байһыень ойлгохогүйт.

Ерэмияа 5:15 Referencias Cruzadas

Эхин 11:7

Тиимэһээ бэе бэеэ ойлгохоо болиторнь хэлыень худхан холиё!

Псалманууд 81:5

Харин тэдэ ойлгоогүй, мэдэрээгүй! Харанхыда ябана! Дэлхэйн һуури хүдэлбэ!

Исай 28:11

Үгыень дуулахагүй һаань, танигдахагүй хэлэнүүд дээрэ шулганаһан хариин зоноор, Эзэн энэ арадта һургаал заабари дамжуулхал.

Исай 29:3

Эзэн хотые тойроод бүһэлжэ, харуулай самхагуудые тойруулан бодхоохо, бүһэлүүр барилгануудые бариха.

Исай 29:6

Түмэн Сэрэгтэ Эзэн аянга буулган, газар хүдэлгэн, ехэ дуу шуугаар, хуй һалхяар, шуургаар, түймэрэй галаар таанадые абарха.

Исай 33:19

Таанадай ойлгохогүй хэлэтэй, ехэрхүү бардам зантай хариин зониие бэшэ харахагүйт.

Исай 39:3

Лүндэншэ Исай Хэзэкияада ерэжэ асууба: – Эдэ зон хаанаһаа зорижо ерээб? Юун гэжэ хэлэнэб? – Тэдэ алас холын Вавилоон оронһоо ерээ, – гэжэ Хэзэкияа харюусаба.

Исай 5:26

Эзэн алас холын үндэһэ яһатаниие урижа, туг үргэхэ, газар дэлхэйн захаһаа ерэхыень тэдээндэ эшхэрхэ. Харыт, тиихэдэнь тэдэ шуумар түргэн ерэхэл!

Исай 5:7

Израилиин арад – Түмэн Сэрэгтэ Эзэнэй үзэмэй жэмэсэй сэсэрлиг гээшэл; Иудын хан түрын улад зон – Тэрэнэй дуратай үзэмэй модоной эшэнүүд. Үнэн зүбөөр хэрэгүүд эрхилэгдэхэ гээд Тэрэнэй хүлеэһэниинь тэдэ алууршад болоо. Үнэн шударгые хүлеэһэниинь гомдол, оог бархираан гансал гарана.

Ерэмияа 1:15

Юуб гэхэдэ, хойто зүгэй хаан түрэнүүдэй бүхы угсаатануудые ерэхыень Би дуудахаб. Тэдэ ерэжэ, хаан шэрээгээ Иерусалимай хаалгануудай хажууда, бүхы ханануудыень тойруулан, мүн Иудын бүхы хотонуудые тойруулан табиха.

Ерэмияа 2:26

Хулгайшан баригдахадаа нэрээ хухардаг. Тэрээндэл адли Израилиин арад зон – хаашуул, удамаршад, санаартад, лүндэншэд нэрээ гутааба.

Ерэмияа 25:9

хойто зүгэй арадуудай болон Өөрынгөө албатан, Вавилооной хаан Навуходоносорой хойноһоо эльгээжэ, танай орон нютагай, улад зонойтнай, хүршэ арадуудайтнай урдаһаа дайлахыень асархамни. Таанадые хүршэнэртэйтнай хамта бүримүһэн усадхажа, хэтэ мүнхын һандарал, аймшагтай, угаа муухай зүйл болгон үлөөхэб. Энэ болбол Би, Эзэн, айладхана мүн!

Ерэмияа 4:16

Алас холын оронуудһаа дайсад ерэжэ ябана, шангаар хашхаралдан, Иудын хотонуудые бүһэлхэеэ байна гэжэ арад зониие һэргылхын, Иерусалимда дуулгахын тула тэдэ хүрэжэ ерээл.

Ерэмияа 5:11

Израилиин болон Иудын улад зон Намда үнэхөөр урбаа. Энэ болбол Би, Эзэн, тунхаглана мүн!

Ерэмияа 6:22

Эзэн иигэжэ айладхана: – Харагты, хойто зүгэй орон нютагһаа сэрэгэй зон ерэжэ байна. Агууехэ үндэһэтэн газар дэлхэйн хизаартахи һууриһаа хүдэлжэ эхилээ.

Эзэкээл 18:31

Муу муухай юумэ өөрһөө зайсуулагты, сэбэр, арюун бодолтой, Намда үнэн сэхэ бологты. Тиигэбэл, Израилиин арад түмэн, таанад хосорхогүйт!

Даниил 7:7

Удаань һүниин үзэгдэлдөө дүрбэдэхи амитаниие харабаб: угаа аймшагтай, һүрөөтэй, ехэ хүсэтэй, мантан түмэр шүдэтэй һэн. Тэрэ бүхы юумэ үрэбхижэ, удара татажа, үлөөшые дэбһэжэ байгаа. Бусад амитадһаа тэрэ нэгэл ондоохон, арбан эбэртэй һэн.

Амоос 6:14

Түмэн Сэрэгтэ Эзэн Бурхан иигэжэ айладана: «Израильшууд, таанадые Лэбоо-Хамаатһаа Арабаагай нюруу хүрэтэр хашан үлдэхэ арадые удахагүй таанад руу ябуулхам!»

Аввакуум 3:16

Тэрээн тухай дуулахадаа, досоомни доһолбо, урални шэшэрбэ, яһамни үбдэбэ, зогсоһон газартаа би һалганабаб. Теэд арад зониием сүйдхүүлһэн дээрмэшэндэ һүнэхэ сагай ерэхые би тэсэбэритэйгээр хүлеэхэ ёһотойб.

Коринфынхидтэ 1-дэхи 14:21

«Танигдахагүй хэлэнүүд дээрэ шулганаһан хариин зоноор дамжуулан Би арад зондоо хэлэхэб, теэд тиихэдэмнишье тэдэ Намайе дуулахагүйл гэжэ Эзэн хэлэнэ», – гээд Нангин Бэшэг соо бэшээтэй байдаг.

Хуули дабталга 28:33

Хариин улад зон газарайшни хэшэг, ажалайшни бүхы үрэ дүн эдижэ хэрэглэжэ байха. Харин ши наһаараа хашагдажа, үйлөө үзэжэ байхаш.

Хуули дабталга 28:49

Хэлыеньшье танай мэдэхэгүй арад түмэниие дэлхэйн захаһаа Эзэн таанадта эльгээхэ. Бүргэдтэл адли, тэдэ таанадта добтолон орохо.