Ерэмияа 49:7 - Библи

⁷ Түмэн Сэрэгтэ Эзэн Бурхан Эдоом тушаа иигэжэ айладхана: – Тэмаан соо сэсэн мэргэн зон дайралдахаяа болёо юм гү? Зүблэгшэдынь юу хэхыень заабарилжа шадахаяа болёо гү? Мэргэн ухааниинь доройтоо гү?

Ерэмияа 49:7 Referencias Cruzadas

Эхин 25:30

– Гэдэһэмни ехэ үлдэнэ, энэ улаан шүлэнһөө намда түргөөр хээд үгыш! – гэжэ тэрэ Яковта хэлэбэ. Энээнһээ хойшо тэрэ «Эдоом», оршуулбал, «Улаан» гэжэ зугаа нэрэтэй болоһон юм.

Эхин 27:41

Эсэгын үреэл мэхээр абаһандань Эсаав Яковта хороо бусалжа, «эсэгэмнай удахагүй наһа бараха, тиихэдэнь би Яковые алахаб» гэжэ досоогоо шэбшэбэ.

Эхин 32:3

Энэ үедэ Дабһата далайн урда талада оршодог Эдоом ороной Сэһиир гэдэг газарта ажаһуугша Эсаав ахадаа Яков хэдэн хүнүүдые эльгээжэ,

Эхин 36:11

Элипаазай хүбүүд: Тэмаан, Омаар, Цэпоо, Гатаам, Кэнааз.

Эхин 36:15

Эсаав Адаа хоёрһоо түрэһэн ууган хүбүүн Элипаазай хүбүүд Тэмаан, Омаар, Цэпоо, Кэнааз, Коорах, Гатаам, Амалээг өөр өөрын обог аймаг бүрилдүүлжэ, эхи табигшадынь болоо һэн. Тэдэ бултадаа Эдоом орон дайдада ажамидардаг бэлэй.

Эхин 36:34

Ёваавай наһа бараһанай һүүлээр Тэмаан ороной Хушаам хаан шэрээ эзэлбэ.

Эхин 36:8

Эсаав Эдоом ороной Сэһиир гэдэг хада уулата нютаг ерэжэ һуурижаба.

1 Угай бэшэг 1:53

Кэнааз уг, Тэмаан уг, Мибцаар уг,

Иоов 2:11

Иоовой зоболон тухай тэрэнэй нүхэд – Тэмаан ороной Элипааз, Шууһаа ороной Билдаад, Наамаа ороной Цопаар дуулажа, тэрээндэ ошобо. Тэдэ нүхэртөө гашуудалаа мэдүүлжэ, сэдьхэлыень заһаха гэжэ ерэбэ.

Иоов 4:1

Удаань Тэмаан ороной Элипааз харюу хэлэбэ:

Псалманууд 137:7

Зоболонгой дунда минии ябаашье һаа, Та намайе амидыруулхат, дайсадайм уур хилэнгэй урдаһаа гараа һунган һарбайхат, баруун гартнай намда абарал асарха.

Исай 21:11

Думаа тухай зүн. Сэһиирһээ нэгэ хүн намайе дуудана: «Манааша, һүниин хэды саг бэ? Манааша, һүниин хэды саг бэ?»

Исай 29:14

Тиимэһээ Би энэ арадтай гайхалтай, урид үзэгдөөгүй хэрэгүүдые дахин хэхэб, Сэсэн мэргэшүүлэй ухаан үгы болохо, ухаатай зоной ухаан һалаха».

Ерэмияа 12:14

Эзэн иигэжэ айладхана: – Минии арад түмэн болохо Израильда заяаһан газар орондом добтологшо хүршэнэр тухайнь: хараарайгты, ургамал үндэһөөрнь таһа татажа гаргаһандал, Би тэдэниие газар нютагһаань гаргахаб, Иудын хан түрые тэдээнһээ абархаб.

Ерэмияа 18:18

Байһаар улад зон иигэжэ хэлсэбэ: «Ерэмияагай урдаһаа хамтарая! Маанадта хуули ёһо зааха санаартад, зүбшэл үгэхэ сэсэн мэргэшүүл, лүндэншэд хододоо байхал. Тэрэниие улаан хэлээрээ даража, хардая, хэлээшыень анхархаяа болие!»

Ерэмияа 25:21

Эдоомой, Моһаабай, Аммооной улад зондо;

Ерэмияа 25:23

Дэдаан, Тэмаа, Бүүз хотонуудай ажаһуугшадта – үһэеэ һаншагтаа хюһадаг бүхы улад зондо;

Ерэмияа 25:9

хойто зүгэй арадуудай болон Өөрынгөө албатан, Вавилооной хаан Навуходоносорой хойноһоо эльгээжэ, танай орон нютагай, улад зонойтнай, хүршэ арадуудайтнай урдаһаа дайлахыень асархамни. Таанадые хүршэнэртэйтнай хамта бүримүһэн усадхажа, хэтэ мүнхын һандарал, аймшагтай, угаа муухай зүйл болгон үлөөхэб. Энэ болбол Би, Эзэн, айладхана мүн!

Ерэмияа 49:20

Эдоомой улад зон тушаа Эзэнэй шиидэһэн, Тэмаан хотынхидой урдаһаа зохёоһон Тэрэнэй түсэб шагнагты. Бага балшар үхибүүдшье харюуда татагдаха, хотонуудынь хооһорхо.

Ерэмияа 8:9

Сэсэн мэргэн тэдэ зон нэрээ хухараа, мэгдэшоо, баригдаа, Эзэнэй үгэ тэдэ буруушааба – тиихэдээ тэдэ мэргэн ухаатай болоно гү? Үгы.

Гашуудал 4:21

Ууц нютагта һуугша Эдоомой басаган, баясан, баярлан бай! Аяга шам руушье тойрон ерэхэ! Һогтожо, өөрыгөө нюсэгэлхэш!

Эзэкээл 32:29

Эдоомой хаашуулай болон хамаг ноёдойнь хүүрнүүд мүн лэ тэндэ байна. Тэдэ шадалтай зон байгаа. Гэбэшье мүнөө үхэлэй орон соо бурхангүй, дайн дажарта алуулһан сэрэгшэдтэй хамта хүдөөлүүлэгдөө.

Даниил 11:41

нангин газар руу орожо, олон зон алуулагдаха. Гансал Эдоом, Моһааб, Аммооной олохон зон амиды мэндэ үлэхэ.

Ёһээл 3:19

Иудын хүбүүдые харшалан, орон нютагтань гэмгүй зоной шуһа урадхуулһанай түлөө Египет һүнэһэн газар, Эдоом хооһон дайда болохо.

Аввакуум 3:3

Тэмаанһаа болон Параан хадаһаа Арюун Бурхан заларжа байна. Тэрэнэй һүр жабхалан тэнгэри дүүрэн хушаа, дэлхэй Тэрэнэй алдар солоор дүүрэн байна.

Хуули дабталга 23:7

Эдоом арадые шоо бү үзэгты, юуб гэхэдэ, тэдэнэр таанадтай аха дүү арадууд болохо. Египедэй арад зониие мүн лэ шоо бү үзэгты, юуб гэхэдэ, таанад тэдэнэй газар дайдада ерүүл зон байгаа ха юмта.