Ерэмияа 49:3 - Библи

³ Хэшбооной улад зон, шангаар бархиралдыт! Ай хото һандаргагдаал! Раббаагай эхэнэрнүүд, таар үмдэжэ, гашуудан уйлагты! Хана хэрэмүүдэй дунда наашаа-саашаа гүйлдэгты! Милхоом бурхантнай санаартад, түшэмэлнүүдтэеэ хамта баряанда туугдан ошохонь лэ!

Ерэмияа 49:3 Referencias Cruzadas

2 Хаан түрэнүүд 11:1

Хабарай эхеэр, хаашуулай дайнда мордодог үедэ, Давид Раббаае бүһэлхөөр, аммоонуудые бута сохихоор Ёһаабые өөрынгөө түшэмэлнүүдтэй, мүн Израилиин бүхы сэрэгтэй хамта эльгээбэ. Давид өөрөө Иерусалимда үлөөд байгаа.

3 Хаан түрэнүүд 11:33

Энээниие юундэ хэнэбиб гэхэдэ, Соломоон Намайе орхижо, Сидооной бурхан Аштаартуудта, Моһаабай бурхан Хэмоошто, Аммооной бурхан Милхоомдо шүтэн мүргэжэ эхилээ. Соломоон Минии хойноһоо ябаагүй, Намда таатай зүб юумэ хээгүй, Давид эсэгэдээл адли байгаагүй, хуули ёһонуудыем, тогтоол заабаринуудыем сахибагүй.

3 Хаан түрэнүүд 11:5

Иигэжэ Соломоон Сидооной эхэнэр бурхан Аштаартада, Аммооной жэгшүүрилтэ шүтээн Милхоомдо шүтэжэ эхилбэ.

4 Хаан түрэнүүд 23:13

Хаан Иерусалимай зүүн тээһээ урагшаа Элеон хада хүрэтэр байһан мүргэлэй шүтөөнүүдые бузарлаба. Израилиин хаан Соломоон сидооной яндан – Аштаарта, моһаабай яндан – Хэмоошто болон аммооной яндан – Милхоомдо шүтөөнүүдые барюулһан байгаа.

Эзраа 2:28

Бэт-Ээлһээ, Һайһаа гараашад – хоёр зуун хорин гурбан,

Исай 13:6

Сурхирса уйлыт! Эзэнэй үдэр дүтэлөө! Түгэс Хүсэтэһөө усадхал ерэжэ байна!

Исай 14:31

Уйлыт, бартаанууд! Уляарай, хото! Пилишт ороной бүхы хотонуудай улад зон, айгты! Хойто зүгһөө унинха тооһон харагдана – энэ хадаа дайсанай сэрэг жэгдэ жагсаалаар ерэжэ байна гээшэл.

Исай 15:2

Дибоон хотын зон гашуудан уйлаһаар мүргэлэй газарнууд өөдэ гарана. Моһаабай улад зон Нэбоо болон Мэдэбаа тушаа сурхирса уйлана. Гашуудалай тэмдэг – хүн бүхэнэйнь толгой, һахал хюһагданхай.

Исай 16:7

Тиимэһээ Моһаабай зон уйлалдаха. Киир-Харээсэдэй үзэмтэй һайхан лепёошхонуудые һанажа, зобон, уйлыт!

Исай 23:1

Тиир тушаа зүн. Шангаар уйлалдыт, хүсэтэ онгосоор Таршиишһээ бусажа байгааша зон! Танай бусадаг Тиир хото үгы хэгдээ, орохо гэр байранууд һандарал болонхой! Киттиимэй нютагһаа тамаран бусахадаа иимэ һураг суу таанад дуулаат.

Исай 23:6

Далайн эрьеын арад зон, шангаар уйлалдыт! Таршииш руу нүүжэ ошогты!

Ерэмияа 4:8

Тиимэһээ гашуудалай хубсаһа үмдэжэ, гашуудан шангаар уйлагты. Юуб гэбэл, Эзэнэй шэрүүн уур хилэн таанадһаа эрьен-зайлан байхагүй.

Ерэмияа 46:25

Түмэн Сэрэгтэ Эзэн, Израилиин Бурхан, иигэжэ айладхана: – Би Тэбээсэй бурхан Аммоониие Египедэй бурхадтай, хаашуултай, фараонтой хамта хэһээхэеэ бэлдэжэ байнаб. Египедэй хаан, фараониие, тэрээндэ найдадаг бүхы зониие хэһээхэ һанаатайб.

Ерэмияа 48:2

Моһаабай магтаал солонь буураа. Дайсан Хэшбоон эзэлэн абаа. Моһаабай арад түмэниие үгы хэхэ нюуса хэлсээн ябуулагдана. Мадмээн хото абяа аниргүй болгохо, сэрэг хойноһоонь дахаад һалахагүй.

Ерэмияа 48:20

«Моһааб унан һалаа» гэжэ тэдэ харюусаха, тэрээн тушаа гашуудан байгты, Моһааб һандаргагдаа гэжэ Арноон голоор соносхогты!

Ерэмияа 48:37

Тэдэ бултадаа толгойгоо хюһанхай, һахалаа абанхай. Гашуудан-зобон, гараа элдэбээр отолоо, хүн бүхэниинь таар үмдэнхэй.

Ерэмияа 48:7

«Моһааб, ши өөрынгөө хүсэндэ, баян бардам байһандаа найдадаг бэлэйш. Теэд мүнөө шишье диилдэхэш. Хэмоош бурханшни баряанда туугдан ошохо, тайжанартаяа, санаартадтаяа хамта ошохо.

Ерэмияа 49:1

Аммооной арад зон тушаа Эзэн иигэжэ айладхана: – Израилиин улад зон үгы юм гү? Юундэ Милхоом бурханда мүргэдэг зон Гаадай обогой газар уһые эзэмдээд, тэндэнь ажаһуунаб?

Ерэмияа 51:8

Гэнтэ тэрэ унажа, тэһэ бутаршабал! Тэрээн тушаа гашуудан байгыт! Аргалхаяа эм дом абагты, эдэгэжэ болохо аалам.

Ерэмияа 6:26

Эзэн: – Минии арад зон! Гашуудалай хубсаһа үмдэжэ, үнэһэн соо хүльбэрэгты. Ори ганса үхибүүгээ гээһэн мэтэ угаа гашуунаар уйлагты, юуб гэхэдэ, таанадые усадхахаяа ерэжэ байгаашад гэнтэ добтолон орохо.

Амоос 1:15

Хааниинь сүлэлгэдэ туугдаха. Түшэмэл ноёдыньшье тэрээнтэй хамта туугдан баряанда ошохо!

Цэпаанияа 1:5

Гэрэй хушалта дээрэһээ огторгойн одо мүшэдтэ зальбарагшадые, Минии нэрээр тангариг үргэжэ байтараа Милхоом бурхандаа эрьежэ, тэрэнэй нэрээр тангариглажа байгшадые,

Яковай хандалга 5:1

Баяшуул, мүнөө таанад намайе шагнагты! Таанад орилон бархирагты, гэгэн уйлагты, тархи дээрэтнай гай гасалан буухаяа байна.

Нүүнэй Иисүүс 7:2

Ерихоонһоо Иисүүс Бэт-Ээлэй зүүн талада Бэт-Аавэн шадар байһан Һай руу хүнүүдые эльгээгээд, тэдээндэ: – Ошоод газар харагты, – гэжэ хэлээ. Тэдэнь ошоод, Һай хотые хараа.

Нүүнэй Иисүүс 8:1

Эзэн Иисүүстэ хэлээ: – Бү ай, бү һүрдэ; дайлалдаха шадалтай бүхы зоноо абаад, Һай хото тээшэ ошо. Би Һай хотын хааниие, тэрээнэй арад зониие, тэрээнэй хотые, тэрээнэй газар шинии гарта үгэнэб.

Нүүнэй Иисүүс 8:28

Иисүүс Һай хотые шатаажа, бутархай һандарал, элһэн губи болгоо.