Ерэмияа 49:16 - Библи

¹⁶ Бардам заншни шамда һаад, тушаан болоо, юушье ойлгоогүйш. Хэншье шамһаа айнагүй. Ши үндэр хабсагайнуудаар, хада уулануудай оройгоор ажаһуунаш. Бүргэд мэтэ үндэр газарта байгаашье һааш, тэндэһээш Би шамайе доошонь унагаахаб. Энэ болбол Би, Эзэн, айладхана мүн!

Ерэмияа 49:16 Referencias Cruzadas

4 Хаан түрэнүүд 14:7

Амацияа Дабһата хүндыдэ арба мянган эдоомуудые алаад, Сээлые дайгаар эзэмдэжэ, тэрэ хотые шэнээр Ёктээл гэжэ нэрэлбэ. Тэрэ хото мүнөө болотор иимэ нэрэтэй юм.

Иоов 39:27

Шинии хүсэлөөр бүргэд далияа дэлгэн үндэр тээшэ дүүлижэ, уулын орьёлдо уурхайгаа түхеэрдэг гү?

Һургаал 16:18

Һүйдхэлэй урда бардамлал ябадаг, бүдэржэ унахын урда дээрэлхүү зан ябадаг.

Һургаал 18:21

Хэлэнэй үзүүртэ амин ба үхэл байдаг. Хэлэндээ болгоомжотой хүн һайн үрэ үзэдэг.

Һургаал 29:23

Бардам зан хүниие дарана, харин гудагар номгон хүн хүндэдэ хүртэнэ.

Дуунай дуун 2:14

Хадын хабшалда хоргодон нюугдаһан сагаан тагтаа мэтэ энхэргэн минии, нюураа харуулжа, дуугаа соносхуулыш! Дуу хоолойшни ямар уянгатайб, дүрэ шарайшни ямар һайхан бэ!

Исай 10:14

Уурхайнууд соо байгааша үндэгэ зоной абадагтал, би арадуудай эд баялиг, газарыень буляан абааб. Намда эсэргүүсэн хүдэлхэ далишье байгаагүй, хушуугаа нээн, нам руу хашхарха хэншье үгы!»

Исай 2:21

Эзэнэй газар дэлхэйе доһолгохоёо ерэхэдэ, уур хилэнһээнь, һүр жабхаланта хүсэ шадалһаань тэрьедэхэ гэжэ зон хабсагайн хабшал руу, хадын агынууд руу хорохо.

Исай 49:25

Эзэн иигэжэ айладхана: «Тиимэ юумэн боложо болохо! Баряанда абтаһан сэрэгшье баатарһаа буляагдаха, хархис хаанай олзошье буляагдаха. Эдэ бүгэдые Би хэхэб! Би шинии дайсадтай тэмсэжэ, үхи хүүгэдыешни абархаб».

Ерэмияа 48:14

Моһаабай арад түмэн, юундэ таанад зүрхэтэй, байлдаануудта дүршэһэн зомди гээд хэлэнэбта?

Ерэмияа 49:15

Би шамайе арадуудай дунда тоогдохоор бэшэ ахир бага болгохоб, шамайе булта шоо үзэхэ.

Ерэмияа 50:29

Вавилооной урдаһаа харбагшадые дуудагты. Хотые тойрон, хэнииешье тэндэһээ амиды мэндэ табингүй тэдэ зогсог лэ! Үйлэдэһыень өөртэнь бусаагты! Ондоо арадуудта ямараар хандаа һэм, тон тиимээр өөртэнь хандагты! Юуб гэбэл, Вавилоон Минии, Израилиин Нангинай, урдаһаа бардамлан үндыгөөл.

Ерэмияа 51:53

Вавилооной тэнгэри өөдэ дэгдэжэ, тэндэ бата хэрэмээ баряашье һаань, Би зониие тэрээн руу эльгээжэ, усадхахаб. Энэ хадаа Би, Эзэн, айладхана мүн!

Амоос 9:2

Үхэлэй орон руу хороошье һаань, тэндэшье тэдэниие олохоб. Огторгой руу дэгдээшье һаань, тэндэшье мүн лэ хүрэхэб.

Аввакуум 2:9

Өөрын гэр байрада хуули бусаар эд зөөри суглуулааша, гэнэ усалһаа болгоомжолон, үндэр газарта гэр уурхайгаа түхеэрээшэ хэн нэгэн абарагдахагүй!

Малаахи 1:3

Харин Эсаавые үзэн ядажа, хадата орон нютагыень хооһон болгооб. Мүнөө тэндэнь губиин сүүбэн шононууд амидардаг.