Ерэмияа 48:7 - Библи

⁷ «Моһааб, ши өөрынгөө хүсэндэ, баян бардам байһандаа найдадаг бэлэйш. Теэд мүнөө шишье диилдэхэш. Хэмоош бурханшни баряанда туугдан ошохо, тайжанартаяа, санаартадтаяа хамта ошохо.

Ерэмияа 48:7 Referencias Cruzadas

2 Хаан түрэнүүд 5:21

Пилиштүүд тэрьедэхэдээ, тэндэ бурхадайнгаа дүрсэнүүдые хаяа бэлэй. Давид зонтоёо тэдэнииень оложо абаа һэн.

3 Хаан түрэнүүд 11:33

Энээниие юундэ хэнэбиб гэхэдэ, Соломоон Намайе орхижо, Сидооной бурхан Аштаартуудта, Моһаабай бурхан Хэмоошто, Аммооной бурхан Милхоомдо шүтэн мүргэжэ эхилээ. Соломоон Минии хойноһоо ябаагүй, Намда таатай зүб юумэ хээгүй, Давид эсэгэдээл адли байгаагүй, хуули ёһонуудыем, тогтоол заабаринуудыем сахибагүй.

3 Хаан түрэнүүд 11:7

Удаань Соломоон Моһаабай жэгшүүрилтэ шүтээн Хэмоошто ба Аммооной жэгшүүрилтэ шүтээн Моолохто зорюулан, Иерусалимай зүүн зүгтэ байгаа уула дээрэ мүргэлэй обоо байгуулба.

Псалманууд 40:4

Орондоо үбшэн хэбтэжэ байхадань, Эзэн тэрээндэ тэнхээ үгэхэ, үбшэнтэнэй хэбтээшэ орыень Эзэн хубилгаха.

Псалманууд 52:7

Израилиин абарал Сионһоо ерэхэнь болтогой! Арад зоноо баряанһаа Бурханай бусаахада, Яков баярлаха, Израиль баясаха!

Ерэмияа 13:25

Энэ болбол танай үйлэ, Эзэнэй таанадта хэмжэжэ үгэһэн хуби заяан юм. Юуб гэбэл, таанад Тэрэниие мартажа, бодото үнэн бэшэ бурхадта найдан, шүтэн мүргэдэг болоот.

Ерэмияа 43:12

Египедэй бурхадай һүмэнүүдые Би гал дүлэндэ шатаахаб. Вавилооной хаан бурхадыень шатааха. Хонишодой бөөһэгүй сэбэр хубсаһа шэлэн үмдэдэгтэл, Вавилооной хаан Египедэй газар дайдые сэбэрлэн, шэлэжэ эдлээд, тэрэнээ илан орхихо.

Ерэмияа 48:13

Израилиин улад зоной этигэл найдал болоһон Бэт-Ээлһээ эшэжэ эхилһэндэл, Моһаабай зон Хэмоош бурханһаа эшэжэ эхилхэ.

Ерэмияа 48:46

Моһааб, ши золгүйш даа! Хэмоош бурханда зальбарагшад һалаба, үхи хүүгэдынь баряанда абтан туугдаба.

Ерэмияа 49:3

Хэшбооной улад зон, шангаар бархиралдыт! Ай хото һандаргагдаал! Раббаагай эхэнэрнүүд, таар үмдэжэ, гашуудан уйлагты! Хана хэрэмүүдэй дунда наашаа-саашаа гүйлдэгты! Милхоом бурхантнай санаартад, түшэмэлнүүдтэеэ хамта баряанда туугдан ошохонь лэ!

Ерэмияа 49:4

Юундэ таанад дэмы һаахаралданабта? Хүсэ шадалтнай бууранхайл. «Хэншье намда добтолон орожо шадахагүй» гэжэ хэлэн, юундэ таанад өөһэдтөө үлүү найдаад байнабта?

Ерэмияа 9:23

Эзэн иигэжэ айладхана: Мэргэн хүн мэргэн ухаагаараа, хүсэ шадалтай хүн шадалаараа, баян хүн эд баялигаараа бү һайрхаг.

Һошээ 10:13

Таанад муу муухайе ургуулан байгаат, үнэн шударга бэшые хуряажа абанат. Худал хуурмагаар ургуулагша эдеэгээ эдин байнат. Юуб гэбэл, таанад дайшалхы тэргэнүүдтээ, олон сэрэгшэдтээ найдаһан байгаат.

Тоололго 21:29

Таанадта, Моһаабай хүнүүдтэ, тодхор болохо! Таанад, Хэмоошто шүтэгшэд, хосорхот! Таанадай бурхан эрэшүүлыетнай зугадалганда, таанадай басагадые эмооршуудай хаанай мэдэлдэ үгөөл.

Тимофейдэ 1-дэхи 6:17

Баян хүнүүдэй зөөри зөөшөөрөө бүдүүрхэхэгүйень, иимэ мэтын найдабаригүй баялигта найдахагүйень захира, зүгөөр аяшаажа байха юумэ элбэг дэлбэгээр маанадта үршөөжэ байдаг амиды Бурханда найдажа байхыень заабаришалжа бай.

Гэршэлгэ 18:7

Өөрыгөө тэрэ хэды ехээр магтуулаа гээшэб, хэды ехэ баялиг соо умбаа гээшэб, тэды ехэ ядарал зоболон, уйдхар гашуудал тэрээндэ асарагты! Юундэб гэбэл, тэрэ ниислэл иигэжэ досоогоо һанаа: «Би хатан шэнги һайн һуунаб, би бэлбэһэн эхэнэр бэшэб, уйдхар гашуудалые үзэхэгүйб!»

Ударидагшад 11:24

Шинии Хэмоош бурханай үгэһэн газарые ши эзэлнэгүй аалши? Бидэнэй эзэлээд байһан эдэ бүхы газарые Эзэн, бидэнэй Бурхан угайтнай баялиг гэжэ бидэндэ үгөө юм.