Ерэмияа 48:41 - Библи

⁴¹ Хотонууд, хэрэмүүд дайсанай хүнэһэн болохо. Тэрэ үдэр Моһаабай сэрэгшэдэй зүрхэ сэдьхэл үхибүү түрэжэ, үбдэжэ байһан эхэнэртэл адли аймхай болохо.

Ерэмияа 48:41 Referencias Cruzadas

Исай 13:8

Тэдэ айжа, гар-хүлынь таталдажа, үбдэжэ эхилхэ. Тэдэ түрэжэ байһан эхэнэртэл зобохо. Бэе бэеэ айжа хараха, нюурынь эшэһэндээ улайха.

Исай 21:3

Хэбэл руум хадхаба. Түрэжэ байгша эхэнэртэл, зобожо, үбдэжэ байнаб. Гай зоболонһоо боложо юушье дууланагүйб, айһандаа юушье харанагүйб!

Ерэмияа 30:6

Асуугты, бодоод үзэгты: эрэ хүн үхибүү түрэжэ шадаха гү? Теэд үхибүү түрэжэ байһан эхэнэртэл, эрэ хүн бүхэнэй гараа гэдэһэн дээрээ хээд байхые юундэ Би харанабиб? Юундэ бултанайнь шарайнууд сухигар бэ?

Ерэмияа 4:31

Би түрэхэ гэжэ үбдэжэ байһан эхэнэрэй оог хашхараанда адли дууе, түрүүшын үхибүүгээ түрэжэ байһан эхэнэрэй ёолоходол абяае, гараа һунгаад: «Аа, би гасаланда орооб! Намайе алахаяа тэдэ ерэнэ!» – гэжэ амияа абажа ядажа байһан Сионой үхинэй абяае соносооб.

Ерэмияа 4:9

«Тэрэ үдэр хаан болон ноёд айн һүрдэхэ, санаартад ухаа алдаха, лүндэншэд гайхан гэлыхэ», – гэжэ Эзэн тунхаглаба.

Ерэмияа 48:24

Кэриһоот, Боцраа болон Моһаабай холо, ойрын бүхы хотонуудта тэрэ хүрэжэ ерээ.

Ерэмияа 49:22

Далияа дэбиһэн бүргэдтэл, дайсан Боцраа хото руу добтолон орохо. Тэрэ үдэр Эдоомой сэрэгшэд үхибүүгээ түрэжэ байһан эхэнэртэл, зобохо.

Ерэмияа 49:24

Дамааскын улад зон аймхай, айһандаа тэдэ тэрьедээ, үхибүү түрэжэ байһан эхэнэртэл, үбдэжэ, зобожо байна.

Ерэмияа 50:37

Морид болон дайшалхы тэргэнүүдынь һалаг! Хүлһэлэн асарһан хариин сэрэгшэдынь хосорог! Тэдэ угаа һула! Эрдэни зэндэмэнинь һалаг! Тоногдог!

Ерэмияа 50:43

Вавилооной хаан тэдээн тушаа һураг суу дуулажа, һал һуушаба. Түрэжэ байһан эхэнэртэл үбшэндэ, гай зоболондо тэрэ нэрбэгдэбэ.

Ерэмияа 51:30

Вавилооной сэрэгшэд тулалдахаа болижо, бата хэрэмүүдтээ хоргодон байна. Тэдэ шэн зориггүй, хүсэгүй ядуу болонхой. Хотын бартаанууд һандаргагдаа, гэр байрануудынь галдагдаа.

Ерэмияа 6:24

Иерусалимай зон иигэжэ хэлэнэ: – Тэдээн тушаа һураг суу дуулажа, һал һуушабабди. Түрэжэ байһан эхэнэртэл үбшэндэ, гай зоболондо бидэ нэрбэгдэбэбди.

Амоос 2:2

Моһааб руу гал эльгэхэб, Кэриһоодой хэрэмүүд галда дүрэхэ! Байлдаанай шаг шууяан дунда, бүреэгэй дуутай хамта Моһааб хосорхо!

Фессалоникиинхидтэ 1-дэхи 5:3

Хүнүүдэй «Амгалан тайбан, аюулгүй һуунабди» гэжэ байхада, тэдэниие гэнтэ һүйдхэхэ. Тэрэ һүйдхэл болбол түрэхөө байһан эхэнэрэй үбдэдэг мэтэ гэнтэ эхилхэ, тиимэһээ хүнүүд тэрээнһээ зайлажа шадахагүй.