Ерэмияа 48:2 - Библи

² Моһаабай магтаал солонь буураа. Дайсан Хэшбоон эзэлэн абаа. Моһаабай арад түмэниие үгы хэхэ нюуса хэлсээн ябуулагдана. Мадмээн хото абяа аниргүй болгохо, сэрэг хойноһоонь дахаад һалахагүй.

Ерэмияа 48:2 Referencias Cruzadas

Исай 15:1

Энэ болбол Моһааб тушаа зүгнэлгэ. Һүниин туршада дээрмэдүүлээд, Аар-Моһааб аниргүй болоо. Һүниин туршада дээрмэдүүлээд, Киир-Моһааб анираа хатаа.

Исай 15:5

Моһааб тушаа зүрхэ сэдьхэлни уйлана. Моһаабай зон Цооһар болон Эглаат-Шэлишияа руу гүйлдэнэ. Лүхиит руу үгсэхэдөө, уйлалдан гарана, гай тухайгаа шангаар бархиралдан, Хоронааһим руу ошоно.

Исай 16:14

Мүнөө хадаа Эзэн иигэжэ айладхана: – Ажалда зониие хүлһэлэн абахадаа он жэлнүүдые тоолодогтол, гурбан жэлые тоолоходо, Моһаабай һүр жабхалан һуларан һүнэхэ. Олон зонһоонь оройдоол нэгэ хэдынь амиды мэндэ үлэхэ. Тэдэньшье ахир, хүсэгүй байхал.

Исай 25:10

Эзэн энэ Сион уулые аршалха, гэбэшье һолоомын шабааһа шэбхэ руу гэшхэгдэдэг мэтэ Моһаабай улад зон байһан газартаа гэшхэгдэн һалаха.

Ерэмияа 25:15

Израилиин Эзэн Бурхан намда иигэжэ айладхаба: – Энэ аяга Минии уур хилэнгээр дүүрэнхэй. Тэрэниие абаад, Минии таанадые эльгээһэн бүхы арадуудта ошожо, тэрээнһээ уулга.

Ерэмияа 25:17

Тиигээд би Эзэнһээ тэрэ аяга абажа, Тэрэнэй намайе эльгээһэн бүхы арадуудта баадхан уулгабаб.

Ерэмияа 31:36

«Хэрбээ энэ тогтоогдоһон зарлигай болюулагдабал, Израилиин уг удам Минии урда үндэһэ яһатан байхаяа болихо» гэжэ Эзэн тунхаглажа байна.

Ерэмияа 33:24

– Израиль болон Иудын хан түрые шэлэһэн аад, Минии тэдэниие буруушааһан тухай зоной хэлсэжэ байһые ойлгоо гүт? Тэдэ Минии арад түмэн руу дээрэлхыгээр хаража, үндэһэ яһатан байна гэжэ тооногүй.

Ерэмияа 46:28

Минии зараса Яков, бү ай, Би таанадтай байнам. Таанадые ондоо орон нютагаар тараагаа һэм, тэрэ нютагай үндэһэ яһатаниие хюдахаб. Таанадые үгы хэхэгүйб, гэбэшье хэһээлтэ амасуулхаб, үнэн зүбөөр хэрэг ябуулхаб! Энэ болбол Би, Эзэн, айладхана мүн!

Ерэмияа 48:17

Дүтүүр ажаһуудаг арадууд, тэрэниие хайрлыт, тэрэниие һайн мэдэхэ улад, «Тэрэнэй хүсэ шадал һалаа, алдар солонь буураа!» – гэжэ хэлыт.

Ерэмияа 48:42

Моһааб үндэһэ яһатанай дундаһаа үгы хэгдэхэ, юуб гэбэл, тэрэ Минии урдаһаа эсэргүүсэн бодоо.

Ерэмияа 48:45

Тэрьедэжэ байгаашад хүсэгүй болоходоо Сиһоон хаанай хэзээ нэгэтэ зонхилжо байһан Хэшбоон хотодо хорохоёо һанаха, теэд гал дүлэн тэндэһээ гаража, Моһаабай хилэ дайдануудые, хадын оройнуудые хайран галдаха.

Ерэмияа 49:3

Хэшбооной улад зон, шангаар бархиралдыт! Ай хото һандаргагдаал! Раббаагай эхэнэрнүүд, таар үмдэжэ, гашуудан уйлагты! Хана хэрэмүүдэй дунда наашаа-саашаа гүйлдэгты! Милхоом бурхантнай санаартад, түшэмэлнүүдтэеэ хамта баряанда туугдан ошохонь лэ!

Ерэмияа 49:37

Элаамай улад зониие дайсадһаа айдаг болгохоб. Уур сухал дундаа тэдээндэ гай тодхор ушаруулжа, бултыень һалгаатараа сэрэг тэдээндэ эльгээжэл байхаб.

Тоололго 32:37

Рэүбээнэй обогойхид Хэшбоон, Элэалээ, Кириатааим,