Ерэмияа 48:1 - Библи

¹ Моһааб тушаа Түмэн Сэрэгтэ Эзэн, Израилиин Бурхан иигэжэ айладхаа: Нэбоо хото золгүй, һандаргагдаа. Кириатааим эшхэбтэр зүйл боложо олзологдоо. Хэрэм бүхэлэлтэнүүд эшхэбтэр зүйл боложо унаа.

Ерэмияа 48:1 Referencias Cruzadas

Эхин 14:5

Тиимэһээ арбан дүрбэдэхи жэлдээ Элаам уласай хаан Хэдорлаһоомэр, тэрээнтэй эб холбоо байгуулһан хаашуул сэрэгээ Сиддимэй нюруу руу оруулхын урда тээ урда зүг руу шэглэн, Ханаһаан ороной Аштэроот-Карнааһим хотын рэпаиим гэдэг обог зонтой дайлалдажа диилэбэ. Удаань тэдэ Һаам хотые эзэлэн, зузиим яһатаниие илаба. Һүүлдэнь Шабээ-Кириатааим гэдэг тала нютагта оршодог эмиим обог зониие диилээ бэлэй.

Эхин 19:37

Эгэшэнь хүбүү түрөөд, тэрэнээ Моһааб гэжэ нэрлэбэ. Тэрэнь моһааб обог зоной элинсэг эсэгэ болоно.

2 Угай бэшэг 20:10

Мүнөө хадаа Аммооной, Моһаабай болон Сэһиирэй хадаар ажаһуудаг сэрэгүүд маанадта добтолон оробо. Манай үбгэ эсэгэнэрэй Египет орон нютагһаа гараад ябажа байхада тэдэнэй газар дээгүүр гарахыень Та зүбшөөгөөгүй бэлэйт. Тиимэһээ үбгэ эсэгэнэрнай хажуугаарнь үнгэржэ, тэдэниие хюдаагүй бэлэйл.

Исай 25:10

Эзэн энэ Сион уулые аршалха, гэбэшье һолоомын шабааһа шэбхэ руу гэшхэгдэдэг мэтэ Моһаабай улад зон байһан газартаа гэшхэгдэн һалаха.

Исай 25:12

Үндэр ханатай Моһаабай хэрэмүүдые Тэрэ бута сохихо, шорой шохойтой адли болгохо!

Исай 27:3

Би тэрэниие харууһалжа, таһалгаряагүй уһалжа байнаб. Хэншье тэрэниие бү гэмтээг гэһэндээ Би тэрэниие үдэр, һүнигүй харууһалнаб.

Ерэмияа 25:21

Эдоомой, Моһаабай, Аммооной улад зондо;

Ерэмияа 27:3

Тиигээд Иудын хаан Цэдэкиияда Иерусалим ерэдэг элшэнэрээр дамжуулан, Эдоомой, Моһаабай, Аммооной, Тиирэй, Сидооной хаашуулда мэдээсэл эльгээхыемни Тэрэ намда захираа.

Тоололго 24:17

Эзэн ерэхэ гэжэ харанаб, гэбэшье тон мүнөө бэшэ. Эзэн ерэхэ гэжэ харанаб, гэбэшье тон һаядаа бэшэ. Яковһаа одон толорон мандаха, Израильһаа засаг баригша бии болохо. Тэрэ засаг баригша Моһаабай тайжанарай толгой таһалха, Шээдэй үринэрые хюдаха.

Тоололго 32:3

– Бидэндэ, таанадай зарасанарта, түмэн үхэр мал бии. Бидэнэй дайгаар добтолон орожо булимтаран абаһан эдэ газарнуудта үхэр малаа харууһалан адуулхада Атороодой, Дибооной, Язээрэй, Нимраагай, Хэшбооной, Элэалээгэй, Сэбаамай, Нэбоогой болон Бэһооной нуга таланууд һайн бэлшээритэй байна.

Тоололго 33:47

Тэдэнэр Алмоон-Диблатааһимһаа гаража Нэбооһоо холо бэшэ байдаг Абариимай хадануудай бооридо ошожо тогтоод, майхан хүреэнүүдээ татан байрлаба.

Нүүнэй Иисүүс 13:19

Кириатааим, Сибмаа ба Эмээг хада дээрэхи Цээрэт-Шааһар,