Ерэмияа 47:1 - Библи

¹ Гааза гээшэдэ Египедэй фараоной добтолхын урда тээ Эзэн намтай пилишт арад тушаа хөөрэлдэһэн байна.

Ерэмияа 47:1 Referencias Cruzadas

Эхин 10:19

Тэдэ Сидоон хотоһоо урагшаа далайн эрьеын Гааза хотын оршом болохо Гэраар хүрэтэр, тэндэһээ зүүн тээшээ Лааша хүрэтэр Цэбоһиим, Содом, Гоморро, Адмаа гэдэг хотонуудые бии болгобо.

3 Хаан түрэнүүд 4:24

Евфрат мүрэнэй зүүн эрьеын бүхы хан түрэнүүдые, Типсаахһаа эхилээд, Гааза хүрэтэр бүхы газар дайдые тэрэ зонхилжо, тойроод байгааша орон нютагуудтаяа эбтэй эетэй ажамидараа.

Исай 14:29

Пилишт орон нютагай улад зон, таанадые сохижо байһан ташуур хухараа гэжэ бү баярлагты. Юуб гэхэдэ, нэгэ могойн үхэхэдэ, үшөө ехэ хорото могой орондонь ерэдэг гээшэл. Тэрэнэй үндэгэнһөө ниидэдэг гал могой гарахал.

Ерэмияа 25:20

Египет соо байһан ерүүл хариин зондо, Ууц орон нютагай бүхы хаашуулда, пилиштүүдэй орон нютагай хаашуулда – Ашхэлооной, Гаазай, Экрооной, Ашдоодой үлэгдэл зоной хаашуулда;

Эзэкээл 25:15

Эзэн Бурхан иигэжэ айладхана: – Пилиштын арад зон хэтын дайсадһаа үһөөгөө оло дахин абан, усадхахаяа һэдэдэг байгаа.

Эзэкээл 25:16

Тиимэһээ Пилиштын арад түмэндэ Би добтолхоб, хэрээдүүдые һалгаахаб, далайн эрьеэр оршодог хотонуудайнь ажаһуугшадые дууһан усадхахаб.

Ёһээл 3:4

Тиир, Сидоон ба Пилиштын тойрог Минии хубида юун бэ даа! Таанад үһөө абаха гэжэ байна гүт? Тэрэ үһөөетнай һөөргэнь тархи дээрэтнай буулгахаб.